ក្រចេះ៖ យុវជនម្នាក់ គិតខ្លី ព្រោះតែខឹងនឹងសម្តីម្តាយស្ដីប្រដៅឲ្យកែរខ្លួនធ្វើត្រឹមត្រូវ ក៏ទៅចងកសម្លាប់ខ្លួន ។
ហេតុការណ៍នេះ បានកើតឡើងនៅវេលាម៉ោងប្រហែល 08:00 នាទីព្រឹកថ្ងៃទី០៣ ខែតុលា ឆ្នាំ២០១៦ នៅក្នុងបន្ទុប់ទឹកខាងក្រោយផ្ទះ ស្ថិតក្នុងភូមិ ឃុំឆ្លូង ស្រុកឆ្លូង ខេត្តក្រចេះ។
ជនរងគ្រោះឈ្មោះ គូ សុខគង់ ភេទប្រុស អាយុ 19ឆ្នាំ ជាតិខ្មែរ មានទីកន្លែងកំណើតចំនុចកើតហេតុខាងលើ បានយកកន្សែងចងភ្ជាប់នឹងធ្នឹម បន្ចប់ទឹក រួចក៏ចងកសម្លាប់ខ្លួនតែម្តង។
បើតាមការអះអាងពីសមត្ថកិច្ច បានឲ្យដឹងថា មូលហេតុ គឺដោយសារ ខឹងម្តាយស្តីប្រដៅ រឿងដើរលេងមិនចូលផ្ទះ និងមិនចេះរកស៊ីចិញ្ខឹមជីវិត។
ករណីនេះ ជំនាញអធិការដ្ឋាន និងប៉ុស្តិ៍នគរបាលរដ្ឋបាល បានចុះធ្វើការត្រួតពិនិត្យដល់កន្លែងកើតហេតុ និងបានធ្វើកំណត់ហេតុ ប្រគល់សាកសពជូនដល់ក្រុមគ្រួសារ ដើម្បីយកទៅធ្វើបុណ្យតាមប្រពៃណី៕