ភ្នំពេញ ៖ សម្តេចតេជោ ហ៊ុន សែន : លោកជំទាវ ឃួន សុដារី នឹងក្លាយទៅជាប្រធានរដ្ឋសភា , ឯកឧត្តម ជាម យៀប អនុប្រធានទី១ , ឯកឧត្តម វង សូត នឹងក្លាយជាអនុប្រធានទី២។តាមរយៈសារសម្លេងនាយប់ថ្ងៃទី៩ ខែសីហា សម្តេចតេជោ ហ៊ុន សែន បានបញ្ជាក់ថា “បេក្ខជនសម្រាប់តំណែងប្រធានរដ្ឋសភា ត្រូវបានរៀបចំតាំងពីចុងឆ្នាំ២០២១ មកម្ល៉េះ។
លោកជំទាវ ឃួន សុដារី ដែលបច្ចុប្បន្នជាអនុប្រធានទី២ នៃរដ្ឋសភា នឹងក្លាយទៅជាប្រធានរដ្ឋសភានាពេលខាងមុខដែលជាការអនុវត្តលើកកម្ពស់តួនាទីរបស់ស្ត្រី។ ឯកឧត្តម ជាម យៀប អនុប្រធានទី១ នៅតែជាអនុប្រធានទី១ ដដែល និងឯកឧត្តម វង សូត ដែលបច្ចុប្បន្នជារដ្ឋមន្ត្រីក្រសួងសង្គមកិច្ច នឹងក្លាយជាអនុប្រធានទី២ នៃរដ្ឋសភា”។ សម្តេចតេជោ ហ៊ុន សែន បានមានប្រសាសន៍បញ្ជាក់ថា ប្រធានព្រឹទ្ធសភា(ឯកឧត្តមសាយឈុំ។
អនុប្រធានព្រឹទ្ធសភាទី១ឯកឧត្តមស៊ីមកា(សាមាជិកអចិន្ត្រៃយ៍បក្ស) ប្រធានគណៈកម្មការកិច្ចការបរទេសជំទាវីទីបូរាស៊ី និងបន្តបន្ទាប់ដែលមានអាយុចាស់ និងសុខភាព មិនល្អក៏នឹងត្រូវសុំចាកចេញដោយមិននៅឈរឈ្មោះទៀតដែរ។ ឯកឧត្តម ឌិត មន្ទីរ ប្រធានតុលាការកំពូលក៏បានដាក់ពាក្យលាឈប់ពីការងារព្រោះតែវ័យច្រើនផងដែរ។តែសម្តេចមិនបង្ហើបថាអ្នកណាជំនួសលោកឌឹតមន្ទីដែលជាឪពុកលោកឌិតទីណារដ្ឋមន្ត្រីក្រសួងកសិកម្មនោះទេ។ដោយឡែកសមាសភាពគណរដ្ឋមន្ត្រីថ្មីថ្មីរបស់លោកបណ្ឌិតហ៊ុនម៉ាណែតវិញនឹងបើកគ្របជាផ្លូវការឲ្យដឹងក្នុងពិធីជួបសំណេះសំណាលរវាងសម្តេចនិងមន្ត្រីជាន់ខ្ពស់ចាស់ថ្មីនាព្រឹកថ្ងៃទី៩សីហានៅវិមាន៧មករាទីស្នាក់ការគណបក្សប្រជាជនផងដែរ។នេះបើតាមសារសម្លេង៕
