ខេត្តរតនះគីរី ៖ កាលពីយប់ថ្ងៃទី20 ខែកញ្ញា ឆ្នាំ2016 វេលាម៉ោង22 :00 នៅត្រង់ចំណុចជញ្ជីងថ្លឹងរថយន្តស្រុកកូនមុំ សកម្មភាពមេការទំនើងរបស់ក្រុមហ៊ុនរាម៉ាឈ្មោះសុខ លៀង ហាមឃាត់អ្នកយកព័ត៌មានមិនអោយថតចុះផ្សាយពីរឿងដែលគាត់ដឹកឈើចេញទៅខេត្តកំពង់ចាម ។
ដោយសារតែសារព័ត៌មានយើងទទួលបានព័ត៌មានមួយថាក្រុមហ៊ុនរាម៉ានេះមានទីស្នាក់នៅស្រុកតាវែង ខេត្តរតនះគីរី ហើយអាជ្ញាធរអនុញ្ញាតឱ្យធ្វើត្រឹមឈើកែឆ្នៃឈើឯណេះសោះ ចុះហេតុអ្វីក៏គំនរឈើនៅស្រុកអណ្តូងមាស ទាំងតូច ទាំងធំ ត្រូវបានស្ទូចដាក់លើរថយន្ត មានឈើខ្លះមុខមិនក្រោមមួយរយឡើយ ។ ហើយនៅនៅពេលចេញរថយន្តម្តងៗ គាត់តែងតែស្រែឡូឡាថា ឈើរបស់ក្រុមហ៊ុនគាត់សុទ្ធតែមានប៉េសេរួចអស់ហើយ ។
តាមសកម្មភាពជាក់ស្តែង ដែលព័ត៌មានយើងទទួលបាន នៅពេលក្រុមហ៊ុនស្ទូចផ្សេងៗស្ទូចឈើដាក់រថយន្តម្តងៗមិនដែលមានរដ្ធបាលព្រៃឈើណាម្នាក់ ទៅឈរពិនិត្យមើលពេលក្រុហ៊ុននិមួយៗស្ទូចក្រែងមានបង្កប់ឈើប្រណិតរី លើសចំនួនប៉េសេដែលរដ្ធាភិបាលកំណត់នោះទេ សង្ស័យថា ពាក់ព័ន្ធក្នុងរឿងស៊ីសំណូកសូកប៉ាន់អ្វីហើយមើលទៅ ដូចជាយប់ថ្ងៃទី21 ខែកញ្ញានេះ ក៏មានរថយន្តដឹកឈើរបស់ក្រុមហ៊ុនម៉ាងយ៉ាង បានដឹកចេញជាច្រើនគ្រឿងផងដែរ តែមិនឃើញ ភ្នាក់ងាររដ្ឋបាលព្រៃឈើណាម្នាក់ពិនិត្យឡើយ ។ ហើយប្រជាពលរដ្ឋកំពុងតែរង់ចាំមើលថា តើថ្ងៃណាទើបលោក ឆេង គឹមស៊ុន អញ្ជើញលោក កែប កត់ ទៅដុះក្អែលចេញម្តង ដើម្បីកាត់បន្ថយបទល្មើសព្រៃឈើនៅខេត្តរតនះគីរី អោយបានតាមបទបញ្ជាសម្តេចនាយករដ្ឋមន្ត្រីដែលបានដាក់ចេញនាពេលកន្លងទៅនោះយ៉ាងដូច្នេះ ៕
