ព្រះសីហនុ៖ សម្ដេចនាយករដ្ឋមន្ត្រី ហ៊ុន ម៉ាណែត បានថ្លែងអំណរគុណចំពោះវិនិយោគិនចិនតំបន់សេដ្ឋកិច្ចពិសេសចេជាង ស្ថិតនៅស្រុកព្រៃនប់ ដែលបានជួយពន្យល់ និងបំភ្លឺ ដើម្បីលុបបំបាត់ការព្រួយបារម្ភ ដែលកើតឡើងដោយសារភាពយន្តចិនមួយនោះរឿង «No More Bet»។ក្នុងពិធីជួបសំណេះសំណាល ជាមួយកម្មករជាង ១ម៉ឺន ៥ពាន់នាក់ នាព្រឹកថ្ងៃទី០៧ ខែវិច្ឆិកា ឆ្នាំ២០២៣ សម្ដេចធិបតី បានរំឭកថា អំឡុងទស្សនកិច្ចផ្លូវការលើកទី២ របស់សម្ដេចទៅកាន់ទីក្រុងប៉េកាំង កាលពីខែតុលាកន្លងទៅនេះ សម្ដេចបានជួបជាមួយនឹង វិនិយោគិនមកពីតំបន់សេដ្ឋកិច្ចពិសេសចេជាង ដែលពួកគាត់បានជួយបកស្រាយពន្យល់ និងបំភ្លឺដល់មតិមហាជនមួយចំនួន នៅប្រទេសចិន ដែលគាត់ព្រួយបារម្ភពីសុវត្ថិភាព ព្រោះមានរឿងចិន «No More Bet» និយាយពី អសុវត្ថិភាពនៅក្រុងព្រះសីហនុ។
សម្តេចនាយករដ្ឋមន្ដ្រី បានថ្លែងអំណរគុណជាថ្មីចំពោះវិនិយោគិនជនជាតិចិនទាំងនោះ ដែលមានជំនឿទុកចិត្តលើប្រទេសកម្ពុជា ហើយបានបន្តជួយយកអាសារការពារកម្ពុជា។ទាក់ទងនិងបញ្ហាជាប់គាំងសំណង់នៅខេត្តព្រះសីហនុសម្ដេចធិបតីក៏បានលើកឡើងដែរថា បញ្ហាជាប់គាំងនៃវិស័យចង់ដាក់ទ្រព្យមិនមែនកើតទៅក្នុងប្រទេសកម្ពុជាទេ គឺមាននៅស្ទើរតែគ្រប់បណ្ដាលប្រទេសផ្សេងទៀតនៅលើពិភពលោកហើយនេះគឺជាវត្តរយៈពេល ១០ឆ្នាំម្ដង។សម្ដេចធិបតីក៏បានឲ្យដឹងថា នៅថ្ងៃទី១៣ ខែវិច្ឆិកា សម្ដេចនិងជួបជាមួយនឹងវិស័យឯកជនដើម្បីស្វែងយល់អំពីការលំបាកក៏ដូចជារកដំណោះស្រាយជូនវិស័យឯកជនទាំងអស់។
សម្ដេចធិបតី ហ៊ុន ម៉ាណែត បានជំរុញទៅរដ្ឋមន្ត្រីក្រសួងសាធារណការលោក ប៉េង ពោធិ៍នាឱ្យពង្រឹងនៅហេដ្ឋារចនាសម្ព័ន្ធផ្លូវរថភ្លើងបន្ថែមទៀតដើម្បីជំរុញទៅដល់ការដឹកជញ្ជូនពីរាជធានីភ្នំពេញមកកាន់ខេត្តព្រះសីហនុ។សម្ដេចធិបតីនាយករដ្ឋមន្ត្រីថ្លែងថា៖ រដ្ឋាភិបាលមានគម្រោងភ្ជាប់ផ្លូវហោះហើរត្រង់ពីខេត្តព្រះសីហនុ ទៅ កាន់តំបន់ទេសចរណ៍នៅថៃ វៀតណាម ម៉ាល់ឌីវ និងហ្វីលីពីនជាដើម ដើម្បីបង្កើនការវិនិយោគ និង ទេសចរនៅកម្ពុជា។សម្ដេចធិបតី«សូមបន្តជឿទុកចិត្ត និងពង្រីកការវិនិយោគជាបន្ថែមទៀត រាជរដ្ឋាភិបាលនឹងខិតខំជួយ ហើយក៏នឹងខិតខំបន្តទាក់ម៉ូយមកវិនិយោគថែមទៀត»។
សម្ដេចធិបតី ហ៊ុន ម៉ាណែត បានបង្ហាញក្ដីរំពឹងថា ៥ឆ្នាំ ឬ ១០ឆ្នាំទៅមុខទៀត «ព្រះសីហនុ» នឹងប្រែក្លាយទៅជាខេត្តដែលមានប្រជាពលរដ្ឋមានចំណូលខ្ពស់ បើធៀបទៅនឹងខេត្តដទៃទៀត។ នាយករដ្ឋមន្ត្រី សម្ដេចអធិបតី ហ៊ុន ម៉ាណែត បានលើកឡើងថាខេត្តព្រះសីហនុគឺជាពេជ្រដែលមិនទាន់ច្នៃ ដោយថារាជរដ្ឋាភិបាលនិងកែច្នៃពេជ្រនេះឲ្យទៅជាពេជ្រដែលមានតម្លៃ។ ហើយនៅថ្ងៃអនាគតស្របពេលដែលប្រទេសកម្ពុជាក្លាយទៅជាប្រទេសអ្នកមាននៅឆ្នាំ២០៥០ ប្រជាជននៅខេត្តព្រះសីហនុគឺជាប្រជាជនដែលមានជាងគេនៅក្នុងប្រទេសផងដែរ។សម្ដេចធិបតី មានប្រសាសន៍ថា «ខេត្តព្រះសីហនុ អាចជាឆ្នាំងបាយ មិនត្រឹមតែចិញ្ចឹមអ្នកខេត្តព្រះសីហនុទេ ប៉ុន្ដែជាថាមពល ជាថ្មមួយ ដែលជំរុញឲ្យសេដ្ឋកិច្ចកាន់តែច្រើនលឿន ហើយសំខាន់ណាស់»៕
