ខេត្តមណ្ឌលគិរី÷ យ៉ាងតិចមនុស្ស៣នាក់និងរថយន្តដឹកជញ្ជូនឈើល្មើសច្បាប់ចំនួន៥គ្រឿងត្រូវបានកម្លាំងកងរាជអាវុធហត្ថលើផ្ទៃប្រទេសឃាត់ចាប់កាលពីយប់ថ្ងៃ២៧ ខែកញ្ញា ឆ្នាំ២០១៦និងថ្ងៃទី២៨ ក្នុងគោលដៅចំនួន០៤ផ្សេងៗគ្នា ដោយមានការចូលរួមពីតំណាងអយ្យការតុលាផងនោះ ករណីប្រមូលទិញដឹកជញ្ជូនឈើដោយគ្មានលិខិតអនុញ្ញាតិពីរដ្ឋបាលព្រៃឈើ ត្រូវបានសមត្ថកិច្ចបានឲ្យដឹងថាៈ នៅវេលាម៉ោង០៦និង៥០នាទីយប់ថ្ងៃ២៧ ខែកញ្ញាឆ្នាំ២០១៦ខាងលើសមត្ថកិច្ចឈជើងនៅខេត្តមណ្ឌលគិរីបានបង្ក្រាបរថយន្ត(ឡង់គ្រីស័រ)មួយគ្រឿងពណ៍ស្លែរ ពាក់ផ្លាក់លេខ បាត់ដំបង ២A=០២៧៤ និងឃាត់ខ្លួនអ្នកបើកបរម្នាក់ឈ្មោះ ស៊ុំ សែន ភេទប្រុស អាយុ៥៨ ឆ្នាំ ក្នុងបទល្មើសជាក់ស្តែង ផ្ទុកឈើប្រណិតប្រភេទបេងចំនួន២២ដុំស្មើនិង១,៣២០ម៉ែត្រគូប នៅចំណុចភូមិអណ្តូងក្រឡឹង ឃុំសែនមនោរម្យ ស្រុកអូរាំង ខេត្តមណ្ឌលគិរី ហើយនៅវេលាម៉ោង១រសៀលថ្ងៃទី២៨ ខែកញ្ញា ឆ្នាំ២០១៦កម្លាំងដដែលនេះបន្តបង្ក្រាបរថយន្តកាមរីដឹកឈើមួយគ្រឿងទៀតនៅចំណុច ភូមិ ស្នែង ឃុំ ស្រែខ្ទុម ស្រុកកែវសីមា ខេត្តបណ្ឌលគីរី មានឈើចំនួន ៣៤ដុំ ប្រវែង១,២ម៉ែត្រគូប។
សមត្ថកិច្ចបន្តថាៈ នៅវេលាម៉ោងង២៣និង០០នាទីថ្ងៃទី២៧ ខែកញ្ញា ឆ្នាំ២០១៦ កម្លាំងសមត្តកិច្ចបានបង្ក្រាបរថយន្តដឹកឈើប្រណិតមួយគ្រឿងម៉ាកសាំយ៉ុង នៅចំណុចផ្លូវបំបែក(អូរពងមាន់)ឋិតក្នងភូមិរាជានុកូល សង្កាត់ ក្រុង ខេត្តស្ទឹងត្រែង ចាប់យកឈើប្រណិតប្រភេទធ្នង់ចំនួន៩៨ដុំស្មើនិង១,៥៤០ម៉ែត្រគូប។ចំណែកនៅឯខេត្តក្រចេះវិញសមត្ថកិច្ចក៏ឃាត់ចាប់រថយន្តបានចំនួន២គ្រឿង០១/រថយន្តសាំយ៉ុងមួយគ្រឿងពណ៌ស ពាក់ស្លាកលេខភ្នំពេញ២R=៤១៣១ ដកហូតឈើធ្នង់ និងសុក្រំបានចំនួន៥,៤៣១ម៉ែត្រគូបនិង២/រថយន្តយីឌុបពាក់ស្លាកលេខភ្នំពេញ ៣B=៦៨៥៤ ដោយប្រើរូបភាពដាក់កៅស៊ូក្រែបពីលើ មានឈើពីក្រោមសមត្ថកិច្ចកម្លាំងអាវុធហត្ថនិងជំនាញរដ្ឋបាលព្រៃឈើកំពុងធ្វើការវាស់វែង និងមនុស្សពីរនាក់ត្រូវឃាត់ខ្លួនរួមទាំងវត្ថុតាងឈើ& រថយន្តជាមធ្យោបាយប្រព្រឹត្តបទល្មើសនិងជនសង្ស័យត្រូវបានសមត្ថកិច្ចរក្សាទុកនិងសាកសួរតាមនីតិវិធី ដើម្បីកសាងសំណុំរឿងប្រគល់អោយជំនាញរដ្ឋបាលព្រៃឈើបញ្ជូនទៅសាលាដំបូងខេត្តចាត់ការបន្ត៕