បន្ទាយមានជ័យ ៖ កកស្ទះនៅច្រកទ្វារប៉ោយប៉ែតជាង៣ម៉ោងទម្រាំសម្រួលគ្នាត្រូវ ដោយសារតែភាគីតម្រួតថៃធ្វើការស្កេន QRcode ។ ការរអាក់រអួល បានធ្វើឱ្យចរាចរណ៍ឆ្លងកាត់ច្រកទ្វារព្រំដែនកកស្ទះ សរុប៦ម៉ោង គឺចូលស្ទះ៣ម៉ោង ចេញវិញស្ទះ៣ម៉ោង កាលពីថ្ងៃទី១៣ ខែធ្នូ ឆ្នាំ២០២៣ នៅក្រុងប៉ោយប៉ែតកកស្ទះរាប់ពាន់នាក់ ។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែត ប្រាប់កាសែតថា នៅពេលដែលប្រជាពលរដ្ឋខ្មែរចេញទៅប្រទេសថៃតាមច្រកអន្តរជាតិប៉ោយប៉ែត ឈមនឹងច្រកខ្លងឡឹក ប្រទេសថៃ បានកកស្ទៈ៣ម៉ោង ចាប់ពីម៉ោង៨ព្រឹករហូតដល់ម៉ោង១០ព្រឹក ។ នៅពេលប្រជាពលរដ្ឋត្រឡប់មកវិញពីប្រទេសថៃចូលមកកម្ពុជា បានកកស្ទះ៣ម៉ោងដែរគឺចាប់ពីម៉ោង៦ល្ងាចដល់ម៉ោង៨យប់ ។ ភាគច្រើនជាអាជីវករខ្មែរដែលចូលទៅលក់ដូរនៅផ្សាររ៉ុងក្លឿ ប្រទេសថៃ ពលករ កម្មករ និងសិស្សានុសិស្ស ដែលចូលមកច្រកព្រំដែនកម្ពុជាវិញ ។
លោកបានបញ្ជាក់ថា មូលហេតុដែលបណ្តាលឱ្យមានការកកស្ទះពលរដ្ឋខ្មែរចេញ-ចូលកម្ពុជា-ថៃ គឺប័ណ្ណព្រំដែនរបស់ប្រជាពលរដ្ឋកម្ពុជា ត្រូវបានភាគីថៃតម្រូវឱ្យស្កេន QRcode ចេញពីប្រទេសនិងចូលប្រទេសថៃ ជាប្រចាំ តែការងារនេះ បង្កឱ្យកកស្ទះ នៅពេលខ្លះប្រព័ន្ធសេវាអ៊ីនធើរណែតមានការរអាក់រអួលមិនដើរ ឬដាច់ជយថាហេតុ ។ ទំរាំភ្ជាប់វិញទើបបង្កការកកស្ទះ តែបញ្ហានេះ មិនរាល់ថ្ងៃនោះទេ ។
លោកប្រធានស្នាក់ការបញ្ជាក់ថា ភាគីថៃបានតម្រូវឱ្យប្រជាពលរដ្ឋខ្មែរប្រថាប់ត្រាដាច់ដោយឡែកពីគ្នា ពោលគឺមិនឱ្យលាយឡំត្រា (កម្ពុជា-ថៃ)ក្នុងពេលតែមួយដូចពីមុនទេ(ត្រាភាគីកម្ពុជា ត្រូវនៅផ្សេងពីត្រាភាគីថៃ) ។លោកប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតមិនបានពន្យល់ទេថាតើភាគីថៃចាប់ផ្តើមអនុវត្តន៍បែបនេះមានជូនដំំណឹងនិងពិភាក្សាជាមួយភាគីកម្ពុជាដែរឬទេ?៕
