នៅព្រឹកថ្ងៃទី៣ខែតុលាឆ្នាំ២០២៣ កម្លាំងកងរាជអាវុធហត្ថ៧០១០ឈរជើងនៅផ្លូវជាតិលេខ៧ក្នុងស្រុកអូរគ្រៀងសែនជ័យខេត្តក្រចេះដឹកនាំដោយឈ្មោះ សម្បត្តិ បានសហការជាមួយ លោក ជុំ វិសាល មន្ត្រីបរិស្ថាន ប្រចាំការនៅ ភូមិ ខ្សាច់លាវ ឃុំអូរគ្រៀងសែនជ័យ ស្រុកអូរគ្រៀងសែនជ័យខេត្តក្រចេះនិងបងប្អូនក្រុមអ្នកសារពត៌មាន បានធ្វើការចាប់បង្ក្រាបទូកដឹកជញ្ជូនផលអនុផលព្រៃឈើបានចំនួន២ទូក។
តាមប្រភពពត៌មានពីប្រជាពលរដ្ឋបានឲ្យដឹងថា ឈើនេះជាឈរបស់ឈ្មោះ បុល នៅភូមិ តាងួន ឃុំវឍ្ឍនះ និងឈ្មោះភីនៅភូមិវឍ្ឍនះឃុំវឍ្ឍនះស្រុកសំបូរខេត្តក្រចេះ ដែលបានទិញពីបងប្អូនប្រជាពលរដ្ឋនៅក្នុងទឹកដីខេត្តស្ទឹងត្រែង ហើយបានដឹកជញ្ជូនពីព្រៃយកមកដាក់គរទុកនៅតាមមាត់ទន្លេរមេគង្គ ត្រង់ចំណុចអូរច្រឡង់ ដើម្បីដឹកតាមទូកទៅលក់បន្តឲ្យឈ្មួញដឹកឡានដាំយ៉ាង គេមកចាំទទួលទិញនៅចំណុចឃុំវឍ្ឍនះ។ប៉ុន្តែត្រូវបានភ្នាក់ងារដារពត៌មាន ដែលគេស្គាល់ថាឈ្មោះដំបើកទូកតាមដងទន្លេរប្រទះឃើញគំនរឈើទាំងនោះ ក៍បានរាយការណ៍ជូនសមត្ថកិច្ច ដើម្បីមានចាត់រឹបអូសយកមករក្សារទុកក្នុងទីស្នាក់ការដែលបរិស្ថានឃុំអូរគ្រៀងសែនជ័យតែម្តងទៅ។-តាមប្រភពពត៌មានពីមន្ត្រីសមត្ថកិច្ចដែលបានចុះរឹបអូសឈើទាំងនោះបានឲ្យដឹងថា ឈើដែលបានរឹបអូសពេលនេះមានចំនួនប្រហែល៩ម៉ែត្រគូប ក្នុងនោះក្តាប្រភេទឈើក្រកោះប្រវែង៩ម៉ែត្រចំនួន៩ម៉ែត្រគូបនិងឈើប្រភេទគ្រឿងស្រឡៅចំនួនប្រហែល៤ម៉ែត្រគូប ដែលជាឈើរបស់មេឈ្មួញរកសុីដុះស្លែយូមកហើយ នៅក្នុងទឹកដីនៃឃុំវឍ្ឍនះ ឈ្មោះ ភីនិងឈ្មោះ បុល។
យោងតាប្រភពពីក្រុមឈ្មួញរកស៊ីឈើមួយចំនួនក្នុងទឹកដីខេត្តក្រចេះបានលួចបង្ហើបប្រាប់អ្នកយកព័ត៌មានយើងថា ការចាប់ឈើរបស់លោកភីនិងលោកបុលនៅកោះខ្ញែរកាលពីម្សិលមុិញ គឺជារឿងពាលសុីពាលតែប៉ុណ្ណុះ ព្រោះពេលនេះនៅក្នុងទឹកដីខេត្តក្រចេះទាំងមូលឲ្យតែអ្នកសារពត៌មានណាដែលចេះសហការជាមួយសមត្ថកិច្ចត្រូវគឺងាយស្រួលធ្វើការណាស់ ឲ្យតែឈ្មួញណាគេមិនពេញចិត្ត កុំថាឡើយបទល្មើសជាក់ស្តែងសូម្បីតែឈើគរទុកក្រោមផ្ទះក៍ទៅចាប់យកមកដែរ ។ហើយស្ងាត់ៗគេលួយលក់ឲ្យឈ្មួញដែលរកសុីជាមួយពួកគេ(ក្រុមអ្នកសារព័ត៌មានដែលត្រូវរ៉ូវជាមួយសមត្ថកិច្ច)។ជាក់ស្តែងដូចជាករណីចសប់ឈើរបស់ឈ្មោះ ចំរើននៅភូមិតាងួនឃុំវឍ្ឍនះកន្លងទៅយ៉ាងអញ្ចឹង ពេលចាប់ដឹកយកទៅរក្សារទុកនៅដែនបរិស្ថានខ្ដាច់លាវ ដល់ពេលស្ងាត់ឲ្យឈ្មួញចូលដឹកយកទៅលក់អស់ សួថាតើរឿងនេះ បើមិនមានការត្រូវរ៉ូវគ្នាពីសំពាក់មន្ត្រីកងរាជអាវុធហត្ថនិងមន្ត្រីបរិស្ថានក៍ដូចជាអ្នកសារពត៌មានដែលជាគ្នាវាទេ ស្មានតែចូលដេកបានដែរឬអី?អញ្ចឹងហើយបានជាករណីចាប់ឈើរបស់ឈ្មោះភីនិងឈ្មោះនិលកាលពីម្សិលមិញ គេសង្ស័យថាអាចជាករណីដូចកាលចាប់ឈើលោកចំរើនដែរ!។
ជុំវិញ ពត៌មានខាងលើ អ្នកយកព័ត៌មានយើងមិនអាចសុំការបកស្រាយពីលោកសម្បត្តិមន្ត្រីស្នាក់ការសន្តិសុខ7010បានទេ។ចំណែកឯលោកជុំវិសាលមន្ត្រីបរុស្ថានប្រចាំឃុំអូរគ្តៀងសែនជ័យក៍មិនអាចទំនាក់ទំនងសុំការបកស្រាយវានដែរថោយមិនមានលេចទូរស័ព្វ ។
ដោយឡែក លោកដំនិងលោកសុខដែលជាអ្នកសារពត៌មាន ហើយត្រូវបានបណ្តាឈ្មួញឈើលើកមកនិយាយចោទប្រកាន់ថា មានការពាក់ព័ន្ធឃុបឃិតជាមួយមន្ត្រីជំនាញចាប់យកឈើរបស់គេយកទៅលក់ឲ្យឈ្មួញដែលជាដៃជើងរបស់ខ្លួន អ្នកយកព័ត៌មានយើងមិចសុំការបកស្រាយបានទេ ដោយមិនស្គាល់លេខទូរស័ព្វ។
អង្គភាពសារពត៌មានយើងរងចាំទទួលនូវរសល់ការបកស្រាយពន្យល់អំពីបងប្អូនអ្នកពាក់ព័ន្ធទសំងអស់រៀងរាល់ម៉ោងធ្វើការ ៕