ខេត្តព្រះវិហារ÷ មានករណីគ្រោះថ្នាក់ចរាចរណ៍០១លើក បង្ករឡើងដោយម៉ូតូបុកជាមួយគោយន្តកន្ត្រៃយ៍ ពីខាងក្រោយក្នុងទិសដៅស្របទិសគ្នា បណ្តាលអោយស្លាប់មនុស្សចំនួន០១នាក់ លើផ្លូវជាតិលេខ៦៤នៅចំណុច ទួលព្រៃកង្ហារភូមិស្រយង់ត្បូង ឃុំស្រយង់ ស្រុកគូលែន ខេត្តព្រះវិហារ នៅវេលាម៉ោង ១៨ និង១៥នាទី ថ្ងៃទី០២.ខែតុលា.ឆ្នាំ២០១៦។
ដោយសារអ្នកបើកបរម៉ូតូឈ្មោះបឹុម វ៉ាន់ឆៃ (ហៅខ្លី) ភេទប្រុស អាយុ១៨ឆ្នាំ ជានជាតិខ្មែរ សញ្ជាតិខ្មែរ មុខរបរកសិករ បច្ចុប្បន្នរស់នៅភូមិបិតផ្កា ឃុំស្វាយលើ ស្រុកស្វាយលើ ខេត្តសៀមរាប បើកបុកពីក្រោយពេញទំហឹងបណ្ដាលឱ្យស្លាប់នៅនឹងកន្លែងកើតហេតុ។ ចំណែកម៉ូតូម៉ាកDream C125 ស៊េរីឆ្នាំ២០០៥ ពណ៌ខ្មៅ ពាក់ស្លាកលេខ សៀមរាប1G.6431 លេខតួ/លេខម៉ាសុីន8055104 (ខូចខាតផ្នែកខាងមុខទាំងស្រុង) ។ និងអ្នករួមដំណើរម្នាក់ឈ្មោះ វិន ចន ភេទប្រុស អាយុ១៩ឆ្នាំ ជនជាតិខ្មែរ សញ្ជាតិខ្មែរ មុខរបរកសិករ បច្ចុប្បន្នរស់នៅភូមិបិតផ្កា ឃុំស្វាយលើ ស្រុកស្វាយលើ ខេត្តសៀមរាប របួសភ្លៅខាងស្តាំ ។
រីឯអ្នកបើកបរគោយន្តកន្ត្រៃយ៍មិនស្គាល់អត្តសញាណ (រត់គេចខ្លួន) ។
តាមការឱ្យដឹងពីសាក្សីនៅកន្លែងកើតហេតុប្រាបថា អ្នកបើកបរម៉ូតូបើកលឿននិងក្នុងស្ថានភាពស្រវុឹងផងទើបបណ្ដាលឱ្យមានគ្រោះថ្នាក់ធ្ងន់ធ្ងររហូតបាត់បង់ជីវិតបែបនេះ។
បច្ចុប្បន្ន សពប្រគល់ជូនក្រុមគ្រួសារ អ្នករបួសរថយន្តសង្គ្រោះរបស់ស្រុកស្វាយលើ មកដឹកយកទៅព្យាបាលនៅខេត្តសៀមរាប ឯយាន្តបង្ករហេតុសមត្តកិច្ចបានយកមករក្សាទុកនៅប៉ុស្តិ៍នគរបាលរដ្ឋបាលស្រយង់ ៕
