ភ្នំពេញ ៖ នៅថ្ងៃ៨មករា២០២៤ រដ្ឋមន្ត្រីក្រសួងព័ត៌មានលោក នេត្រ ភក្ត្រា បានគូសបញ្ជាក់តាមសេចក្តីបរកាសពត៍មានថា ការផ្សាយពាណិជ្ជកម្មគ្រឿងស្រវឹងដោយផ្តល់រង្វាន់ គឺជាសកម្មភាពអូសទាញពលរដ្ឋឲ្យសេពគ្រឿងស្រវឹង ពិសេសយុវជន។ ចំណែកការប្រើប្រាស់ស្ត្រី និងអនីតិជនអាយុក្រោម១៨ឆ្នាំ ឲ្យផ្សាយគ្រឿងស្រវឹង ត្រូវបានក្រសួងព័ត៌មាន ចាត់ទុកថា គឺប៉ះពាល់ដល់សិទ្ធិ និងសេចក្តីថ្លៃថ្នូរបស់ស្ត្រី។
បន្ទាប់ពីក្រសួងព័ត៌មាន ក្រសួងសុខាភិបាលនៅថ្ងៃទី៩មករា២០២៤ ក៏បានចេញការព្រមានពីផលប៉ះពាល់នៃការសេពគ្រឿងស្រវឹងនេះដែរ។បើតាមសេចក្តីប្រកាសក្រសួងសុខាភិបាល ការសេពគ្រឿងស្រវឹងនឹងបង្កឲ្យកើតជំងឺ ក្រិនថ្លើម ជំងឺមហារីក មាត់ បំពង់ករ ពោះវៀនធំ ធ្វើឲ្យប្រព័ន្ធរាងកាយចុះខ្សោយ ក្លាយជាមនុស្សញៀនគ្រឿងស្រវឹង អសមត្ថភាពផ្លូវភេទ ជំងឺបេះដូង ជំងឺសរសៃឈាមខួរក្បាល និងបញ្ហាសុខភាពផ្លូវចិត្ត។
ក្រសួងសុខាភិបាល បានអំពាវនាវឲ្យស្ថាប័នពាក់ព័ន្ធចូលរួមទប់ការប្រើប្រាស់គ្រឿងស្រវឹង និងជំរុញឲ្យផ្លាស់ប្តូរឥរិយាថបបុគ្គលសេពគ្រឿងស្រវឹងទាំងនៅតាមគ្រួសារ សហគមន៍ និងសាលារៀន ខណៈការសេពគ្រឿងស្រវឹងក៏អាចបង្កគ្រោះថ្នាក់ចរាចរណ៍ផងដែរនៅពេលបើកបរ។
ការចេញផ្សារសេចក្តីអំពាវនាវនេះកើតឡើងក្រោយពីមានការយកយុវជនឲ្យផឹកស្រាបៀឡង់សេក្នុងសង្វៀនប្រដាល់ហើយផ្សាយតាមបណ្តាញសង្គមនិងទូរសទស្សនន៍បង្កឲ្យមានការរិះគន់បែកផ្សែងតាមបណ្តាញសង្គម។សូមបញ្ជាក់ថាបើយោងតាមរបាយការណ៍របស់ Wisevoter កម្ពុជាឈរនៅលេខរៀងទី៣ ដែលមានប្រជាជនផឹកស្រាច្រើនជាងគេនៅក្នុងតំបន់អាស៊ាន និងឈរនៅលេខរៀងទី៣៦ នៅលើពិភពលោក ពោលគឺប្រជាជនកម្ពុជាម្នាក់អាចផឹកស្រាបាន ២១.៧លីត្រ។ក្នុងស្រុកខ្មែរជាច្រើនអាណត្តរាជរដ្ឋាភិបាលមកហើយរឿងគ្រឿងស្រវឹងគ្មានអ្នកណារំលឹកទេ។មានម្តងលោកខៀវការញារិទ្ធកាលនៅជារដ្ឋមន្ត្រីក្រសួងពត៍មានធ្លាប់បង្ហើបមិនឲ្យទូរសទ្សន៍ផ្សាយតែបានបន្តិចស្ងាត់ឈឹងទៅជំនួសវិញូក្រុមហ៊ុនស្រាបៀជាច្រើនបានកើតឡើជាបន្តបន្ទាប់៕