បាត់ដំបង ៖ ប្រជាពលរដ្ឋនៅភូមិកំពង់ព្រះ និងកញ្ញាទួន សាវន មេឃុំកំពង់ព្រះ នៃស្រុកសង្កែ ខេត្តបាត់ដំបង តាមរយះសារពត៌មាន ស្នើដល់គ្រប់ស្ថាប័នសមត្ថកិច្ចពាក់ព័ន្ធ ជួយចាត់វិធានការក្តៅ ទៅលើទីតាំងសង្វៀនបញ្ជល់មាន់ដុះស្លែរមួយកន្លែង ដែលស្ថិតនៅចំណុចខាងក្រោយសាលាបឋមសិក្សារកំពង់ព្រះ។
ដើម្បីឆ្លើយតបតាមសំណូមពរខាងលើ ជាក់ស្តែងនៅម៉ោង ១២:៣០នាទី រសៀលថ្ងៃទី០៩ កញ្ញា ២០១៦នេះ ក្រុមអ្នកសារពត៌មានក្នុងស្រុកចំនួន៥អង្គរភាព បានចុះទៅដល់ទីតាំងខាងលើ ឃើញមានសង្វៀនជល់មាន់ភ្នាល់ដាក់លុយ ចំនួន៣ តែជល់តែសង្វៀន ដោយមានអ្នកខ្លះនិយាយថា: មិនបាច់រត់ទេ ខ្លាចអីអ្នកការសែតថតៗទៅ គ្មានសមត្ថកិច្ចមកចាប់ទេ ព្រោះម្ចាស់សង្វៀនជាpl ហើយបង់លុយឲ្យគ្រប់កន្លែងអស់ហើយ រួមទាំងយកលុយជួយបក្សខ្លះទៀតផង។
តាមប្រភពគួរឲ្យទុកចិត្តមួយ បានប្រាប់អ្នកយកពត័មានយើងថាមូលហេតុដែលទីតាំងសង្វៀនភ្នាល់ជល់មាន់បើកដំណើរការដោយរលូនពីរ១ឆ្នាំ ទល់១ឆ្នាំបាននេះ ដោយសារម្ចាស់សង្វៀនជាឪពុក របស់លោក ស្នា ជានគបាលស្រុកសង្កែ ហើយមានលោកអធិការស្រុកសង្កែ លោកមេប៉េអ៉ឹម ស្រុកសង្កែ និងលោកមេន គបាលនៃស្នងការខេត្តខ្លះទៀតនៅពីក្រោយ ទើបអាចដំណើរការបានមកដល់បច្ចុប្បន្ន ដោយគ្មានស្ថាប័នសមត្ថកិច្ចណា ហានរំខានឡើយ។
កញ្ញាទួន សាវន ជាមេឃុំកំពង់ព្រះថា កន្លងមកកញ្ញាមិនបានរាយការណ៍ទៅថ្នាក់លើទេ ព្រោះកញ្ញាដឹងថា គេត្រូវរូវគ្នាអស់ហើយ ហើយពេលនេះមានតែខាងសារពត៌មានទេទើបជួយគាត់បាន ដូច្នេះសូមសារពត៌មានមេត្តាជួយចុះផ្សាយតាមការមើលឃើញផងទៅចុះ។
ចំណែកលោក លី គឹមហាង មេប៉េអ៉ឹមស្រុកសង្កែឆ្លើយតាមទូរស័ព្ទបែបគំរុះគំរើយខណៈសារពត៌មានសួរនារសៀលទី០៩ ខែកញ្ញា ម្សិលមិញថា: លោកមិនដឹង ។
លោកអ៉ឹម ដារ៉ា មេបញ្ជាការរង នៃទីបញ្ជាការកងរាជអាវុធហត្ថខេត្តបាត់ដំបង បានប្រាប់ថា: លោកមេប៉េអ៉ឹមស្រុកសង្កែឆ្លើយថាមិនដឹងរឿងក្នុងមូលដ្ឋានខ្លួនបែបនេះមិនត្រឹមត្រូវទេ លោកនឹងចាត់វិធានការលើទីតាំងជល់មាន់ខាងលើនោះ ៕