(ក្រចេះ)៖ ក្រុមពលរដ្ឋដែលកំពុងរុករករ៉ែមាស នៅតំបន់”ព្រៃឡង់”ក្នុងភូមិសាស្ត្រសោមដេប៉ូ ដែលជាភូមិឧបសម្ព័ន្ធនៃភូមិយាវ ឃុំកំពង់ចាម ស្រុកសំបូរ ខេត្តក្រចេះ បានអះអាងដូចៗគ្នាថា មូលហេតុដែលពួកខ្លួន អាចធ្វើសកម្មភាពរុករករ៉ែមាសនៅតំបន់នេះបាន ក៏ព្រោះតែពួកគាត់ បានបង់លុយឱ្យមន្ត្រីបរិស្ថានចំនួន៦០ម៉ឺនរៀល សម្រាប់ម៉ាស៊ីនខួងដី១គ្រឿង..!។ ពោលគឺ ការបង់លុយទាំងនោះមន្ត្រីបរិស្ថាន មិនមកយកផ្ទាល់ខ្លួនឯងទេ ដោយតម្រូវឱ្យលោកមេភូមិយាវ ជាអ្នកដើរប្រមូលជំនួស..!។
បច្ចុប្បន្ន ពលរដ្ឋខ្លះមិនហ៊ានចេញពីព្រៃមកផ្ទះ ដើម្បីធ្វើបុណ្យក្នុងរដូវបិណ្ឌ-ភ្ជុំ នោះទេ ព្រោះពុំមានលុយគ្រប់ចំនួនសម្រាប់បង់ឱ្យមន្ត្រីបរិស្ថាន..!។ ករណីនេះមន្ត្រីជំនាញបរិស្ថាន មិនអាចសុំការអត្ថាធិប្បាយបានទេ…!។
ជុំវិញរឿងរ៉ាវនេះ កាលពីថ្ងៃទី០៦.១០.២០២៣ ក្រុមពលរដ្ឋដែលកំពុងរុករករ៉ែមាស នៅចំណុចខាងលើ។
បានបញ្ជាក់ថាៈ ពួកខ្លួនពិតជាបានបង់លុយឱ្យមន្ត្រីបរិស្ថាន ចំនួន៦០ម៉ឺនរៀល សម្រាប់ម៉ាស៊ីនខួងដី១គ្រឿងប្រាកដមែន! ជាថ្នូរនិងការអនុញ្ញាតឱ្យពួកគាត់ ខួងដីចម្រាញ់រុករករ៉ែមាស អំឡុងរដូវវស្សា ដោយមានលោក ពៅ រិទ្ធ មេភូមិយាវ ជាអ្នកមកយកលុយផ្ទាល់…!។
ពលរដ្ឋបន្តថា បើពួកគាត់មិនព្រមបង់លុយឱ្យមន្ត្រីបរិស្ថាន តាមរយៈលោកមេភូមិទេ គឺពួកខ្លួនមិនអាចរុករករ៉ែមាសបានឡើយ ដោយប្រឈមនឹងត្រូវហាមឃាត់ឬចាប់ខ្លួន!។ ម្លោះហើយទើបម្នាក់ៗ ត្រូវបង្ខំចិត្តបង់លុយឱ្យមន្ត្រីបរិស្ថាន តាមការទាមទារ និងតាមរយៈលោកមេភូមិ រហូតមក.!។
ក្រុមអ្នករុករករ៉ែមាស បញ្ជាក់ទៀតថាៈ បច្ចុប្បន្ន មានពលរដ្ឋរាប់រយគ្រួសារ ប្រើម៉ាស៊ីខួងដីជិត១០០គ្រឿង.!។
កំពុងធ្វើសកម្មភាព ខួងដីនិងបូមដី នៅទីតាំងក្បែរៗគ្នា ក្នុងភូមិសាស្ត្រសោមដេប៉ូ ដែលជាភូមិឧបសម្ព័ន្ធនៃភូមិយាវ ឃុំកំពង់ចាម ស្រុកសំបូរ ខេត្តក្រចេះដើម្បីចម្រាញ់រុករករ៉ែមាស យ៉ាងគគ្រឹកគគ្រេងបំផុត…! ។ បណ្ដាលឱ្យដីព្រៃឡង់ នៅតំបន់នោះ ក្លាយជារណ្ដៅក្រហេងក្រហូង សុសដី ដូចរន្ធបាយខុមទៅហើយ។
ជាការឆ្លើយតប នៅថ្ងៃទី០៨.១០.២០២៣ លោក ពៅ រិទ្ធ មេភូមិយាវ បានថ្លែងបដិសេធថា លោកមិនបានយកលុយពីពលរដ្ឋអ្នករុករករ៉ែមាសនោះទេ។
ពិតប្រាកដណាស់ដែនជម្រកព្រៃឡង់ ក្រោមការគ្រប់គ្រងរបស់លោក សាំង សាខន មិនសរសើរ ពិតជាចម្លែក ។ មានតែឈ្មោះព្រៃឡង់នោះទេ ចំណែកព្រៃឈើ សម្បត្តិធនធានធម្មជាតិមួយរយៈពេលនេះ ហាក់រលាយហិនហោចអស់ហើយ ។ កុំថាបទល្មើសព្រៃឈើ.សូម្បីតែក្រុមឈ្មួញកំពុងតែសម្រុកជីកមាសនៅក្នុងដែនជម្រកព្រៃឡង់.ក៏កំពុងរីករាលដុះដូចផ្សិតផងដែរ ។
ឬមួយក៏ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន មិនហ៊ានបង្ក្រាប ឬមានវិធានការទៅលើនាយកដែនជម្រកគ្រប់គ្រងព្រៃឡង់បើទោះបីមានរឿងអាស្រូវឬកងកម្លាំងថ្នាក់ជាតិចុះមកបង្ក្រាបនៅក្នុងដែនគ្រប់គ្រងរបស់លោក សាំង សាខន ឃើញជាក់ស្ដែងយ៉ាងណាក៏ដោយ នៅតែក្រសួងបរិស្ថានពុំមានវិធានការដកមន្ត្រីរូបនេះចេញទាល់តែសោះ ។
ខេត្តក្រចេះជាក់ស្ដែងថ្ងៃទី 6 ខែតុលា ឆ្នាំ 2023 ចំណុចទីតាំងក្រុមឈ្មួញដឹកឈើ
ចំណុចទី លេខនិយាមការ.1 48p WV84155210
ចំណុចទី 2 លេខនិយាមការ.48pWV994026945
និងទីតាំងបូមមាសមានលេខយាមកាម 48p.WV7821127653 ..
ក្រុមការងារអ្នកសារព័ត៌មានអង្គភាពយើងខ្ញុំបានចុះទៅដល់ចំណុចភូមិសោម.ដេប៉ូ ជាភូមិឧបសម្ព័ន្ធភូមិយាវនៅក្នុងកណ្ដាលដែនជម្រកព្រៃឡង់ ជាព្រៃអនុក្រឹត្យមួយនៅក្នុងប្រទេសកម្ពុជា នៅពេលនោះបានឃើញពិតប្រាកដជាក់ស្ដែង មានការដឹកជញ្ជូនអនុផលបទល្មើសព្រៃឈើចេញពីព្រៃដែនជម្រកព្រៃឡង់កំពតគយនិងក្រុមឈ្មួញបូមមាសយ៉ាងអនាធិបតេយ្យរាប់សិទ្ធិម៉ាស៊ីនពុំមានសំណាក់សមត្ថកិច្ចចុះទៅធ្វើការបង្ក្រាបនោះគឺនៅក្នុងដែនជម្រកព្រៃឡង់ក្រោមការគ្រប់គ្រងរបស់លោកសាំងសាខនត្រូវជានាយកដែនជម្រកព្រៃឡង់ហើយត្រូវជាប្រធានស្នាក់ការកំពតគយតែម្ដង។
គឺក្រុមឈ្មួញកំពុងតែមានភាពសំបូរសប្បាយការកាប់បំផ្លាញនិងដឹកជញ្ជូនអនុផលបទល្មើសព្រៃឈើនិងជីកបូមមាស.យ៉ាងអនាធិបតេយ្យ.ដែលចំណុចប្រជាពលរដ្ឋនិងក្រុមឈ្មួញកំពុងតែបូមមាសនោះ..គេហៅទួលតាប៉ុក.ក្បែរជាប់និងភូមិសោម.ដេប៉ូត្រូវជាភូមិឧបសម្ព័ន្ធភូមិយាវ
ឯចំណែកមួយចំណុចទៀត គេហៅវាលបែកចាននិងមួយចំណុចទៀត គេហៅចុងអូយកន្លែងបីចំណុច..នេះតាមការលើកឡើងពីប្រជាពលរដ្ឋដែលកំពុងបូមមាសនោះគាត់ថាក្នុងមួយកន្លែងមិនតិចពី 20 ទៅ 30 ម៉ាស៊ីនបូមមាសនោះទេបើគិតថាទាំងបីកន្លែងនេះជិត 100 ម៉ាស៊ីនចំណែកក្រុមអ្នកបូមាសទាំងបីចំណុចដូចខាងលើនេះគាត់បានបញ្ជាក់ឲ្យក្រុមការងារអ្នកសារព័ត៌មានអង្គភាពយើងខ្ញុំបានដឹងថាមុននឹងគាត់ចូលមកដាក់ម៉ាស៊ីនបូមមាស.គាត់តម្រូវការបង់លុយទៅឲ្យលោកសាំសាខនប្រធានស្នាក់ការកំពតគយក្នុងម៉ាស៊ីនមួយគ្រឿង 60 ម៉ឺនរៀលគ្រប់គ្នាតែម្ដងតាមរយៈលោករិទ្ធិជាមេភូមិសោមដេប៉ូដែលជាភូមិឧបសម្ព័ន្ធភូមិយាវដែរទទួលលុយទៅឲ្យបរិស្ថានបើក្រុមម៉ាស៊ីនបូមមាសទាំងអស់មិនបានបង់លុយទៅឱ្យបរិស្ថានដែលជាប្រធានស្នាក់ការកំពតគយលោកសាំងសាខននោះតែងតែលោករិទ្ធជាមេភូមិសោមដេប៉ូត្រូវជាភូមិឧបសម្ព័ន្ធភូមិយាវកំពង់ចាមស្រុកសំបូររូបនេះតែងតែទៅគម្រាមប្រជាពលរដ្ឋថាបើមិនឲ្យលុយទៅគេយកទៅឲ្យបរិស្ថាននោះទេប្រាកដជាបរិស្ថានមកដុតម៉ាស៊ីនបូមមាសនោះចោលភ្លាមៗតែម្ដងនេះតាមការអាងពីប្រជាពលរដ្ឋសូមស្ដាប់សំឡេងប្រជាពលរដ្ឋ ។
ឯចំណែក លោក រិទ្ធ ជាមេសោមដេប៉ូ ដែលជាឧបសម្ព័ន្ធភូមិយាវ ក្រុមការងារយើងខ្ញុំព្យាយាមចុចទូរសព្ទទៅលោកពុំចូលទាល់តែសោះលេខទូរស័ព្ទមេភូមិសោមដេប៉ូ090408659 ចំណែកប្រធាននាយកដែនជម្រកស្នាក់ការកំពតគយ លោក សាំង សាខន ក្រុមការងារសុំធ្វើការសម្ភាសន៍តាមទូរសព្ទដៃនៅព្រឹកថ្ងៃទី 7 ខែ តុលាឆ្នាំ 2023 គាត់បានលើកឡើងថា គាត់ពុំបានចាត់ឱ្យភូមិសោមដេប៉ូឈ្មោះលោករិទ្ធិនេះទៅជម្រិតទារលុយឬយកលុយពីប្រជាពលរដ្ឋដែលកំពុងបូមមាសនោះទេ ព្រោះរឿងនេះជារឿងមិនពិត ព្រោះកន្លងមកលោក សាំង សាខន តែងតែចាត់កម្លាំងក្រោមឱវាទរបស់ខ្លួនទៅធ្វើការណែនាំប្រជាពលរដ្ឋមិនឲ្យបូមមាសកុំឲ្យប៉ះពាល់ទៅដល់សម្បត្តិធនធានធម្មជាតិនិងមួយចំនួនទៀតលោកសាំងសាខឲ្យធ្វើកិច្ចសន្យាតែម្ដង។
នេះសម្រាប់ប្រធានស្នាក់ការកំពតគយបានធ្វើការបកស្រាយតាមរយៈទូរសព្ទជាមួយក្រុមអ្នកសារព័ត៌មានយើងខ្ញុំអំពីកម្មភាពបូមមាស។
តែបើយើងងាក់ទៅមើលពីសកម្មភាពបទល្មើសព្រៃឈើការកាប់បំផ្លាញនិងដឹកជញ្ជូនរៀងរាល់ថ្ងៃតាមរយៈម៉ូតូនិង គោយន្តកន្ត្រៃដែលចេញពីចំណុចទំពាំងទាចំណុចភូមិសោមដេប៉ូនិងចំណុចជាប់សៀរក្បែរស្នាក់ការកំពតគយក្រោមការគ្រប់គ្រងរបស់លោកសាំងសាខននិងមន្ត្រីក្រោមឱវាទរបស់លោកវិញដែលកំពុងចុះប្រតិបត្តិការបង្ក្រាបបទល្មើសព្រៃឈើនោះផ្ទុយទៅវិញការដឹកជញ្ជូនអានុផលបទល្មើសព្រៃឈើនិងការបូមមាសខុសច្បាប់យ៉ាងអាណាធិបតេយ្យទាំងបីចំណុចដូចខាងលើនេះនៅតែបន្តកើតមាន។
ចំណែកបើក្រុមអ្នកសារព័ត៌មានចុះទៅយកព័ត៌មាននៅក្នុងដែនក្រោមការគ្រប់គ្រងរបស់លោកសាំសាខនប្រធានស្នាក់ការកំពតគយត្រូវតែចូលជម្រាបទៅបរិស្ថានជាមុនសិនបានអាចចូលបានបើអ្នកសាព័ត៌មានណាចូលទៅនៅក្នុងព្រៃដែនក្រោមការគ្រប់គ្រងរបស់ព្រៃឡង់នោះដោយមិនបានប្រាប់មុនពិសេសជាងគេចូលទៅដែនជម្រកក្រោមការគ្រប់គ្រងរបស់លោកសាំងសាខនប្រាកដជាលោកប្រើកូនចៅមិនក្រោមពីជិត 10 នាក់នោះទេ ឲ្យទៅហៅអ្នកសារព័ត៌មានចូលមកជួបគេភ្លាមៗតែម្ដង៕
