បន្ទាយមានជ័យ ៖ នៅវេលាម៉ោង១១និង២០នាទី ថ្ងៃទី០៩ ខែកញ្ញា ឆ្នាំ២០១៦ ស្ថានអគ្គកុងស៊ុលកម្ពុជាប្រចាំខេត្តសាកែវ (ប្រទេសថៃ)សហការជាមួយអាជ្ញាធរមានសមត្ថកិច្ចថៃ បានបញ្ជូនសាកសព ពលករកម្ពុជា តាមច្រកទ្វារអន្តរជាតិប៉ោយប៉ែត ចំនួន២នាក់។
លោកវរៈសេនីយ៍ត្រីជា ដា មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានឲ្យដឹងថា សាកសពទី១/ឈ្មោះម៉ុត ពោង ភេទប្រុស អាយុ៥០ឆ្នាំ មានទីលំនៅភូមិស្វាយសរ ឃំុស្វាយសរ ស្រុកវ៉ារិន ខេត្តសៀមរាប មុខរបរ ជាកម្មករជាងសំណង់នៅខេត្តឈុនបូរីប្រទេសថៃ ស្លាប់ដោយគាំងបេះដូង កាលពីថ្ងៃទី៧ ខែកញ្ញា ឆ្នាំ២០១៦ នេះ។ សាកសពទី២/ឈ្មោះសាត មៃ ភេទប្រុស អាយុ២៤ឆ្នាំ មានទីលំនៅភូមិទ្រាំង ឃុំទ្រាំង ស្រុកទ្រាំង ខេត្តតាកែវ មុខរបរ ជាកម្មករជាងសំណង់នៅខេត្តណខនសុវណ្ណ ប្រទេសថៃ ស្លាប់ដោយគ្រោះថ្នាក់ចរាចរណ៍ កាលពីថ្ងៃទី៨ ខែកញ្ញា ឆ្នាំ២០១៦ នេះ។ លោកវរៈសេនីយ៍ត្រី ជា ដា បានបន្តទៀតថា សាកសពទាំង២ត្រូវបានប្រគល់ឲ្យក្រុមគ្រួសារដីេម្បីយកទៅស្រុកកំណើតធ្វើបុណ្យតាមប្រពៃណីផងដែរ៕
