ខេត្តបាត់ដំបង ៖ យោងតាមការគូសបញ្ជាក់ពី លោកវរសេនីយ៍ត្រី ផង់ សុភាព អធិការស្រុកថ្មគោលបានឲ្យដឹងថា ក្នុងយុទ្ធនាការប្រឆាំងគ្រឿងញៀន នៅខេត្តបាត់ដំបង ដែលអនុវត្តតាមផែនការ និងដាក់ចេញ នូវបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ទោ ស ថេត ស្នងការននគរបាលខេត្តបាត់ដំបង និងស្នើសុំ គោលការណ៍ឯកភាព យោបល់ ពីលោក នួន សាន ព្រះរាជ្ញាអមសាលាដំបងខេត្តបាត់ដំបងក្នុងការបង្ក្រាបក្រុមឧក្រិដ្ឋជននេះ។
ជាលទ្ធផលក្នុងបទល្មើសជាក់ស្ដែងកម្លាំងជំរុញបានបង្ក្រាបជនសង្ស័យ និងគ្រឿងញៀននេះដែរនៅថ្ងៃទី១៤ ខែកញ្ញា ឆ្នាំ២០១៦ វេលាម៉ោង១២:០០ នាទីថ្ងៃត្រង់កំលាំងអធិការដ្ឋាននគរបាលស្រុកថ្មគោល និងកំលាំងប៉ុស្តិគោកឃ្មុំ បានចុះបង្ក្រាបករណីជួញដូរដោយខុសច្បាប់នូវសារធាតុញៀននៅផ្ទះឈ្មោះអាង វ៉ានឌឿន(ហៅចាង)ភេទប្រុសអាយុ24ឆ្នាំ នៅក្រុមទី10ភូមិគោកឃ្មុំ ឃុំគោកឃ្មុំស្រុកថ្មគោលនិងបង្ក្រាបនាំខ្លួនអ្នកប្រើប្រាស់សារធាតុញៀនបានចំនួន19នាក់ផងដែរ និងដកហូតបានសំភារៈវត្ថុតាងថ្នាំញៀនប្រភេទមេតំហ្វេតាមីន (ម៉ាទឹកកក)ចំនួន02កូនថង់តូច ដបជក់ថ្នាំញៀនចំនួន02ថង់សំរាប់ច្រកថ្នាំចំនួន03ដុំដែកកេះចំនួន08កាំបិតសាំរ៉ៃចំនួន02 ម៉ូតូអ្នកប្រើប្រាស់ចំនួន12គ្រឿង។ បច្ចុប្បន្ន ជនសង្ស័យរួមទាំង វត្ថុតាងត្រូវបានសមត្តកិច្ចបញ្ជូនមកកាន់ស្នងការដ្ឋាននគរបាលខេត្តបាត់ដំបងដើម្បីចាត់ការបន្តតាមនីតិវិធី៕
