ក្រុងប៉ោយប៉ែត ៖ ប្រជាពលរដ្ឋនៅភូមិព្រៃព្រិច មានការផ្ញាក់ផ្អើលនៅពេលមានគេមករំលោភដីពួកគាត់ព្រឹកថ្ងៃទី១៣កញ្ញា២០១៦នេះ ទើបពួកគាត់បានប្រមូលគ្នីគ្នាមករងចាំមេីលថាតើគេបំរ៉ុងយកគ្រឿងចក្រមកឈូសឆាយដីពួកគាត់ស្រស់ៗនឹងគេប្រុងគិតយ៉ាងម៉េច?។ពួកគាត់ពិតជាមានការព្រួយបារម្មណ៍ និងរឿងដីធ្លីនេះណាស់មិនហ៊ានចេញទៅរកស៊ីអ្វីឡើយ។
ពលរដ្ឋដែលមកចូលរួមនៅទីនេះ បានរៀបរាប់ឱ្យអ្នកយកពត៌មានយើងដឹងថា ដីខាងលើនោះ ពួកគាត់បានមករស់នៅជាយូរឆ្នាំមកហើយអ្នកខ្លះទៀត រស់នៅតាំងពីឆ្នាំ១៩៩៥ អ្នកខ្លះទៀតបានរស់នៅជាបន្តបន្ទាប់ ។ មានរឿងមិនចេះអស់មិនចេះហើយ លុះដល់ឆ្នាំ២០០៤សម្តេចជោ សែនបានចេញ ស-ជ ណឧស-៦២ចុះថ្ងៃទី១៩ ខែមករា ២០០៤ ជូនប្រជាពលរដ្ឌមានចំនួន៥៨៩គ្រួសារ ។ ពួកគាត់បាននិយាយថា ស្រាប់តែក្រោយមកមានឃើញចេញសជណថ្មី១៣-៦៤ផ្សេងទៀត ចុះថ្ងៃទី១៩សីហាឆ្នាំ២០០៥ចេញដោយទីស្តីការគណរដ្ឌមន្ត្រីមិនដឹងថា ស.ជ.ណ មួយណាមានប្រសិទ្ធិភាពឡើយ ។
ពួកគាត់ថាប្រជាពលមួយចំនួនធំមានប័ណ្ណចេញពីចៅសង្កាត់និងក្រុង ហើយយកទៅដាក់នៅធនាគាឯកជននានា ដើម្បីយកប្រាក់មករកស៊ី ហើយនៅក្នុងភូមិខាងលើនោះ មានប្រព័ន្ធភ្លើងត្រឹមត្រូវ បើមានទំនាស់ក្រុមហ៊ុនគេមិនដាក់ភ្លើងឲ្យទេ ។ ពួកគាត់បន្តទៀតថា សព្វថ្ងៃភាគច្រើនមិនទាន់ទៅចុះឈ្មោះបោះឆ្នោតនៅឡើយទេ រវល់តែមានរឿងខ្មោចលង ដេកមិនលក់នេះ។
ពាក់ព័ន្ធនឹងករណីនេះដែរ មេភូមិ ហុក លឿម បាននិយាយថា ការទំនាស់ដីធ្លីខាងលើនោះ ប៉ះពាល់២ក្បាលដី មានទទឹង១០០បណ្តោយ៤រយម៉ែត្រ តែប៉ុណ្ណោះមិនប៉ះពាល់ដីទាំងមូលនោះឡើយ ។
អ្នកស្រីមេភូមិបានបន្តថា ម្ចាស់ដីដែលគេប្តឹងនោះ មានឈ្មោះ ស សម្បតិ និងឈ្មោះហេង វុតារា មិនមែនមកយកដីប្រជាពលនោះទាំងស្រុងទេ។ លោកមេធាវីដែលមកតំណាងឈ្មោះ ២ ប័ណ្ណកម្មសិទ្ធិមានឈ្មោះ សរ សូវ៉ាន បានលើកឡើងផងដែរថា: ចំពោះដីដែលជាម្ចាស់កម្មសិទ្ធទាំង២ប្លង់នេះ មានឈ្មោះ១.សរ សម្បត្តិ ភេទប្រុសមានផ្ទៃដីប្រវែង៤៤៧៣៩មែត្រការេ ២.មានឈ្មោះហេង វុតារា ភេទប្រុសមានផ្ទៃដីប្រវែង៤៤៧៩០ម៉ែត្រការ៉េ ហើយលោកមេធាវីបានបន្តទៀតថា ចំពោះបញ្ហាខាងលើនេះ គឺគាត់មកសម្របសម្រួលតែ២ប័ណ្ណកម្មសិទ្ធិតែប៉ុណ្ណោះ ដែលមានផលប៉ះពាល់ហើយព្រមសម្របសម្រួលតាមរយៈលោកស្រីមេភូមិ ហុក លឿម ដែលប្រជាពលរដ្ឋមានផលប៉ះពាល់តែ២៦គ្រួសារទេ ហើយគាត់មកនេះមកដោះស្រាយតាមការចែករំលែកគ្នា ។ បើនិយាយគ្នាមិនត្រូវ ទុកឲ្យច្បាប់អ្នកដោះស្រាយគាត់ថា ម្ចាស់ដីគេមានប្លង់រឹង ហើយអ្នកដែលប៉ះពាល់ដីនៅភូមិព្រៃព្រិចនោះ មានប្រជាពលរដ្ឌចំនួន២៦គ្រួសារតែប៉ុណ្ណោះ មិនប៉ះពាល់លើដីទាំងមូលឡើយ ៕
