ខេត្តបាត់ដំបង៖ ជនសង្ស័យជាមុខសញ្ញាជួញដូរថ្នាំញៀនយ៉ាងសកម្ម ប្រចាំខេត្តបាត់ដំបងម្នាក់ទៀតហើយ ត្រូវបានកម្លាំងការិយាល័យប្រឆាំង គ្រឿងញៀនរួមសហការជាមួយកម្លាំងអន្តរាគមន៍នៃស្នងការដ្ឋាននគរបាលខេត្តបាត់ដំបង។
ក្រោមការដឹកនាំបញ្ជា និងប្រតិបត្តិការណ៍ លោក វរសេនីយ៍ឯក កុយហៀង ស្នងការរង និងលោក
វរសេនីយ៍ត្រី សុខ និមល នាយរងការិយាល័យ ប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តបាត់ដំបង ចេញបង្ក្រាប និងឃាត់ខ្លួនដកហូតបានថ្នាំញៀនមួយចំនួនធំ ។
ការបង្ក្រាបមុខសញ្ញាជនសង្ស័យជួញដូរថ្នាំញៀនម្នាក់បន្ថែមទៀតនៅពេលនេះបន្ទាប់ពីកន្លងទៅថ្មីៗនេះ គេមើលឃើញថាមុខសញ្ញាជួញដូរថ្នាំញៀនខុសច្បាប់ ជាច្រើននាក់រងការចាប់ខ្លួនជាបន្តបន្ទាប់ពីកម្លាំង នគរបាលខេត្តបាត់ដំបង ក្នុងយុទ្ធនាការប្រឆាំងគ្រឿងញៀន នៅខេត្តបាត់ដំបង ដែលអនុវត្តតាមផែនការនិងដាក់ចេញបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ទោ ស ថេត ស្នងការននគរបាលខេត្តបាត់ដំបង ។
លោកវរសេនីយ៍ឯក កុយ ហៀង ស្នងការរងទទួលបន្ទុកផ្នែកប្រឆាំងបទល្មើស បានបញ្ជាក់ថា
កិច្ចប្រតិបត្តិការបង្ក្រាបធើ្វឡើងនៅពេលនេះគឺ យើងប្រើប្រាស់វិធានការជំនាញ (ញុះញង់)
កាលពីថ្ងៃទី០៦ខែកញ្ញា ឆ្នាំ ២០១៦វេលាម៉ោង២០និង៣០ជាលទ្ធផល ក្នុងបទល្មើសជាក់ស្ដែង ចាប់ឃាត់ខ្លួនជនសង្ស័យម្នាក់ ឈ្មោះ យ៉ុង សម្បត្តិ អាយុ ២៩ឆ្នាំមានទីលំនៅ ភូមិទួលតាឯក សង្កាត់ ទួលតាឯក ក្រុង និងខេត្តបាត់ដំបង បានដកហូតវត្ថុតាងប្រភេទមេតំហ្វេតាមិន(ICE)ចំនួន២កូនថង់ ទម្ងន់ ១៣;៨៦ក្រាម ទូរស័ព្ទដៃ១គ្រឿងប្រដាក់លក់ថ្នាំញៀនចំនួន១ និងកាបូបដាក់លុយចំនួន២។
លោកវរសេនីយ៍ត្រី ស៊ាន សុណាល់ បានបញ្ជាក់ថា ជនសង្ស័យគ្រឿងញៀនខាងលើរួម និងវត្ថុតាងថ្នាំញៀនត្រូវបានកម្លាំងការិយាល័យជំនាញកសាងសំណុំរឿងចាប់បញ្ជូនទៅតុលាការដើម្បីយកទៅចាត់ការតាមនីតិវិធីច្បាប់ ៕
