រាជធានីភ្នំពេញ ៖ ប្រធានសន្តិសុខបុរីលឹមឈាងហាក់ម្នាក់រួម និងបក្ខពួកជាច្រើននាក់បានប្រើអំពើហឹង្សាទៅលើបុរសពីរនាក់កំពុងផឹកស្រាអោយរបួសប៉ោងមុខមាត់ជាទំម្ងន់ម្នាក់ និងស្រាលម្នាក់។ ហេតុការណ៍នេះកើតឡើងនៅវេលាម៉ោង៩.៤0នាទីយប់ត្រូវនិងថ្ងៃទី៤ខែកញកញ្ញាឆ្នាំ២០១៦ ស្ថិតតាមផ្លូវបេតុងក្នុងបុរីលឹមឈាងហាក់ក្នុងសង្កាត់ដង្កោខណ្ឌដង្កោ។
យាងតាមសាក្សីនៅកន្លែងកើតហេតុបានឱ្យដឹងថា ជនរងគ្រោះទី១ មានឈ្មោះទុនសៀងហៃ ភេទប្រុសអាយុ៣០ឆ្នាំមានមុខរបធ្វើការរោងចក្រ ជនរងគ្រោះទី២មានឈ្មោះមានឈ្មោះលឹមភារម្យភេទប្រុសអាយុ២៦ឆ្នាំ មានមុខរបរធ្វើការរោងចក្រស្នាក់នៅជាមួយគ្នា។
ចំណែកជនដៃដល់មានឈ្មោះ វឿន សារុំ ភេទប្រុសអាយុ៣៥ឆ្នាំ មានមុខរបជាប្រធានសន្តិសុខក្នុងបុរីលឹមឈាងហាក់ប្រនាម៨៨ មុនពេលកើតហេតុជនរងគ្រោះទាំងពីរនាក់កំពុងស៊ីផឹងនៅមុខផ្ទះរបស់ខ្លួនស្រាប់តែលេចមុខសន្តិសុខរូបនេះរួមទាំងបក្ខពួក៦ទៅ៧នាក់បានបើកម៉ូតូបីគ្រឿងបានមកឈប់ម៉ូតូចុះមកមិនបានសួរនាំទេ ក៏នាំគ្នាព្រួតវ៉ៃទៅលើបុរសទាំងពីររួចហើយដាក់ខ្នោះដៃទាំងពីរនាក់ដឹកតាមម៉ូតូមកដាក់ក្នុងបុរីលឹមឈាងហាក់ហើយធ្វើសកម្មភាពវ៉ៃទៀតចោតថាបាញ់ចំពាមទៅខ្លួនតែជនរងគ្រោះឆ្លើយថាមិនបាញ់ទេខណៈពេលនោះជនដៃដល់នៅបន្តវ៉ៃបណ្ដាលអោយប៉ោងមុខរងរបួសជាទម្ងន់ និងម្នាក់រងរបួសស្រាលឡើងខៀវភ្នែក ក្រោយកើតហេតុសមត្ថកិច្ចមូលដ្ឋានបានចុះមកដល់បានឃាត់ខ្លួនជនដៃដល់ភ្លាមៗ មកសាកសួរនៅនៅប៉ុស្តិ៍ខណ្ឌដង្កោដើម្បីចាត់ការទៅតាមផ្លូវច្បាប់ ។ ចំណែកជនរងគ្រោះទាំងពីរនាក់ក៏បានមកដាក់ពាក្យបណ្ដឹងរួចរាល់ហើយដែរ ៕
