បន្ទាយមានជ័យ ៖ នៅវេលាម៉ោង៧និង០០នាទីព្រឹក ថ្ងៃទី១១ ខែកញ្ញា ឆ្នាំ២០១៦ មានករណីចងកសំលាប់ខ្លួននៅក្នុងព្រៃខាងកើតខារ៉ាអូខេ អេសផ្លាស់ ស្ថិតនៅភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ សាកសពមានឈ្មោះ ស្នា ង៉ា ភេទប្រុស អាយុ២៩ឆ្នាំ ជនជាតិខ្មែរ មានទីលំនៅភូមិបាក់ព្រា ឃុំព្រៃចាស់ ស្រុកឯកភ្នំ ខេត្តបាត់ដំបង បានមកធ្វីេការជាកម្មករសំណង់នៅប៉ោយប៉ែត និងស្នាក់នៅកន្លែងកីេតហេតុខាងលើ ប្រពន្ឋមានឈ្នោះយឹម សំ ភេទស្រី អាយុ៣៨ឆ្នាំ ជនជាតិខ្មែរ មុខរបរធ្វីេការកម្មករសំណង់ដូចគ្នា មានកូនប្រុស១នាក់ ជនរងគ្រោះ បានយកខ្សែអង្រឹងពណ៌ខ្មៅ ចងភ្ជាប់នឹងដើមឈើចងកសម្លាប់ខ្លួន។
តាមការបំភ្លឺរបស់ប្រពន្ឋនិងបងប្អូនជនរងគ្រោះបានឲ្យ ដឹងថា នៅវេលាម៉ោង៩យប់ នៅថ្ងៃទី១០ ខែកញ្ញា ឆ្នាំ២០១៦ នេះ ជនរងគ្រោះបានផឹកស្រាតែម្នាក់ឯង នៅក្នុងផ្ទះរួចក៏បានដើរចេញពីផ្ទះមិនដឹងថា ប្តីរបស់គាត់ទៅណានោះទេ។ ដោយមិនឃើញប្តីមកផ្ទះវិញ ហើយប្រពន្ឋក៏បានដើររកប្តីជុំវិញផ្ទះនិងតាមព្រៃរបោះក្រោយផ្ទះស្រាប់តែប្រទះឃើញប្តី ចងក ស្លាប់បាត់ទៅហើយ។
ករណីនេះ សមត្ថកិច្ចអាវុធហត្ថក្រុងប៉ោយប៉ែត កំពុងស្រាវជ្រាវរកមូលហេតុបន្តទៀត ។ ចំណែកសាកសពត្រូវបានក្រុមគ្រួសារយកទៅ ដើម្បីធ្វើបុណ្យតាមប្រពៃណី៕
