ក្រចេះ ៖ សមត្ថកិច្ចចម្រុះប្រដេញតាមចាប់រថយន្ដសាំយ៉ុង១គ្រឿងដឹកឈើរត់ចូលព្រៃ ក្រោយហាងបាយយីហោអូននាង ត្រូវម្ចាស់ហាងជេរបញ្ចោបះសក់ហើយហាងបាយនោះ មានទីតាំងតាមបណ្ដោយផ្លូវជាតិលេខ៧ ស្ថិតនៅភូមិគោលាប់ ឃុំចង្រង់ ស្រុកចិត្តបុរី ខេត្តក្រចេះ កាលពីវេលមោង១០ ព្រឹកថ្ងៃទី១៤ ខែកញ្ញា ឆ្នាំ២០១៦។
លោក ម៉ី វុទ្ធី នាយសង្កាត់រដ្ឋបាលព្រៃឈើថ្មក្រែ បានឲ្យដឹងថា ក្រោយពីរថយន្ដនោះបានរត់ចូលព្រៃក្រោយហាងបាយ យីហោអូននាង លោកបានសុំបានសុំយោបល់ពីលោកព្រះរាជអាជ្ញារងខេត្តដើម្បីចូលទៅចាប់រថយន្ថនោះ តែនៅលោកដឹកនាំកម្លាំងចូលទៅចាប់រត់យន្ដនោះ ម្ចាស់មិនចង់សហការទេថា រំខាន់ដល់ការលក់ដូររបស់គាត់ ដោយយកលេសថា ភ្ញៀវមិនហានចូលហូបបាយថែមទាំងជេរប្រទេចសមត្ថកិច្ចទៀតផង ។
ក្រោយពីឃាត់រថយន្ដនោះបាននៅក្នុងរថយន្ដនោះផ្ទុកឈើគ្រាក់ធ្នង់ចាស់ៗ ហើយលោក ម៉ី វុទ្ធី បានហៅម្ចាស់រថយន្ដធ្វើកិច្ចសន្យាមិនអោយដឹកឈើតទៅទៀតទេ បើសិនហ៊ានដឹក លោកនឹងចាត់ការតាមផ្លូវច្បាប់ហើយ
លោកគ្រោងប្ដឹងម្ចាស់ហាងរូបនោះដែលបានជេរប្រទេចមកលើសមត្ថកិច្ច ។
សមត្ថកិច្ចបានលើកឡើងថារថយន្ដដឹកឈើឲ្យតែសមត្ថកិច្ចដេញបង្គ្រាប តែងតែរត់ចូលហាងបាយយីហោអូននាងនោះ បើសមត្ថកិច្ចហ៊ានចូលទៅតាមរថយន្ដដឹកឈើនោះត្រូវបានម្ចាស់ហាងស្ដីអោយ។
សមត្ថកិច្ចបន្ដទៀតថា កុំថាឡើយចូលក្នុងហាងតាមរថយន្ដ សូម្បីចតរថយន្ដនៅលើផ្លូវជាតិក្បែរហាងនោះឬឈប់រថយន្ដនៅផ្លូវជាតិមុខហាងនោះ ក៏មិនបានដែរ ម្ចាស់ហាងនោះតែងតែមកស្ដីឲ្យ ឬឈ្លោះជាមួយសមត្ថកិច្ចទៀតផង។
សូមបញ្ជាក់ថា ពេលកន្លងមកម្ចាស់ហាងរូបនេះត្រូវលោក សោម វុទ្ធី ព្រះរាជអាជ្ញារងខេត្តក្រចេះបានណែនាំម្ដងរួចមកហើយ ឲ្យគាត់សហការជាមួយសមត្ថកិច្ច ពេលសមត្ថកិច្ចតាមបង្គ្រាប់រថយន្ដដឹកឈើល្មើសរត់ចូលក្នុងរបស់គាត់ តែគាត់ស្ដាប់បានតែមួយភ្លែត ក្រោយមកដដែល នៅតែបន្ដការជេរបញ្ចោសមត្ថកិច្ចដដែល ៕
