ខេត្តក្រចេះ៖ លោកឧត្តមសេនីយ៍លន់ សុផាត ស្នងការនគរបាលខេត្ត បានប្រាប់ ឲ្យនគរបាលវរការពារព្រំដែន ពង្រឹងលើកិច្ចការងារប្រចាំការដើម្បីរង់ចាំទទួលបទបញ្ជាពី អគ្គស្នងការនគរបាលជាតិក៏ដូចជាគណបញ្ជាការឯកភាពខេត្ត ទប់ស្កាត់នូវក្រុមតវ៉ាបាស់ បោលមួយចំនួន ដែលប្រឆាំងរាជរដ្ឋាភិបាលដែលជារដ្ឋភិបាលស្របច្បាប់ចេញពីការបោះ ឆ្នោត ។
ការមានប្រសាសន៍ថ្លែងបែបនេះរបស់លោកឧត្តមសេនីយ៍លន់ សុផាត ស្នងការនគរ បាលខេត្ត បានធ្វើឡើងនៅរសៀលថ្ងៃទី២៦ កញ្ញា ខណះដែលលោកឧត្តមសេនីយ៍បានដឹកនាំគណប្រតិភូស្នងការដ្ឋាន ចុះសួរសុខទុកនិងនាំអំណោយជាគ្រឿងឧបភោគ បរិភោគមួយចំនួននិងថវិការចំនួន៥លានរៀល ចែកជូនដល់ នគរបាលវរការពារព្រំដែនលេ ខ៦១៩ ចំនួន១៣០រូបក្នុងឱកាសនៃពិធីកាន់បិណ្ឌ-ភ្ជុំបិណ្ឌ។
មានប្រសាសន៍សំណេះសំណាលជាមួយនិងលោកនាយ- នាយរងនគរបាលវរៈការ ពារព្រំដែននៅក្នុងទីបញ្ជាការវរៈនៅរសៀលនោះលោកឧត្តមសេនីយ៍លន់ សុផាត ស្នងការ នគរបាលខេត្តក្រចេះ បានពាំនាំនូវការផ្តាំផ្ញើរឲ្យសួរសុខទុក្ខដល់កងកម្លាំងនគរបាលវរពី សំណាក់ឯកឧត្តមនាយឧត្តមសេនីយ៍នេត សាវឿន អគ្គស្នងការនគរបាល និងឯកឧត្តមអភិ បាលខេត្តក្រចេះដល់កម្លាំងនគរបាលវរការពារព្រំដែនលេខ៦១៩ទាំងអស់។
មានប្រសាសន៍លើកឡើងបន្តលោកឧត្តមសេនីយ៍ លន់ សុផាត បានជម្រុញឲ្យកង កម្លាំងនគរបាលវរការពារព្រំដែនទាំងអស់ ត្រូវរូសរាន់ទៅចុះឈ្មោះបោះឆ្នោតឲ្យបានគ្រប់ៗ គ្នា។
បន្ថែមពីលើនេះ លោកឧត្តមសេនីយ៍លន់ សុផាត បានសម្តែងនូវការកោតសសើរនិង លើកទឹកចិត្តដល់កម្លាំងនគរបាលវរការពារព្រំដែន ដែលកន្លងមកមានការយកចិត្តទុកដាក់ និងភារកិច្ចការងារ បានសហការគ្នាជាមួយប្រទេសជាប់ព្រំដែនដើម្បីរួមគ្នារក្សាបានល្អនូវ សន្តិសុខតាមខ្សែរបន្ទាត់ព្រំដែន។ លោកឧត្តមសេនីយ៍លន់ សុផាតស្នងការនគរបាលខេត្ត ក៏បានមានប្រសាសន៍ដាក់ចេញនូវទិសដៅផែនការយ៉ាងម៉ឺងមាត់ ដល់កងកម្លាំងនគរបាល វរការពារព្រំដែនលើកិច្ចការងារប្រចាំការ២៤ម៉ោងលើ២៤ម៉ោងឲ្យជាប់ជាប្រចាំ ដើម្បីរង់ចាំ ទទួលបទអគ្គស្នងការក៏ដូចជាគណបញ្ជាការឯកភាពខេត្ត ទប់ស្កាត់នូវក្រុមតវ៉ាបាស់បោល មួយចំនួនដែលប្រឆាំងរាជរដ្ឋាភិបាលដែលជារដ្ឋភិបាលស្របច្បាប់ចេញពីការបោះឆ្នោត ។
បើយោងតាមរបាយការណ៍របស់លោកវរសេនីយ៍ទោ សួង ចំរើន មេបញ្ជាការវរការ ពារព្រំដែនលេខ៦១៩ បានឲ្យដឹងថា ព្រំដែនប្រទេសកម្ពុជា ខេត្តក្រចេះមានព្រំដែនជាប់និង ប្រទេសវៀតណាមចំងាយ៧៤គីឡូ៥០០មែត្រ។ ចំណែកឯសភាពការព្រំដែនសម្រាប់ខេត្ត ក្រចេះនិងខេត្តប៊ិញភឿក ប្រទេសវៀតណាម ក៏មិនធ្លាប់កើតមានបញ្ហាអ្វីគួរឲ្យកត់សម្គាល់ នោះទេ ៕
