កណ្តាល៖ លោក ខៀវ សំផនដែលស្ថិតក្នុងវ័យចំណាស់ អតីតប្រមុខរដ្ឋនៃរបបកម្ពុជា ប្រជាធិបតេយ្យក្នុងសំណុំរឿង ០០២/០២ត្រូវបានតុលាការកាត់ទោសឲ្យជាប់ពន្ធនាអស់មួយជីវិត បច្ចុប្បន្ន កំពុងតែអនុវត្តទោសជាប់ពន្ធនាគារអស់មួយជីវិត នៅក្នុងពន្ធនាគារខេត្តកណ្តាល។ នៅព្រឹកថ្ងៃទី២០ ខែធ្នូ ឆ្នាំ២០២៣នៅពន្ធនាគារខេត្តកណ្តាលលោក កែវ រ៉េមី ទេសរដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា (គ.ស.ម.ក.) បានដឹកនាំប្រតិភូ ចុះពិនិត្យពីស្ថានភាពនៃការឃុំឃាំង ការអនុវត្តសិទ្ធិមនុស្ស និងសួរសុខទុក្ខ លោក ខៀវ សំផន ផងដែរ ។
លោក កែវ រ៉េមី សរសើរដល់ថ្នាក់ដឹកនាំ និងមន្ត្រីនៃពន្ធនាគារខេត្តកណ្តាល ធើការបានល្អ បង្កឱ្យស្ថានភាពនៃការរស់នៅរបស់ជនជាប់ឃុំមានលក្ខណៈល្អប្រសើរ និងទទួលបាននូវសិទ្ធិតាមការកំណត់នៃច្បាប់ស្តីពី ពន្ធនាគារនិងបានផ្តាំផ្ញើដល់ថ្នាក់ដឹកនាំ និងមន្ត្រីពន្ធនាគារឲ្យយកចិត្តទុកដាក់បន្ថែមទៀត ជៀសវាងការប្រើអំពើហិង្សា និងការធ្វើទារុណកម្ម ជាពិសេសប្រកាន់ខ្ជាប់ និងគោរពតាមបទដ្ឋានសិទ្ធិមនុស្សជាតិ និងអន្តរជាតិ។
សម្រាប់ លោក ខៀវ សំផន ត្រូវបានដាក់ឃុំនៅអគារ និងបន្ទប់ឃុំឃាំងដាច់ដោយឡែកពីជនជាប់ឃុំផ្សេងទៀត និងទទួលបានការមើលថែដោយយកចិត្តទុកដាក់ពីសំណាក់អ្នកមើលថែ គ្រូពេទ្យ និងមន្ត្រីពន្ធនាគារ ដោយមានសុខភាពធម្មតា តាមវ័យរបស់គាត់។គណៈកម្មាធិការសិទ្ធិមនុស្សកម្ពុជា ក៏បាននាំយកនូវអំណោយជាឱសថ និងអង្គរចំនួន ២តោន សម្រាប់ប្រើប្រាស់ក្នុងពន្ធនាគារ ផងដែរ។
សូមបញ្ជាក់ថាបើតាមលោករដ្ឋមន្ត្រីក្រសួងមហាផ្ទៃសសុខាបានឲ្យដឹងថានៅទូទាំងប្រទេសមានអ្នកជាប់ទោសជាង៤២០០០នាក់។ក្នុងនោះមានអ្នកទោសពាក់កណ្តាលជាប់ដោយសារសគ្រឿងញៀន។តាមលោកសសុខាក្នុង១ថ្ងៃៗមានអ្នកទោសថ្មិពីយ៉ាងតិច៦០នាក់ត្រូវចូលថែម។បើមិនមានវិធានាកាដោះស្រាយទេនៅឆ្នាំ២០២៤អ្នកទោសអាចកើនដល់ជាង៥ម៉ឺននាក់ដែលជាបន្ទុកដ៏ធ្ងន់ដល់រាជរដ្ឋាភិបាល។