ខេត្តប៉ៃលិន៖ លោកបណ្ទិត ពេជ សោភ័ន រដ្ឋមន្ត្រីស្តីទីក្រសួងការងារ និងណ្តុះបណ្តាលវិជ្ជាជីវៈ និងជាអនុប្រធានគណៈកម្មការ សម្រាប់ដោះស្រាយបញ្ហាកូដកម្ម បាតុកម្ម នៅគ្រប់មុខសញ្ញា បានថ្លែងយ៉ាងដូច្នោះ ក្នុងពិធីបើកវគ្គបណ្តុះបណ្តាលស្តីពីការពង្រឹងសមត្ថភាពក្នុងការដោះស្រាយវិវាទការងារ ការទប់ស្កាត់ និងដោះស្រាយបញ្ហាកូដកម្ម បាតុកម្ម នាព្រឹកថ្ងៃទី៧ ខែកញ្ញា ឆ្នាំ២០១៦ ក្នុងសាលប្រជុំធំសាលាខេត្តប៉ៃលិន ។
ក្នុងពិធីនេះ មានការអញ្ចើញជាគណៈអធិបតីភាព ដោយលោកបណ្ទិត ពេជ សោភ័ន រដ្ឋមន្ត្រីស្តីទីក្រសួងការងារ និងណ្តុះបណ្តាលវិជ្ជាជីវៈ ,លោក កើត សុធា អភិបាលនៃគណៈអភិបាលខេត្តប៉ៃលិន ព្រមទាំងមានការចូលរួមពីលោក ភី ឡង់ឌី ប្រធានមន្ទីរការងារ និងណ្តុះបណ្តាលវិជ្ជាជីវៈខេត្ត ,លោកស្នងការរង, លោកមេបញ្ជារការងកងរាជអាវុធហត្ថខេត្ត ,គណៈប្រតិភូអមដំណើរគណៈអធិបតី ,មន្ត្រីនៃមន្ទីរជំនាញ និងលោកមេឃុំ/ចៅសង្កាត់ ,លោកមេប៉ុស្ត៏គ្រប់ប៉ុស្ត៏ក្នុងខេត្តប៉ៃលិន យ៉ាងច្រើនកុះករ ។
លោក កើត សុធា អភិបាលនៃគណៈអភិបាលខេត្តប៉ៃលិន បានមានប្រសាសន៏ឲ្យដឹងថា៖ នេះជាលើកទី០១ហើយ ដែលខេត្តប៉ៃលិន បានទទួលវគ្គបណ្តុះបណ្តាលស្តីពីការពង្រឹងសមត្ថភាពក្នុងការដោះស្រាយវិវាទការងារ ការទប់ស្កាត់ និងដោះស្រាយបញ្ហាកូដកម្ម បាតុកម្ម ពីក្រសួងការងារ និងបណ្តុះបណ្តាលវិជ្ជាជីវៈ ។
លោកមានប្រសាសន៏បន្តឲ្យដឹងថា៖ចំពោះខេត្តយើង មានសហគ្រាសគ្រឹះស្ថានចំនួន៦៤ សហគ្រាសគ្រឹះស្ថាន ហើយមានកម្មករនិយោជិកចំនួន៣៤១៧នាក់ ក្នុងនោះស្ត្រីចំនួន២០៣៩នាក់ ដោយឡែកជនបរទេសចំនួន១៤៧នាក់,ក្នុងនោះស្ត្រីចំនួន៤៧នាក់ ។ ហើយសហគ្រាសគ្រឹះស្ថាន ក្រុមហ៊ុនខាងលើ មិនដែលមានធ្វើកូដកម្ម បាតុកម្មប្រើហិង្សា ដង្ហែក្បូនបិទផ្លួវនោះទេ នេះដោយសារមន្ទីរការងារ និងបណ្តុះបណ្តាលវិជ្ជាជីវៈខេត្ត មានកិច្ចសហការល្អ ជាមួយសហគ្រាសគ្រឹះស្ថាន ក្រុមហ៊ុនទាំងនោះ ។
លោកមានប្រសាសន៏បន្តទៀតថា៖ ពាក់ព័ន្ធការអនុវត្តន៏ច្បាប់ស្តីពីការងារ របស់ព្រះរាជាណាចក្រកម្ពុជា រដ្ឋបាលខេត្តបានយកចិត្តទុកដាក់ជម្រុញ និងពង្រឹងឲ្យបណ្តាសហគ្រាស ក្រុមហ៊ុន និងវិស័យឯកជន ដែលពាក់ព័ន្ធ ត្រួវសហការជាមន្ត្រីជំនាញអនុវត្តន៏តាមខ្លឹមសារ ដូចដែលមានចែងក្នុងច្បាប់ ស្តីពីការងារ និងច្បាប់ពាក់ព័ន្ធនានាផងដែរ ។
លោកបណ្ទិត ពេជ សោភ័ន រដ្ឋមន្ត្រីស្តីទីក្រសួងការងារ និងណ្តុះបណ្តាលវិជ្ជាជីវៈ និងជាអនុប្រធានគណៈកម្មការ សម្រាប់ដោះស្រាយបញ្ហាកូដកម្ម បាតុកម្ម នៅគ្រប់មុខសញ្ញា បានមានប្រសាសន៏ក្នុងសិក្ខាសាលានោះ ដោយលោកបានកោតសរសើរចំពោះរដ្ឋបាលខេត្ត ដែលមានកិច្ចសហការល្អជាមួយក្រសួងការងារ ក្នុងការបើកវគ្គបណ្តុះបណ្តាលស្តីពីការពង្រឹងសមត្ថភាពក្នុងការដោះស្រាយវិវាទការងារ ការទប់ស្កាត់ និងដោះស្រាយបញ្ហាកូដកម្ម បាតុកម្ម នាពេលនេះ ។ លោកបណ្ទិត រដ្ឋមន្ត្រីស្តីទីក្រសួងការងារ បានមានប្រសាសន៏បន្តថា៖ រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន ជានាយរដ្ឋមន្ត្រី គឺប្រទេសកម្ពុជាទទូលបានការអភិវឌ្ឍន៏លើគ្រប់វិស័យ ពិសេសមានសុខសន្តិភាពពេញបរិបូណ៌ ក្រោមនយោបាយឈ្នះ ឈ្នះ ។ គោលនយោបាយ របស់រាជរដ្ឋាភិបាលកម្ពុជា គឺកាត់បន្ថយភាពក្រីក្រ របស់ប្រជាពលរដ្ឋ ហើយរាជរដ្ឋាភិបាលកម្ពុជា ក៏មានយុទ្ធសាស្ត្រចតុកោណចំនួន០៤ធំៗ ក្នុងនោះការអភិវឌ្ឍន៏ធនធានមនុស្ស ជាកត្តាសំខាន់បំផុត សម្រាប់ការអភិវឌ្ឍន៏ និងអភិបាលកិច្ចល្អផងដែរ ។
លោកបណ្ទិត រដ្ឋមន្ត្រីស្តីទីក្រសួងការងារ បានមានប្រសាសន៏បន្តទៀតថា៖ វគ្គបណ្តុះបណ្តាលនេះ គឺសម្រាប់ដោះស្រាយបញ្ហាកូដកម្ម បាតុកម្ម នៅតាមគ្រប់មុខសញ្ញាទាំងអស់ ក្នុងដែនដីសមត្ថកិច្ចគ្រប់គ្រង់ របស់រដ្ឋបាលខេត្តប៉ៃលិន ក្នុងគោលបំណង ជម្រុញលើកទឹកចិត្ត ដល់កិច្ចសហការ និងកិច្ចសហប្រតិបត្តការ ក្នុងការបំពេញបេសកម្មការងារ តាមតួនាទីមុខងារ ភារកិច្ចរបស់ មន្ត្រីពាក់ព័ន្ធ ឲ្យ កាន់តែមានប្រសិទ្ធភាពខ្ពស់ ។
លោករដ្ឋមន្ត្រីស្តីទីក្រសួងការងារ បានសំណូមពរដល់ក្រុមការងារ និងសមត្ថកិច្ចទាំងអស់ ត្រួវចូលរួមរក្សាការពារ សន្តិសុខ សណ្តាប់ធ្នាប់ទីសាធារណៈ នៅតាមសហគ្រាស និងត្រួវចុះស្រាវជ្រាវរាល់បទល្មើស កូដកម្ម បាតុកម្មខុសនិតិវិធីច្បាប់ ជាពិសេសបិទផ្លួវសាធារណៈ បិទច្រកចេញចូល បង្កអំពើហិង្សាបំផ្លាញទ្រព្យសម្បិត្តសាធារណៈ និងឯកជន ដើម្បីចាត់វិធានការ តាមនីតិវិធីច្បាប់ ព្រមទាំងកសាងសំណុំរឿងទៅតុលាការផងដែរ ៕
លោក ទូច សុខន