ពលរដ្ឋក្នុងភូមិត្រាំដុំ ឃុំវឌ្ឍនៈ ស្រុកសំបូរ ខេត្តក្រចេះ ស្រែករកភាពយុត្តិធម៌ ន្ទាប់ពី លោក យន់ សុខុន ប្រើតួនាទីជាមេឃុំ ដើរចង្អុលដីពលរដ្ឋលក់ឲ្យក្រុមឈ្មួញ យ៉ាងអនាធិប្បតេយ្យ នេះបើតាមការត្អូនត្អែពី ពលរដ្ឋមួយគ្រួសារ រស់នៅភូមិត្រាំដុំ បានបញ្ជាក់ប្រាប់មកកាន់ អង្គភាពព័ត៌មានខ្មែរឦសានយើងថ្មីៗ
លោកមេឃុំវឌ្ឍន: ហេតុអ្វីនៅពេលដែលបានបុណ្យស័កនិងតួនាទីហើយ មិនព្រមបម្រើរាស្ត្រតាម តួនាទីរបស់ខ្លួនទៅ ហេតុអ្វីគ្រប់គ្នាឲ្យតែបានតួនាទីតែងតែធ្វើបាបរាស្ត្របែបដូច្នេះទៅវិញ។
តាមការលើកឡើងរបស់ លោក ឃឿន ខា និងពលរដ្ឋឯទៀតបានរៀបរាប់ទាំឈឺចាប់ថា ថ្មីៗកន្លងទៅនេះលោក យន់ សុខុន មេឃុំ វឌ្ឍនៈតែងតែប្រើប្រាស់តួនាទីរបស់ខ្លួនហួសព្រំដែន ដោយបានដើរចង្អុលដីរបស់ពួកគាត់លក់អោយទៅក្រុមឈ្មួញយ៉ាងអនាធិប្បតេយ្យ ដោយគ្មានខ្លាចញញឺតច្បាប់សោះឡើយ ។
គាត់បន្តទៀតថា ៖ សកម្មភាពលក់ដីព្រៃយ៉ាងសកម្មកន្លងមកគឺមានតែលោកមេឃុំនិងបក្យពួកលោកទេ ដែលមានឥទ្ធិពលធំជាងគេ គឺតាំងពីលោកមិនទាន់ក្លាយជាមេឃុំ រហូតបច្ចុប្បន្ន បានក្លាយទៅជាមេឃុំ ដោយកន្លងមក លោកតែងតែប្រើឲ្យអ្នកនេះឈរឈ្មោះលក់ ឱ្យអ្នកនោះឈរឈ្មោះលក់ ជំនួសលោក តែតាមការពិតលោកជាអ្នកនៅពីក្រោយទាំងអស់ ។
ពលរដ្ឋរស់នៅតំបន់នោះបានបញ្ជាក់ទៀតដែរថា ដោយសារតែលោកលក់ដីព្រៃច្រើនពេកនេះហើយ ទើបកន្លែងខ្លះលោកមិនមានដីគ្រប់សងទៅក្រុមឈ្មួញទាំងនោះ ម្ល៉ោះហើយទើបបង្ខំចិត្តទន្ទ្រានដីពលរដ្ឋថែមដើម្បីកាត់ឲ្យឈ្មួញបង្គ្រប់ ។
បាទប្រិយមិត្តលោកអ្នកនាងជាទីមេត្រីទស្សនិកជនដែលតែងតែតាមដានរាល់ការផ្សាយរបស់អង្គភាពយើង ខាងលើនេះគ្រាន់តែជាការរៀបរាប់ខ្លះៗដែលប្រជាពលរដ្ឋ រស់នៅភូមិត្រាំដុំ ឃុំវឌ្ឍនៈ ស្រុកសំបូរខេត្តក្រចេះ បានរៀបរាប់មកកាន់អង្គភាពសារព័ត៌មានយើងតែប៉ុណ្ណោះ។ ជុំវិញរឿងនេះទៀតសោតអង្គភាពយើងក៏ព្យាយាមសុំការបំភ្លឺពីលោកមេឃុំផងដែរ តើរឿងនេះជាការពិតដែរឬយ៉ាងណា ឬថានេះជាការពិតមែន ? ចុះបើសិនជាការពិតវិញ ? តើអង្គភាពប្រឆាំងអំពើពុករលួយគួរមានចំណាត់ការដែរឬយ៉ាងណា ? ឬមួយក៏ទុកឱ្យមន្ត្រីគ្រាប់ល្ពៅនេះបន្តសកម្មភាពបែបនេះរហូតតទៅ ?
ជុំវិញការត្អូញត្អែលនិងការរៀបរាប់របស់បងប្អូនប្រជាពលរដ្ឋខាងលើនេះដែរ លោក យន់ សុខុន មេឃុំវឌ្ឍនៈ អង្គភាពខ្មែរឦសានយើងក៏បានព្យាយាមសុំការបំភ្លឺពីលោកកាលបពីថ្ងៃអង្គារ ទី ១៧ ខែតុលា ឆ្នាំ 2023 វេលាម៉ោង 1:40 នាទីរសៀលតាមរយៈទូរសព្ទលេខ 097 8288488 ជាច្រើនដងដែរ តែពុំមានអ្នកទទួល ។
ទោះយ៉ាងនេះក្តី អង្គភាពយើងនៅតែរង់ចាំការបកស្រាយបំភ្លឺពីលោកយន់ សុខុន មេឃុំវឌ្ឍនៈគ្រប់ពេលវេលារាល់ម៉ោងធ្វើការតាមច្បាប់នៃរបបផ្សារព័ត៌មាន ៕
