ខេត្តរតនៈគីរី÷ ឧត្តមសេនីយ៍ទោសារិន សារីណូ ប្រធាននាកយដ្ឋានច្រកទ្វារទី២នៃអគ្គនាយកដ្ឋានអន្ដោប្រវេសន៍ក្រសួងមហាផ្ទៃបានចូលរួមពិធីផ្ទេរភារកិច្ចលោក វិរៈសេនីយ៍ទោ អីុ ចំរើន នាយរងប៉ុស្ដិ៍ប៉ូលិសអន្ដោប្រវេសន៍ច្រកអន្ដរជាតិត្រពាំងផ្លុង ខេត្ដត្បូងឃ្មំុ ទៅជាប្រធានប៉ុស្ដិ៍ប៉ូលិសអន្តោបប្រវេសន៍ច្រកទ្ទារអន្ដរជាតិស្រុកអូរយ៉ាដាវ ខេត្ដរតនគិរី។ ចំណែកលោកវិរៈសេនីយ៍ឯក ឡុង រុក្ខា នាយប៉ុស្ដិ៍អន្ដោប្រវេសន៍ ស្រុកអូរយ៉ាដាវទៅជានាយការិយាល័យនីតិកម្ម នៃនាយកដ្ឋានអន្ដោប្រវេសន៍ក្រសួងមហាផ្ទៃ។
កាផ្លាសប្ដូរតំណែងនាយប៉ុស្ដិ៍ប៉ូលិសអន្ដោប្រវេសន៍ខាងលើនេះគេសង្ស័យពាក់ព័ន្ធទៅនិងកំហុសឆ្គងជាច្រើនដែលនាយប៉ុស្ដចាស់រូបនោះបានធ្វើរយៈពេលជាង៧ឆ្នាំកន្លងមកហើយដូចជាបើកដៃឱ្យឈ្មួញដឹកឈើទៅលក់យ៉ាងគគ្រឹគគគ្រេងទៅប្រទេសវៀតណាមតាមច្រកទ្វារអន្ដរជាតិស្រុកអូរយ៉ាដាវនោះ។ និងករណីដែលពាក់ព័ន្ធអនុញាតឱ្យជនជាតិវៀតណាម៥នាក់ចូលមកជីកកកាយយករ៉ែមាសដោយអនាធិបតេយ្យនៅខាងក្រោយឃ្លាំងក្រុមហ៑ុន ឧកញ្ញ៉ាទ្រីភាពកាលពីថ្លៃទី១២ខែកញ្ញាឆ្នាំ២០១៦ផងដែរ។
ដោយឡែកលោកវិរះសេនីយ៍ទោ អ៊ី ចំរើនដែលទទួលបានតំណែងជានាយប៉ុស្ដិ៍ថ្មីនេះប្រហែលជាមិនអាចដើរតាមលំនាំលោកវិរះសេនីយ៍ឯកឡុង រុក្ខា ទៀតនោះទេ លោកឧត្តមសេនីយ៍ទោសារិន សារីណូ ប្រធាននាយកដ្ឋានច្រកទ្វារទី២បានបញ្ជាក់ឱ្យមន្ត្រីដឹងថាត្រូវខិតខំ បំពេញភារកិច្ចឱ្យបានល្អជាពិសេសទប់ស្កាត់រាល់បទល្មើសដឹកជញ្ជូនឈើតាមច្រកទ្វារអន្ដរជាតិអូរយ៉ាដាវយកទៅលក់ឯប្រទសវៀតណាមដែលត្រូវឆ្លងកាត់ដែនសមត្ថកិច្ចរបស់ខ្លួន៕