ខេត្តប៉ៃលិន ៖ កាលពីថ្ងៃទី០៨ ខែកញ្ញា ឆ្នាំ២០១៦ វេលាម៉ោង ១៥:៣៥នាទី ដោយក្រោមការដឹកនាំនិងចង្អុលបង្ហាញពីលោកឧត្តមសេនីយ៍ត្រី ជា ចាន់ឌិន ស្នងការនគរបាលខេត្តប៉ៃលិន លោកវរសេនីយ៍ឯក អ៊ីវ គឹមស៊ាន ស្នងការរងទទួលផែននគរបាលព្រហ្មទណ្ឌ បានបង្គាប់អោយលោកអនុសេនីយ៍ទោ អៀប វិសាល នាយរងការិយាល័យព្រហ្មទណ្ឌកំរិតស្រាល ដើម្បីដឹកនាំកម្លាំងចម្រុះ ចុះធ្វើការបង្ក្រាបករណីប្រើប្រាស់និងជួញដូរគ្រឿងញៀនចំនួន ០១កន្លែង នៅចំណុចផ្ទះសំណាក់ LSC (បន្ទប់លេខ ១២២) ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ករណីនេះធ្វើការបង្ក្រាបបាន ជនសង្ស័យចំនួន ០៤នាក់ (ស្រី ០១នាក់), ម្សៅក្រាមពណ៍ស (ម៉ាទឹកកក) ចំនួន ០៥កញ្ចប់តូច, ដាវសាម៉ូរ៉ៃចំនួន ០១ រួមនិងសម្ភារៈប្រើប្រាស់គ្រឿងញៀនមួយចំនួន។ ជន សង្ស័យទាំងនោះមានឈ្មោះដូចខាងក្រោម:
០១. ជា ងួនហាក់ ភេទប្រុស អាយុ ២៥ឆ្នាំ មុខរបរមិនពិតប្រាកដ រស់នៅភូមិផ្សារព្រំ ស្រុកសាលាក្រៅ
០២.វ៉ាត សុផល ភេទប្រុស អាយុ ១៦ឆ្នាំ មុខរបរកម្មករ រស់នៅភូមិផ្សារថៃ
០៣. រិន ឌី ភេទប្រុស អាយុ ២៥ឆ្នាំ មុខរបរមិនពិតប្រាកដ រស់នៅភូមិផ្សារថៃ
០៤. ដុក វិយ៉ាដា ភេទស្រី អាយុ ១៧ឆ្នាំ មុខរបរនៅផ្ទះ រស់នៅភូមិផ្សារព្រំ ស្រុកសាលាក្រៅ។
បច្ចុប្បន្នសមត្ថកិច្ចជំនាញកំពុងចាត់ការតាមនិតិវិធីច្បាប់៕
អត្ថបទ ទូចសុខន