ក្រចេះ ៖ នៅល្ងាចថ្ងៃទី២១ ខែតុលា ឆ្នាំ២០២៣ វេលាម៉ោង៧.២០នាទី កម្លាំងសមត្ថកិច្ចចម្រុះរបស់ខេត្តក្រចេះ ដែលមានលោក វរះសេនីយ៍ទោ ហេង ចន្ថា នាយការិយាល័យប្រឆាំងបទល្មើសសេដ្ឋកិច្ចនៃមិនស្នងការនគរបាលខេត្តក្រចេះសហការជាមួយលោកទ្រី ម៉េងលៀងនាយរងផ្នែករដ្ឋបាលព្រៃឈើខេត្តក្រចេះនិងលោកអនុសេនីយ៍ទោ ស៊ាម គឹមទឹម កម្លាំងសឹករងខេត្តក្រចេះ បានចាប់បង្ក្រាបរថយន្តបិតជញ្ជាំងជិតម៉ាកហុីយ៉ាន់ដាយទំងន់៣តោនកន្លះ ដឹកឈើពេញ នៅចំណុចភូមិឬស្សីចារ្យ ឃុំថ្មគ្រែ ស្រុកចិត្របុរី ខេត្តក្រចេះ។
តាមប្រភពព័ត៌មានពីមន្ត្រីសមត្ថកិច្ចដែលបានចូលរួមចាប់បង្ក្រាបនៅទីនោះ បានឲ្យដឹងថារថយន្តដឹកឈើខាងលើ ត្រូវបានប្រជាពលរដ្ឋរាយការណ៍មកថាបានឡើងទៅទិញឈើ តាមផ្ទះប្រជាពលរដ្ឋនៅស្រុកសំបូរខេត្តក្រចេះជាញឹកញាប់ ដោយគេប្រើរូបភាពជាឡានដឹកដឹកទំនិញក្រុមហ៊ុន តែតាមពិតលួចលាក់ដឹកឈើទេ។
តាមប្រភពព័ត៌មានពីប្រជាពលរដ្ឋ ដែលឈរមើលសមត្ថកិច្ចចាប់បង្ក្រាបរថយន្តដឹកឈើខាងលើ បានរៀបរាប់ប្រាប់ក្រុមអ្នកសារពត៌មានក្នុងល័ក្រក្ខ័ន្ធមិនបញ្ចេញឈ្មោះថា ចំពោះរថយន្តដឹកឈើដែលសមត្ថកិច្ចកំពង់តែចាប់បង្ក្រាបពេលនេះ គឺជារថយន្តរបស់ឈ្មួញឈើដ៍សកម្មដែលដឹកឈើតាមផ្លូវនេះ(ផ្លូវមាត់ទន្លេរ)ជារៀងរាល់ថ្ងៃមិនដែលរំខានដល់បងប្អូនសមត្ថកិច្ចណាឡើយ ព្រោះជាគ្នារបស់គេ? ទើបតែលើកនេះទេ ដែលជាការស៊យរបស់ថៅកែឈើរូបនោះ ព្រោះពេលលើកឈើដាក់ចូលក្នុងឡាន ត្រូវបានអ្នកសារពត៌មាន មកពីភ្នំពេញ ប្រទះឃើញ ក៍គោរពរាយការណ៍ស្នើសុំការសហកាពីស្ថាបនតុលាកាឲ្យជួយអន្តរាគមន៍ទប់ស្កាត់បង្ក្រាប ទើបកម្លាំងសមត្ថកិច្ចទាំងនោះចុះមកបង្ក្រាបទាំងទើសទាល់បែបនេះទៅ។
ប្រភពដដែលបន្តទៀតថា ចំពោះតៃកុងឡានដឹកឈើ ដែលបានបើកឡានដឹកឈើនោះ គឺត្រូវបានគេស្គាល់ថា ជាអ្នកសុីឈ្នួលដឹកឈើឲ្យឈ្មោះ គុណ ពិដោ នាយសង្កាត់រដ្ឋបាលព្រៃឈើ ស្រុកព្រែកប្រសព្វ ខេត្តក្រចេះ ដែលខ្លួនគាត់(លោកគុណ ពិដោ)ជាអ្នកមានតួនាទីទប់ស្កាត់និងបង្ក្រាបបទល្មើសព្រៃឈើ បែរជាមករកស៊ីដឹកឈើខ្លួនឯងបែបនេះទៅវិញ សួថាតើឲ្យអ្នកណាបង្ក្រាបអ្នកណា ?បើទាំងសមត្ថកិច្ចទាំងឈ្មួញសុទ្ធតែរកស៊ីដូចគ្នាយ៉ាងនេះ?ឬមួយដូចការសង្ស័យរបស់បងប្អូនក្រុមអ្នកតាមដានសង្គមបាននិយាយថា កាលពីលើកមុនតួនាទីទប់ស្កាត់និងបង្ត្កាបបទល្មើសព្រៃឈើ គឺស្ថិតក្នុងកណ្តាប់ដៃមេព្រៃ(រដ្ឋបាលព្រៃឈើ)ដែលជាស្ថាបនចំណុះឲ្យក្រសួងកសិកម្មរុក្ខាប្រម៉ាញ់និងនេសាទ គឺព្រៃឈើត្រូវបានបំផ្លាញដោយក្រុមឈ្មួញដែលមានខ្សែក្រាស់ៗនៅក្នុងក្រសួងថ្នាក់លើមកបំផ្លាញ ធ្វើឲ្យកម្លាំងមេព្រៃមិនអាចទប់ស្កាត់បាន ទើបរាជរដ្ឋាភិបាលសម្រេចបង្កើតឲ្យមានគណះកម្មការទប់ស្កាត់និងបង្ក្រាបបទល្មើសធនធានធម្មជាតិ ដែលមាននាយឧត្តមសេនីយ៍ឯកផ្កាយមាសបួន សៅ សុខា មេបញ្ជាការកងរាជអាវុអហត្ថលើផ្ទៃប្រទេស ជាប្រធាន ក៍នៅតែទប់ស្កាត់និងបង្ក្រាបមិនបានដដែល ទើបរាជរដ្ឋាភិបាលសម្រេចបន្តរប្រគល់ភារកិច្ចបន្ថែមទៀតឲ្យទៅក្រសួងបរិស្ថានដើម្បីសហការបង្ក្រាប ក៍នៅតែទប់ស្កាត់បង្ក្រាបមិនបានដដែល គឺកាន់តែវិនាសហិនហោចព្រៃឈើកាន់តែខ្លាំង ទាំងនេះគឺបណ្តាលមកពីសមត្ថកិច្ចទាំងនោះ សហការគ្នារកស៊ីតែម្តង។
តាមប្រភពព័ត៌មានពីប្រជាពលរដ្ឋរស់នៅក្នុងឃុំវឍ្ឃនះស្រុកសំបូរនិងប្រជាពលរដ្ឋរស់នៅក្នុងឃុំជ្រោយបន្ទាយស្រុកព្រែកប្រសព្វខេត្តក្រចេះ បានរៀបរាប់ប្រាប់ក្រុមអ្នកសារពត៌មានថា ចំពោះលោក គុណ ពិដោនាយសង្កាត់រដ្ឋបាលព្រៃឈើស្រុកព្រែកប្រសព្វ គឺជាមនុស្សកំពូលហុតឈាមប្រជាពលរដ្ឋណាស់ ព្រោះថាពួកយើង(ប្រភពខាងលើ) រស់នៅទីនេះ គ្មានមុខរបរអ្វីក្រៅពីធ្វើស្រែចំការបន្តិចបន្ទួចនោះទេ ហើយពេលទំនេរពីការងារស្រែចំការក៍ឈ្លាតទៅរកស៊ីដឹកធ្យូងដឹកអុសយកទៅលក់ឲ្យប្រជាពលរដ្ឋនៅខាងស្រុកក្រោម(ស្រុកឆ្លូង ខេត្តក្រចេះ ស្រុកកំចាយមារ ស្រុកក្រូចឆ្មា ខេត្តត្បូងឃ្មុំ) ដើម្បីបានកំរ៉ៃបន្តិចបន្ទួចក្រាន់ដូរបាយហូប ប៉ុន្តែត្រូវបានលោក គុណ ពិដោ ចាប់គ្មានលើកលែងទេ បើយើងគ្មានលុយបង់ឲ្យគាត់។
ពាក់ព័ន្ធករណីចាប់បង្ក្រាបរថយន្តដឹកឈើខាងលើ បើតាមសំដីរបស់សន្តិសុខយាមទ្វារទីស្នាក់ការរដ្ឋបាលព្រៃឈើក្រចេះបានប្រាប់ក្រុមអ្នកសារពត៌មានដែលតាមទៅប្តិតយករូបភាពដល់ទីនោះនៅព្រឹកថ្ងៃទី២២ខែតុលាឆ្នាំ២០២៣នេះថា ពេលនេះមិនទាន់មានបញ្ជាឲ្យបើកទ្វាររថយន្តនោះដើម្បីពិនិត្យឈើនោះទេ ព្រោះជាថ្ងៃអាទិត្យ គេអត់ធ្វើការទេ។
ជុំវិញព័ត៌មានខាងលើនេះ បើយោងទៅតាមសម្តីរបស់បងប្អូនប្រជាពលរដ្ឋដែលនិយមហូបកាហ្វេ ហើយតាមដានពត៌មាននឹងបទល្មើសព្រៃឈើបានជជែកគ្នាថា ពាក់ព័ន្ធនិងចាប់ឈើរបស់លោកដោយបើមិញ សង្ស័យគ្រាន់តែជាល្ខោនស្ពិនភ្នែកមហាជនតែប៉ុណ្ណោះ មិនមែនជាការបង្ក្រាបមែនទែនោះទេ យ៉ាងច្រើន២ទៅ៣ថ្ងៃទៀតគេដោះលែងវិញហើយ ព្រោះជារបស់មេព្រៃដូចគ្នា គេមិនអាចឲ្យខូចកិត្តិយសស្ថាបនគេទេ?៕
