ឃាតកម្មដ៏រន្ធត់មួយបានកើតឡើងនៅ ភូមិពាមខិៈ ឃុំស្រែសំបូរ ស្រុកសៀមប៉ាង ខេត្តស្ទឹងត្រែង ។ នៅវេលាម៉ោង ៩:២៣ នាទីយប់ ថ្ងៃទី២៤ ខែ កក្តដា ឆ្នាំ ២០១៤ កូនចិញ្ចឹម បានសំលាប់ម្តាយ ដោយកាប់និងពូថៅជាច្រើនកន្លែង បែកធ្លាយខួរស្លាប់នៅនឹងកន្លែង ។
តាមសេចក្តីរាយការណ៏ពីលោក ….ឈុន សមាជិកក្រុមប្រឹក្សាស្រុក សៀមប៉ាងដែលរស់នៅភូមិឃុំកើតហេតុខាងលើ និងបានដឹងហេតុការណ៏មុនគេបានឲ្យដឹងថា៖ នៅវេលាម៉ោង ៩: ២៣ នាទី កូនប្រុសដែលចិញ្ចឹម ឈ្មោះ កែវ ពៅ បានទោះសម្តីបន្តិចបន្តួចជាមួយម្តាយចិញ្ចឹម ឈ្មោះ …ធា រហូយឈានដល់ការវាយ និងកាប់ម្តាយចិញ្ចឹមនិងពូថៅជាច្រើនកន្លែងរហូតដល់ស្លាប់នៅនឹងកន្លែង ។ បានសម្តីពីកេ្មងស្រីម្នាក់ ឈ្មោះ កើន ស្រីខួច ត្រូវជាក្មួយរបស់ជនដៃដល់ ដែលបានមកដេកជាមួយជនរងគ្រោះនោះដែរបានរៀបរាប់ឲ្យដឹងថា៖ ពីក្បាលព្រលប់ យាយ ធា បានជិះម៉ូតូមកឌុបនាងមកដេកជាមួយ ។ ពេលឌុបមកដល់ផ្ទះរបស់គាត់ ជាមួយ និងក្មេងស្រីម្នាក់ទៀតដែលជាចៅរបស់គាត់ គាត់ក៏បានរៀបកន្លែងដេកឲ្យពួកនាង ។ ស្រាប់តែឃើញជន សង្ស័យដែលជាពូរបស់នាង និង ជាកូនចិញ្ចឹមរបស់ជនរងគ្រោះ បានឡើងមក ដោយមិនមាត់មិន ក អ្វីទេ និង បានកកាយរុករើក្នុងទូ ជនរងគ្រោះក៏បានសួរថា កូនឯងរកអ្វី ? ជនដៃដល់មិនបានឆ្លើយតបវិញឡើយ។នាងមិនបានចាប់អារម្មណ៏ ក៏ដេកលក់ទៅ ។ មួយស្របក់ក្រោយមក នាងក៏បានភ្ញាក់ដឹងខ្លួន ទាំងលឺសម្លេងស្ត្រីរងគ្រោះកំពុងរើបំរាស់ និង សម្រែកដែល ជនដៃដល់បានវាយតប់ និង ទាញយកពូថៅកាប់ជាច្រើនកន្លែង នាងក៏បានលោតតាមបង្អួច រត់ទៅប្រាប់ អ្នកជិតខាងឲ្យជួយ ។
យោងតាមសម្តីរបស់បងប្រុស ជនដៃដល់ឈ្មោះ កែវ ថុល បានបញ្ជាក់ឲ្យដឹងថា ប្អូនប្រុសរបស់គាត់ទើបមកពីព្រៃ(ទៅរកឈើមកលក់ តែលក់មិនទាន់ចេញ) បានសត្វត្រង ២ក្បាល ឲ្យបងប្រុសច្បងឈ្មោះ កែវ កើន ដែលជាឪពុករបស់កុមារី កើន ស្រីខួច យកធ្វើភ្លាហូបខ្លែម ។ ជនដៃដល់ឈ្មោះ កែវ ពៅ ក៏បានទិញស្រាចំនួន ១ លីត មកផឹកខ្លែមជាមួយ ភ្លាសត្វត្រង ។ យាយ ធា ដែលជាជនរងគ្រោះក៏បានជិះម៉ូតូមកដល់ និងយកបានកូនស្រីឈ្មោះ កើន ស្រីខួច អាយុប្រមាន ១៦ ឆ្នាំ ទៅដេកជាមួយដូចសព្វដងពីព្រោះគាត់ជាស្ត្រីមេម៉ាយ កូនចៅបែកផ្ទះ មានលំនៅផ្សេងទៅហើយ ហើយផ្ទះគាត់ក៏នៅឆ្ងាយដាច់ពីគេទៀត។ ពេលផឹកស្រាអស់មូយលីត ហើយជនដៃដល់ កែវ ពៅ ក៏បានដើរចេញទៅបាត់ ។
តាមសម្តីលោក មុំ កែវ ជាឪពុកជនដៃដល់ បានបញ្ជាក់ប្រាប់អ្នកសារព័ត៌មានថា នៅម៉ោងប្រមាណ ១២ អធ្រាតុ ថ្ងៃខែឆ្នាំដដែល កូនប្រុសរបស់គាត់បានមកសុំខ្ចីលុយចំនួន ១០០ ដុល្លា ដោយប្រាប់ថាទៅទាក់ទង ថៅកែទិញឈើ តែគាត់ថាគ្មានទេ មានតែ ៣០ ម៉ឺនរៀល ។ កូនប្រុសក៏ព្រមយក និងបានទាញយកកានសាំងហើយចាក់ម៉ូតូ រួចជិះចេញទៅបាត់ ។
លោក ឈុន បានបញ្ជាក់បន្ថែមទៀតថា ក្រោយពីបានឈើញហេតុការណ៏នេះហើយ លោកក៏បានទូរស័ព្ទទៅលោក វ៉ា សុផាន់ អធិការស្រុកសៀមប៉ាង ដើម្បីចាត់វិធានការណ៏ឃាត់ចាប់ខ្លួនជនដៃដល់ ។ លោកក៏បានរៀបរាប់បន្តទៀតថា ជនដៃដល់ឈ្មោះ កែវ ពៅ បានមកនៅជាមួយជនរងគ្រោះប្រមាណជាង ៣ ឆ្នាំមកហើយ ដោយពីមុនជនដៃដល់បានចាប់ចិត្តស្រលាញ់កូនស្រីរបស់គាត់ តែកូនស្រីរបស់គាត់ជាប់ទៅបន្តការ សិក្សានៅទីក្រុងភ្នំពេញ ទើបឲ្យរងចាំ និងឃើញថាជនដៃដល់ជាមនុស្សឧស្សា ទើបយកមកនៅជាមួយ និង ហៅប្រើ និងទុកដូចជាកូនចិញ្ចឹមតែម្តងទៅ ។ មិនតែប៉ុណ្ណោះគាត់ថែមទាំងទិញ គោយន្ត និង ម៉ូតូមួយគ្រឿងឲ្យទៀតផង ។ ក្រោយមកគាត់ក៏បាននិយាយជាមួយកូនចិញ្ចឹមជាជនដៃដល់ថា បើសិនជាកូនចាំកូនម៉ែបាន ក៏ចាំ តែបើចាំមិនបាន និងមានស្រឡាញ់កូនអ្នកណា ចាំម៉ែនឹងទៅចូលស្តីដណ្តឹង និងរៀបការអោយ ។ លុះ ប្រមាណជាមួយឆ្នាំដោយមើលឃើញថាកូននេះនិយាយស្តីមិនស្តាប់ មិនសូវជួយធ្វើការងារ ផឹកស៊ីស្រវឹងច្រើន និង មានការសេពគ្រឿងញៀនទៀតផង ទើបគាត់បានបញ្ជូន និង ប្រគល់កូនចិញ្ចឹម កែវ ពៅ ជូនទៅឲ្យឪពុកម្តាយ វិញ រួមទាំង ម៉ូតូ ១គ្រឿង និង គោយន្ត ១ គ្រឿងទៀត ។ តែពេលទៅនៅផ្ទះឪពុកម្តាយរបស់ខ្លួនហើយ ក៏នៅតែចេញចូល និង មកនៅ ហូបចុក ផ្ទះម្តាយចិញ្ចឹមដូចសព្វដងដដែល ។
តាមសម្តីរបស់លោក វ៉ា សុផាន់ អធិការស្រុកសៀមប៉ាង បានបញ្ជាក់ថា ក្រោយពីបានទទួលព័ត៌មាននេះមក គាត់ក៏បាន បញ្ជាមកលោក សុខ សំអុន មេប៉ុស្តឃុំស្រែសំបូរ ឲ្យនាំកំលាំងចុះបង្ក្រាប និងចាប់ជនដៃដល់មករក្សាទុកនៅអធិការដ្ឋានស្រុកសៀមប៉ាង ដើម្បីរៀបចំនិតិវិធីបញ្ជូនទៅតុលាការ ។ លោកបានបន្តទៀតថា ជនដៃដល់ចាប់ឃាត់ខ្លួនបាននៅទីតាំង ផ្លូវលំទៅភូមិស្រែឬស្សី វេលាម៉ោងប្រមាណ ១ រំលងអធ្រាតុ ចូលថ្ងៃទី ២៥ ខែឆ្នាំដដែល ដោយបានពង្រាត់ក្មេងស្រីម្នាក់អាយុប្រមាណ ១៥ ឆ្នាំទៅជាមួយទៀត ៕
