ខេត្តបាត់ដំបង÷ ព្រឹកថ្ងៃទី ២៦ ខែកញ្ញា ឆ្នាំ២០១៦ ឯកឧត្តម ឆាយ ថន ទេសរដ្ឋមន្ត្រីរដ្ឋមន្ត្រីក្រសួងផែនការបានដឹកនាំប្រតិភូ របស់ក្រសួងអញ្ចើញចុះសួរសុខទុក្ខកងកំលាំងនគរបាលវរៈសេនាតូចការពារព្រំដែនគោកលេខ៣១០និង៨២៣ ស្រុកសំឡូត ខេត្តបាត់ដំបង ដែលជាវរៈសម្ព័ន្ឋមេត្រីយ៍ភាពជាមួយក្រសួងផែនការ ។
អញ្ជើញចូលរួមក្នុងពិធីនាពេលនេះ មានឯកឧត្តម លោកជំទាវ អស់លោក លោកស្រី ជាថ្នាក់ដឹកនាំក្នុងក្រសួងផែនការ ឯកឧត្តមជាថ្នាក់ដឹកនាំនាយកដ្ឋានជំនាញនគរបាលព្រំដែនគោក ថ្នាក់ដឹកនាំក្នុងទីបញ្ជាការនគរបាលប្រចាំទិសភូមិភាគទី៥ ឧត្តមសេនីយ៍ទោ ស ថេត ស្នងការនៃស្នងការដ្ឋាននគរបាលខេត្តបាត់ដំបង ឧត្តមសេនីយ៍ស្នងត្រី ពុំ ចាន់ ស្នងការរងទទួលបន្ទុកវរៈព្រំដែន និងអស់លោកក្នុងអង្គភាពពាក់ព័ន្ឋជាច្រើនទៀត ។
ក្នុងពិធីសំណេះសំណាលនេះ ឯកឧត្តមទេសរដ្ឋមន្ត្រី ឆាយ ថន បានសម្តែងនូវការនឹករលឹក និងកោតសរសើរចំពោះវីរៈភាពរបស់កងកម្លាំងនគរបាលទាំងអស់ដែលបានយកចិត្តទុកដាក់បំពេញនូវតួនាទី និងភារកិច្ចរបស់ខ្លួននាពេលកន្លងមក ក្នុងបុព្វហេតុការពារនូវបូរណភាព ទឹកដីជូនជាតិ និងប្រជារាស្ត្រ ។ ឯកឧត្តមបន្តថា ក្នុងនាមក្រសួង ដែលជាសម្ព័ន្ឋមេត្រីយ៍ភាពជាមួយកងកម្លាំងនគរបាលវរៈសេនាតូចការពារព្រំដែនគោកនេះឯកឧត្តមក៏ដូចជាថ្នាក់ដឹកនាំដ៏ទៃទៀតតែងតែមានការនឹករលឹក និងបានគឹតគូរអំពីសុទុក្ខជាប់ជាប្រចាំចំពោះកងកម្លាំងនគរបាលដែលកំពុងបំពេញភារកិច្ចនៅតាមខ្សែបន្ទាត់ព្រំដែនកម្ពុជា-ថៃ ហើយក្នុងឳកាសពិធីបុណ្យកាន់បិណ្ឌ ភ្ជំបិណ្ឌប្រពៃណីជាតិខ្មែរនេះ បើទោះបីមានការងារមមាញឹកយ៉ាងណាក្តីក៏ ឯកឧត្តមបានដឹកនាំប្រតិភូក្នុងក្រសួងចុះមកសាសួរសុខទុក្ខដល់កងកម្លាំងនគរបាលក្នុងអង្គភាពផ្ទាល់តែម្តងឯកឧត្តមបានផ្តាំផ្ញើដល់ កងកម្លាំងនគរបាលត្រូវបន្តខិតខំពង្រឹងឲ្យបាននូវ តួនាទីនិងភារកិច្ចរបស់ខ្លួនជាបន្តទៀត និងសូមថែរក្សាសុខភាពឲ្យបានល្អប្រសើរចៀសវាងនូវជំងឺដង្កាត់ផ្សេងៗ ។
ក្នុងឱកាសនៃការចុះសាកសួរសុខទុក្ខនេះផងដែរ ឯកឧត្តមបានឧបត្ថមដល់អង្គភាពនគរបាលទាំងពីរវរៈនេះរួមមាន៖ ក្នុង០១អង្គភាពទទួលបាន- ថវិកាចំនួន២,០០០,០០០ រៀល- សាច់ក្រកសាច់ជ្រូនចំនួន២៥ គីឡូក្រាម- មីយើងចំនួន២៥កេសតូច- អង្ករចំនួន១២តោន ដោយក្នុងនោះកំលាំងចូលរួមមានចំនួន១៨០នាក់ក្នុងម្នាក់ៗទទួលបាន៖- ថវិកាចំនួន៣០.០០០រៀល-សាច់ក្រកសាច់ជ្រូកចំនួន0១គីឡូក្រាម-មីយើងចំនួន០១កេសតូច អធិការដ្ឋាននគរបាលស្រុកសំឡូតទទួលបាន៖- ថវិការចំនួន១,០០០,០០០ រៀល-និងឧត្តមសេនីយ៍ទោ ស ថេត ស្នងការនៃស្នងការដ្ឋានខេត្តបាត់ដំបងក៏បានចូលរួម ឧបត្តម្ភអង្ករចំនួន ០២តោន ដល់កងកម្លាំងនគរបាលទាំងពីរវរៈដែលក្នុង០១វរៈទទួលបានអង្ករចំនួន ០១តោនផងដែរ៕
