ភ្នំពេញ៖អនុរដ្ឋលេខាធិការក្រសួងមហាផ្ទៃ និងជាអនុប្រធានគណៈកម្មាធិការប្រយុទ្ធប្រឆាំងនឹងផលិតផលក្លែងក្លាយ លោកឧត្តមសេនីយ៍ឯក គឹម ជាតិបានបដិសេធនិងប្រកាសពីការត្រៀមវាយបកចំពោះការចោទប្រកាន់លោកករណីយ៍ពុករលួយ។សូមបញ្ជាក់ថាលោកឧត្តមសេនីយ៍ឯកគឹមជាតិប្រឈមនឹងពាក្យបណ្តឹងពាក់ព័ន្ធនឹងការទាមទារប្រាក់ចំនួន ១០ម៉ឺនដុល្លារពីម្ចាស់ក្រុមហ៊ុន ឈីវ ទីម៉ិច គ្រុប ផលិតស្រាចំរុះ និងប្រេងកូឡា អំឡុងចុះទៅត្រួតពិនិត្យដោយចោទប្រកាន់ថាមិនស្របច្បាប់ ដើម្បីជាថ្នូរនឹងការមិនបិទដំណើរការក្រុមហ៊ុន។
នៅក្នុងពាក្យបណ្តឹងតាមរយៈមេធាវីប្តឹងចូលអគ្គាធិការដ្ឋានក្រសួងមហាផ្ទៃ ម្ចាស់ក្រុមហ៊ុន បានស្នើសុំឱ្យ លោក គឺម ជាតិ ប្រគល់ស្រាចំនួន ៤៨ដប ដែលបានដកហូត ស្នើសុំឱ្យលោក គឹម ជាតិ ប្រគល់ប្រាក់ចំនួន ១០ម៉ឺនដុល្លារឱ្យមកក្រុមហ៊ុនវិញ និងស្នើសុំឱ្យមានវិធានការោផ្លូវច្បាប់ចំពោះលោក គឹម ជាតិ ដែលធ្វើឱ្យប៉ះពាល់ផលប្រយោជន៍របស់ក្រុមហ៊ុន។ការពិតពាក្យុបណ្តឹងករណីយ៍ពុករលួយចឹងវាគួតែជាសមត្តកិច្ចរបស់អង្គភាពប្រឆាំងអំពើពុករលួយជាអ្នកចាត់ការព្រោះវាជាបទល្មើសវិតិក្រមដែលប្រើអំនាចដើម្បីរកផលប្រយោជន៍។
តែផ្ទុយទៅវិញ អ្នកនាំពាក្យរងក្រសួងមហាផ្ទៃ លោក ទូច សុឃៈ បានបញ្ជាក់ឱ្យដឹងតាមរយៈផេកក្រសួងមហាផ្ទៃកាលពីថ្ងៃទី៨ធ្នូថា បណ្តឹងលើលោក គឹម ជាតិ ជាបណ្តឹងព្រហ្មទណ្ឌដែលក្រសួងបានផ្ទេរបណ្តឹងនេះទៅអគ្គស្នងការនគរបាលជាតិ ដើម្បីបំពេញនីតិវិធីបន្ត(ទៅវិញ)។អ្នកនាំពាក្យរងក្រសួងមហាផ្ទៃបាននិយាយក្នុងភាពបង្កាថា៖ «ប៉ុន្តែជាលទ្ធផល យើងអត់ទាន់អាចនិយាយបាននៅឡើយទេ ពីព្រោះការស្រាវជ្រាវ ការស៊ើបអង្កេត គឺត្រូវការពេលវេលា ត្រូវការប្រមូលនូវភាគីពាក់ព័ន្ធធ្វើជាសាក្សី ប្រមូលនូវព័ត៌មាន ប្រមូលនៅវត្ថុតាងនានាដើម្បីធ្វើការកំណត់ និងធ្វើរបាយការណ៍សំយោគមួយជូនឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដើម្បីសម្រេច និងមានចំណាត់ការបន្តបន្ទាប់ទៅមុខទៀត»។
បើតាមលោក ទូច សុឃៈ រដ្ឋមន្ត្រីក្រសួងមហាផ្ទៃ អភិសន្តិបណ្ឌិត ស សុខា កន្លងមកបានចេញសេចក្តីប្រកាសផ្អាកឱ្យមន្ត្រីក្របខណ្ឌក្រសួងមហាផ្ទៃចុះត្រួតពិនិត្យ និងចុះបង្ក្រាបផលិតផលក្លែងក្លាយ ក្រោយពីមានភាពប្រក្រីតីមួយចំនួនចំពោះការបំពេញភារកិច្ចរបស់មន្ត្រីជំនាញកាលពីខែកញ្ញាកន្លងមកពេលដែលរាជរដ្ឋាភិបាលថ្មីកើតឡើង។ក្រុមហ៊ុន ឈីវ ទីម៉ិច គ្រុប កាលពីថ្ងៃទី០៦ ខែតុលា ឆ្នាំ២០២៣កន្លងទៅ តាមរយៈក្រុមហ៊ុមមេធាវីតំណាងឲ្យខ្លួន បានដាក់ពាក្យបណ្ដឹងទៅអគ្គាធិការក្រសួងមហាផ្ទៃ ដើម្បីប្ដឹងលោក គឹម ជាតិ អនុរដ្ឋលេខាធិការក្រសួងមហាផ្ទៃ និងជាអនុប្រធានគណៈកម្មាធិការ ថាកាលពីថ្ងៃទី០៥ ខែវិច្ឆិកា ឆ្នាំ២០២១ លោកបានដឹកនាំក្រុមការងារ ចូលមកក្នុងទីតាំងឃ្លាំងស្រាស្របច្បាប់របស់ក្រុមហ៊ុន ដោយចោទប្រកាន់ថាផលិតផលរបស់ក្រុមហ៊ុន មានដូចជា ស្រាចំរុះ និងប្រេងកូឡា ប្រេងខ្យល់ មិនស្របច្បាប់។
ក្នុងនោះ តម្រូវឲ្យដកស្រាមួយចំនួនទៅពិនិត្យ និងតម្រូវឲ្យបិទសៀលលើទ្វារឃ្លាំងមិនឲ្យក្រុមហ៊ុនធ្វើអាជីវកម្មបាន និងទាមទារប្រាក់ចំនួន១០ម៉ឺនដុល្លារជាថ្នូរ និងការបើកអោយដំណើរការអាជីវកម្មធម្មតាវិញ។ ដោយខ្លាចរាំងស្ទះដល់ដំណើរការអាជីវកម្មក្រុមហ៊ុន ក៏បានយល់ព្រមប្រគល់សាច់ប្រាក់សុទ្ធឲ្យ ក្រុមលោក គឹម ជាតិ តាមការទាមទារ នៅល្ងាចថ្ងៃដដែល និងបង្គាប់ឲ្យអ្នកតំណាងក្រុមហ៊ុន ផ្តិតមេ ដៃព្រមទទួលលើកិច្ចសន្យាស្នើសុំកែប្រែកំហុស ដោយលើលិខិតនោះពុំមានចុះលេខចេញរបស់លេខាធិកាដ្ឋានជា ផ្លូវការឡើយ។
លោក ទូច សុឃៈ បានបញ្ជាក់ថា ប្រសិនម្ចាស់អាជីវកម្ម ម្ចាស់ផលិតផលទាំងឡាយណាដែលធ្លាប់រងគ្រោះដោយភាពយុត្តិធម៌ដោយសារមន្ត្រីក្រសួងមហាផ្ទៃចុះទៅបង្ក្រាបផលិតផលក្លែងក្លាយ អាចដាក់ពាក្យបណ្តឹងមកក្រសួងមហាផ្ទៃដោយពុំចាំបាច់បារម្ភពីសុវត្ថិភាពឡើយ។បើតាមពាក្យប្តឹងលោកឧត្តមសេនីយ៍ឯក គឹម ជាតិអនុប្រធាគណៈកម្មាធិការ ប្រឆាំងផលិតផលក្លែងក្លាយ មានលោកនាយឧត្តមសេនីយ៍មៀចសុផាន់ណារដ្ឋលេខាធិការក្រសួងមហាផ្ទៃជាប្រធានបានជំរិតប្រាកពេលចុះត្រួតពិនិត្យឃ្លាំងស្រាមួយកន្លែងកាលពីខែវិច្ឆិកា ។
គណៈកម្មាធិការ ប្រឆាំងផលិតផលក្លែងក្លាយធ្លាប់ផ្ទុះរឿងអាស្រូវជាច្រើនដងរហូតដល់មានការផ្លាស់ប្តូសមាជិកគណកម្មាធិការម្តងកាលពីអាណត្តិទី៦ពេលសម្តេចក្រឡាហោមសខេងនៅជារដ្ឋមន្ត្រីក្រសួងមហាផ្ទៃ។ទោះបីយ៉ាងណាគេមិនជៀងថាសំណុំរឿងនេះអាចលេចចេញជាលទ្ធផលដែលឈានទៅពិន័យលោកឧត្តមសេនីយ៍គឺមជាតិនោះកើតទេលើកលែងតែវាស្ថិតក្នុងដៃអង្គភាពប្រឆាំងអំពើពុករលួយដែលស្ថិតនៅក្រោមការតាមដានត្រួតពិនិត្យរបស់នាយករដ្ឋមន្ត្រី។តើលោកគឹមជាតិដោយឡែកនិងជាពិសេសលោកនាយឧត្តមសេនីយ៍មៀចសុផាន់ណាជាប្រធានសុខចិត្តឲ្យរឿងចោទប្រកាន់បទល្មើសពុករលួយដែលមានឥទ្ធិពលដល់ខ្លួនចេញសាច់ការកើតដែរ?៕
