កំពង់ឆ្នាំង៖កាលពីថ្ងៃទី 1និងទី 2 ខែសីហា ឆ្នាំ 2023 ក្រុមការងារជំនាញមន្ទីរកសិកម្ម ខេត្តកំពង់ឆ្នាំង រួមមានមន្ត្រីជំនាញជលផលដឹកនាំដោយលោកអនុប្រធានមន្ទីរម្នាក់ចុះទៅចុច gps ស្រាវជ្រាវ រកឃើញដីដែលប៉ះពាល់នៅចំណុច 4 កន្លែង គឺចំណុចខ្លាខាំគោ ចំណុចគំរាក ក្នុងឃុំច្រណូក និងចំណុចបាយឆៅ ចំណុចតាកឹង ក្នុងឃុំផ្លូវទូក មានដីដែលត្រូវឈូសឆាយហើយប៉ះពាល់ដីព្រៃលិចទឹកដែលជាតំបន់ហាមឃាត់រហូតដល់ទៅ144 ហិចតា។
ប្រភពព័ត៌មានពីក្រុមមន្ត្រីជំនាញដែលចុះទៅស្រាវជ្រាវ រកដីដែលប៉ះពាល់នោះ បានបង្ហើបឲ្យដឹងថា
អ្នកដែលប្រព្រឹត្តយកគ្រឿងចក្រត្រាក់ទ័រ ចូលឈូសឆាយដីព្រេងលិចទឹកទាំងពីរឃុំគឺឃុំច្រណូក និងឃុំផ្លូវទូកនោះគេបានកំណត់មុខសញ្ញានិងស្គាល់ឈ្មោះនិងតួនាទីរួចអស់ហើយ រង់ចាំតែធ្វើរបាយការណ៍ជូនថ្នាក់លើនិងបញ្ជូនសំណុំរឿងទៅតុលាការដើម្បីកោះហៅយកទៅធ្វើការឆ្លើយបំភ្លឺនៅមុខច្បាប់តែប៉ុណ្ណោះ។
ដូចនេះអ្នកដែលដឹងខ្លួននិងមានខ្លួនគួរពិចារណាល្មមចូលខ្លួនដោះស្រាយ។
សារព័ត៌មានយើងនឹងវែកមុខសញ្ញាអ្នកពាក់ព័ន្ធក្នុងការឈូសឆាយដីព្រេងលិចទឹកដែលជាតំបន់ហាមឃាត់ទាំងមេការធំៗផងដែរ។