ខេត្តបាត់ដំបង៖ កាលពីវេលាម៉ោង២១ និង៣០ នាទី ថ្ងៃទី៥ ខែ តុលា ឆ្នាំ ២០១៦នេះ កម្លាំងកងអាវុធហត្ថខេត្តបានឃាត់ខ្លួនជនសង្ស័យប្រុសស្រី៥នាក់ និងដកហូតថ្នាំញៀន១០កញ្ចបទម្ងន់១០,២៤ ត្រង់ចំណុចផ្ទះសំណាក់ វលក្ខណ៍ ស្ថិតក្នុងភូមិកម្មករ សង្កាត់ ស្វាយប៉ោ ក្រុងបាត់ដំបង ខេត្តបាត់ដំបង ការិយាល័យជំនាញបានបន្តឃាត់ខ្លួនជនសង្ស័យ ០២ នាក់បន្ថែមទៀត ដែលជាមេក្លោងរបស់ឈ្មោះ ឆន សុភ័ក្រ ហើយនិងបក្ខពួកមាន១-ឈ្មោះ ហេង ចំរើន ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅភូមិ រតនះ សង្កាត់រតនះ ក្រុងបាត់ដំបង ខេត្តបាត់ដំបង ២-ឈ្មោះ ចាន់ ស្រីនាង ភេទ ស្រី អាយុ ២១ ឆ្នាំ មុខរបរមិនពិតប្រាកដ និងមានទីលំនៅភូមិក្តុល សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង ។
ចំណែកឯវត្ថុតាងដកហូតរួមមាន:១-គ្រឿងញៀនម៉ាទឹកកក ចំនួន ០៣ កញ្ចប់ ទម្ងន់ ៨,៨០ ក្រាម២-ទូរស័ព្ទដៃ០៣ គ្រឿង ៣-ម៉ូតូ ០១ គ្រឿងម៉ាក អាយខន ពណ៌ស គ្មានផ្លាកលេខ។
និងជាមួយគ្នានេះដែរ ក៏បង្ក្រាបបាននូវករណីទីមួយផ្សេងទៀត ក្រោយទទួលចម្លើយជនសង្ស័យ២នាក់ខាងលើសមត្ថកិច្ចស្រាជ្រាវ នៅម៉ោង ១៣ និង ៣០នាទីថ្ងៃទី០៥ ខែតុលា ឆ្នាំ២០១៦ ត្រង់ចំណុចផ្ទះសំណាក់ ហេង ឃុន ស្ថិតក្នុងភូមិរំចេក៣ សង្កាត់រតនះ ក្រុងបាត់ដំបង ខេត្ត បាត់ដំបង កម្លាំងការិយាល័យជំនាញ បានធ្វើការឃាត់ខ្លួនជនសង្ស័យ០៣ នាក់១-ឈ្មោះ ឆន សុភ័ក្រ ភេទប្រុស មុខរបរ ជាជាងជួសជុលរថយន្ត ទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង ទី២-ឈ្មោះ ស៊ិន សុខហ៊ី ភេទ ប្រុស អាយុ ២៦ ឆ្នាំ មុខរបរលក់ដូរ ទីលំនៅភូមិ ១៣មករា សង្កាត់ ព្រែកព្រះស្តេច ក្រុងបាត់ដំបង ខេត្តបាត់ដំបង និងទី៣-ឈ្មោះ មុត ម៉ារ៉ាឌី ភេទ ស្រី អាយុ ២៥ ឆ្នាំ មុខរបរ បំរើខារ៉ាអូខេ ទីលំនៅភូមិឈើទាល ឃុំឈើទាល ស្រុកបាណន់ ខេត្តបាត់ដំបង និងដកហូតបានវត្ថុតាងរួមមាន១-គ្រឿញៀនម៉ាទឹកកក ចំនួន០៧ កញ្ចប់ទម្ងន់១,៤៤ ក្រាម -ទូរស័ព្ទដៃ ០៣ គ្រឿង-ម៉ូតូ ០១ គ្រឿងម៉ាកហុងដាឌ្រីមសេ១២៥ ពណ៌ខ្មៅ សេរីឆ្នាំ ២០១៥ ផ្លាកលេខ បាត់ដំបង 1U 7592 មួយគ្រឿង។
បច្ចុប្បន្នជនសង្ស័យត្រូវបានឃាត់ខ្លួន និង វត្ថុតាងកំពុងរក្សាទុក នៅការិយាល័យជំនាញដើម្បីកសាងសំណុំរឿងបញ្ចូនទៅតុលាការតាមនីតិវិធីច្បាប់៕