យោងតាមសេចក្តីសម្រេច ស្តីពីការផ្ទេរភារកិច្ច និងតែងតាំងមុខតំណែងមន្ត្រីនគរបាលជាតិ របស់ក្រសួងមហាផ្ទៃ អគ្គស្នងការនគរបាលជាតិ លេខ៧៣៦សសរ ចុះថ្ងៃទី០៣ ខែវិច្ឆិកា ឆ្នាំ២០២៣ ចុះហត្ថលេខា ដោយនាយឧត្តមសេនីយី ស ថេត អគ្គស្នយកងការនគរបាលជាតិ
ប្រការ១: ត្រូវបានផ្ទេរភារកិច្ច និងតែងតាំងមុខតំណែងលោកវរសេនីយ៍ត្រី ឈិត វណ្ណា អត្តលេខ ៤៣០៧៩ ពីនាយផ្នែកអន្តោប្រវេសន៍ ទៅជានាយប៉ុស្តិ៍នគរបាលរដ្ឋបាលវាំងចាស់ នៃអធិការដ្ឋាននគរបាលក្រុងឧដុង្គម៉ែជ័យ ។
សូមបញ្ជាក់ថា : លោក វរសេនីយ៍ត្រី ឈិត វណ្ណា គឺជាមន្ត្រីនគរបាលនៅក្នុងមូលដ្ឋាន នៃអតីត ឃុំវាំងចាស់ ស្រុកឧតុង្គ ខេត្តកំពង់ស្ពឺ ដែលមានទីស្នាក់ការ ប៉ុស្តិ៍រដ្ឋបាល ជិតផ្សារផ្សារឧតុង្គ ។ លោកសក្តិ ៤ ឈិត វណ្ណា ដែលអ្នករស់នៅផ្សារឧដុង្គភាគច្រើនបានស្គាល់ច្បាស់តាមរយ:ឈ្មោះហៅក្រៅថា ដុស ដុស លោកគឺជាមន្ត្រីនគរបាលដ៏ល្អ១រូប ដែលប្រជាពលរដ្ឋគោរពស្រលាញ់ ចូលចិត្តនៅក្នុងមូលដ្ឋាន ។
ប្រជាពលរដ្ឋ ក៏ដូចជាអាជីវករលក់ដូរទំនិញ សព្វសារពើនៅក្នុងផ្សារឧតុង្គភាគច្រើន បាននិយាយកោតសរសើរពីទឹកចិត្ត និងស្នាដៃ សកម្មភាពការពារ បំរើប្រជាពលរដ្ឋ គ្រប់ផ្នែកទាំងសន្តិសុខ សណ្តាប់ធ្នាប់ និងសេវាសាធារ: គឺលោក ដុស មិនធ្វើអោយប្រជាជនមានការថ្នាំងថ្នាក់ ឬក្តៅក្រហាយទេ ។
រយ:ពេលជិត៣០ឆ្នាំ នៃការចូលធ្វើនគរបាលជាតិ លោកវរសេនីយ៍ត្រី ឈិត វណ្ណា ក្រៅពី ទទួលបានការគោរពស្រលាញ់ និងកោតសរសើរពីប្រជាពលរដ្ឋក្នុងមូលដ្ឋាន លោក ឈិត វណ្ណា ក៏ត្រូវបានថ្នាក់ដឹកនាំអង្គភាព ជឿទុកចិត្តនិងផ្តល់ឋាន: តួនាទី ជាបន្តបន្ទាប់ រហូតមកដល់ពេល នេះ ក៏ត្រូវបានប្រមុខរាជរដ្ឋាភិបាលកម្ពុជា អាណត្តិទី៧នេះ ក្រោមការដឹកនាំប្រកបដោយគតិបណ្ឌិត របស់សម្តេចមហាបវរធិបតីហ៊ុនម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមរយ:លោកនាយឧត្តមសេនីយ៍ ស ថេត អគ្គស្នងការនគរបាលជាតិ បានផ្តល់ការទុកចិត្ត សម្រេចតែងតាំង លោកវរសេនយី៍ ឈិត វណ្ណា ជានាយប៉ុស្តិ៍នគរបាលរដ្ឋបាលវាំងចាស់ នៃអធិការដ្ឋាននគរបាលក្រុងឧត្តុង្គ ម៉ែជ័យ ខេត្តកំពង់ស្ពឺ ។
ក្នុងថ្ងៃប្រកាស ចូលកាន់តំណែង ជានាយប៉ុស្តិ នគរបាលរដ្ឋបាលវាំងចាស់ លោកវរសេនីយ៍ត្រី ឈិត វណ្ណា បានប្តេជ្ញាចិត្ត ថា នឹងខិតខំយកអស់កម្លាយកាយចិត្ត និងសមត្ថភាព ដោយមិនខ្លាចនឿយហត់ ដើម្បីបំរើជាតិ និង ប្រជាជន អោយមានភាពកក់ក្តៅ និងសុខសុវត្ថិភាព ៕