ខេត្តបាត់ដំបង÷ កាលពីថ្ងៃទី11-09-2016ម៉ោង14-00នាទីមានករណីក្មេងលង់ទឹកស្លាប់ ត្រង់ចំណុចស្ពានរថភ្លើងវត្តគរស្ថិតក្នុងក្រុមទី ភូមិកម្មករសង្កាត់ស្វាយប៉ោក្រុងបាត់ដំបង។
ជនរងគ្រោះនោះមានឈ្មោះ ហង់-សាអៀង ភេទប្រុសអាយុ15ឆ្នាំ មានទីលំនៅផ្ទះលេខ273ក្រុមទី10ភូមិអូរតាគាំ2 សង្កាត់ទួលតាឯកក្រុងបាត់ដំបង ត្រូវជាកូនបង្កើតរបស់ឈ្មោះសោម-រក្សា ភេទស្រីអាយុ46ឆ្នាំ ក្រោយការរុករកនិងជួយសង្គ្រោះបានរកឃើញសាកសពនៅថ្ងៃទី12-09-2016 វេលាម៉ោង06-00យកមកដម្កល់នៅគេហដ្ឋានសពក្នុងចំណុចរស់នៅខាងលើ។
តាមសភាពសាកសព ដែលដេកសណ្តូកក្បាលបែរទៅខាងត្បូង ដៃទាំងពីរបត់ជាអក្សរវេរដាក់លើទ្រូង
-ក្បាល , ក មានសភាពធម្មតា -ភ្នែក , មាត់ បិទជិត , ច្រមុះជាប់ដីតិចៗ -ដើមទ្រូង , អវៈយវៈ គ្នានស្លាកស្នាម -ចុងដៃ, ចុងជើង(ម្រាមដៃ, ជើង )មានសភាពស្លេកស្លាំង -ពោះតឹងកាង ។
សមត្ថកិច្ចបានសន្និដ្ឋានថា សាកសពស្លាប់ដោយឧប្បតិហេតុលង់ទឹកស្លាប់ពិតមែន គឺដោយសារ រអិលជើងពីលើគល់ស្ពានកណ្តាលស្ទឹងធ្លាក់ចូលក្នុងទឹកកំពុងហូរគួចខ្លាំងគ្មានការបៀតបៀនពីអ្នកដ៏ទៃឡើយ។
បច្ចុប្បន្នសាកសពត្រូវបានក្រុមគ្រួសារយកទៅធ្វើបុណ្យតាមប្រពៃណី៕