ក្រចេះ ៖ នគរបាលស្រុកស្នួលបានឲ្យដឹងថា មានករណីអគ្គីភយ័ឆាបឆេះផ្ទះប្រជាពលរដ្ឋអស់ចំនួន១ខ្នង ខូចខាតទាំងស្រុង ។ ហេតុការណ៍នេះកើតឡើង នៅវេលាមោង៨និង២០នាទី ព្រឹកថ្ងៃទី១៥ ខែកញ្ញា ឆ្នាំ២០១៦ នៅចំនុចផ្ទះក្រហម ភូមិសំបួរ ឃុំស្វាយជ្រះ ស្រុកស្នួលខេត្តក្រចេះ ។
លោក ចាន់ សុខគីម អធិការនគរបាលស្រុកស្នួលបានឲ្យដឹងថា ម្ចាស់ផ្ទះមានឈ្មោះ អិត គី ភេទប្រុសអាយ ៥៥ ឆ្នាំ ប្រពន្ធឈ្មោះ មែន អឿន អាយ៦០ឆ្នាំ ត្រូវបានភ្លើងឆាបឆេះផ្ទះអស់ចំនួន១ខ្នង ខូចខាតទាំងស្រុងផ្ទះនោះ មានទំហំ 6 គុណ ១២ សង់អំពីឈើ ជញ្ជាំងក្ដាដំបូលប្រក់ស័ង្កសី ត្រូវខូចខាត់ទាំងស្រុង តែមិនមានអ្នករងរបួសក្នុងហេតុការណ៍ភ្លើងនេះទេ ហើយសំភារះខូចខាត់ រួមមាន ប្រាក់រៀលចំនួន២លានរៀល ប្រាក់ដុល្លាចំនួន៤ពាន់ដុល្លា និងសំភារះប្រើប្រាស់ តុ ទូ កៅអី ទូរទស្សន៍ ខោអាវ ចានឆ្នាំង ឆេះទាំងអស់ ។
លោកអធិការបន្ដទៀតថា ករណីភ្លើងឆេះនេះ បណ្ដាលមកពីម្ចាស់ផ្ទះប្រើចង្គ្រាន់ហ្គាសចៀនសាច់លក់បាយ ហើយមានការធ្វេសប្រហេស ដោយម្ចាស់ដើរចោលចង្គ្រានមកទទួលភ្ញៀវ ពេលចូលមកវិញ កំប៉ុងហ្គាសបានផ្ទុះឡើង ហើយនៅក្បែនោះ មានសាំងចំនួន៤កាន ក៏បានឆាបឆេះតែម្ដង បណ្ដាលឲ្យជួយសង្គ្រោះមិនទាន់ ។
ក្នុងហេតុការណ៍នេះ រថយន្ដពន្លត់អគ្គ័យរបស់នគរបាលស្រុកស្នួល និងស្រុកចិត្របុរីចំនួន២គ្រឿងមកជួយសង្គ្រោះដោយប្រើទឹកអស់ចំនួន ៣ រថយន្ដ ទើបរលត់ មិនបន្ដឆាបឆេះដល់ផ្ទះជិតខាង ៕
