ភ្នំពេញ៖ លោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញបានបន្ទោសទឹកជន់លិចរាជធានីភ្នំពេញកាលពីយប់ថ្ងៃទី៣កក្កដាថាមកពីភ្លៀងខ្លាំងពេកវាចឹងហើយ។លោកសាំពិសិដ្ឋប្រាប់ថា ៖កាលពីព្រលប់និងយប់ថ្ងៃទី០៣ខែកក្កដា ម្សិលម៉ិញភ្លៀងបានបង្អុលឡើងយ៉ាងខ្លាំង ដែលជាកម្ពស់ទឹកភ្លៀងខ្ពស់ខ្លាំងមិនធ្លាប់មាន ក្នុងរយៈពេល៣ឆ្នាំចុងក្រោយនេះ ដោយកំពស់ទឹកមានរហូតដល់១៥៣មីលីម៉ែត្រ(វាស់នៅស្ថានីយ៍បឹងត្របែក) ដែលបានធ្វើឲ្យតំបន់មួយចំនួនក្នុងរាជធានីភ្នំពេញ បានទទួលរងការលិចលង់?។
បន្ទាប់ពីការលិចលង់ទឹកភ្លៀងបង្កការខូចខាតផលប្រយោជន៍ប្រជាពលរដ្ឋលកអភិបាលក្រុងឃួងស្រេងនៅព្រឹកថ្ងៃទី៤ក្កដាបានដឹកនាំកម្លាំងចុះលាងផ្លូវដោយខ្លួនឯង។បន្ទាប់មកនៅព្រឹកថ្ងៃទី០៦ កក្កដា ឆ្នាំ២០២៣នេះ អាជ្ញាធរខណ្ឌមានជ័យ បានសហការជាមួយ ក្រុមការងារនៃមន្ទីរសាធារណការនិងដឹកជញ្ជូនរាជធានីភ្នំពេញ ធ្វើការស្តារ និងបូមលូនៅតាមដងផ្លូវជាច្រើនខ្សែនៅក្នុងភូមិសាស្ត្រ សង្កាត់បឹងទំពុនទី១ ខណ្ឌមានជ័យ ដើម្បីកាត់បន្ថយអោយបាន នូវភាពលិចលង់លំនៅដ្ឋានប្រជាពលរដ្ឋដោយជំនន់ទឹកភ្លៀងថែមទៀត ។
លោក សៅ សារុំ សមាជិកក្រុមប្រឹក្សាសង្កាត់បឹងទំពុនទី១និងលោកទឹម ម៉ន មេភូមិសន្សំកុសលទី៤ សង្កាត់បឹងទំពុនទី១ ខណ្ឌ មានជ័យ បានអោយដឹង ថា៖ ប្រព័ន្ធលូ នៅតាមបណ្តោយផ្លូវបេតុងលេខ ៣១BT, ១២BT, ១៦BTក្នុងភូមិសាស្ត្រ សង្កាត់បឹងទំពុនទី១ ខណ្ឌមានជ័យ ទឹកមិនអាចហូរនោះទេ ពោលគឺនៅពេលភ្លៀងម្តងៗ តែងតែលិចលង់។ ជាក់ស្តែងនាប៉ន្មានថ្ងៃកន្លងមកនេះ ភ្លៀងបានបង្អុលឡើងយ៉ាងខ្លាំងបណ្តាលអោយតំបន់បឹងទំពុននេះទទួលរងការលិចលង់យ៉ាងខ្លាំង ។ តែដោយមានការណែនាំពីលោក ឃួង ស្រេង អភិបាលរាជធានីភ្នំពេញ រដ្ឋបាលខណ្ឌមានជ័យ សហការជាមួយមន្ទីរសាធារណការនិងដឹកជញ្ជូនរាជធានីភ្នំពេញ ធ្វើសកម្មភាពបូមទឹកចេញភ្លាមៗ រហូតស្រកអស់ពីក្នុងមូលដ្ឋាន ។
ដោយឡែកសម្រាប់ប្រព័ន្ធលូ នៅតាមបណ្តោយផ្លូវបេតុងលេខ៣១BT, ១២BT, ១៦BTក្នុងភូមិសាស្ត្រ សង្កាត់បឹងទំពុនទី១នេះ បើទោះបីទឹកហូរអស់ពីផ្លូវនិងពីក្នុងផ្ទះក្តី ក៏បណ្តាញលូខាងលើនៅស្ទះដែរ។ រដ្ឋបាលខណ្ឌមានជ័យ អនុវត្ត បានធ្វើសហការជាមួយមន្ទីរសាធារណការនិងដឹកជញ្ជូនរាជធានីភ្នំពេញ ស្តារនិងបូមលូនៅតាមដងផ្លូវជាច្រើនខ្សែនិងក្នុងភូមិសាស្ត្រ សង្កាត់បឹងទំពុនទី១និងទី២ តែម្តង។
សូមបញ្ជាក់ថា៖ អាជ្ញាធរខណ្ឌមានជ័យ បានសហការជាមួយ ក្រុមការងារនៃមន្ទីរសាធារណការនិងដឹកជញ្ជូនរាជធានីភ្នំពេញ ធ្វើការស្តារនិងបូមលូនៅតាមដងផ្លូវ ក្នុងភូមិសាស្ត្រ សង្កាត់បឹងទំពុនទី១ និងសង្កាត់បឹងទំពុនទី២ ខណ្ឌមានជ័យនេះ ចំនួន២ថ្ងៃមកហើយ ដោយប្រើប្រាស់រថយន្តបូមលូ ៣គ្រឿង ជាមួយនិងការបុកស្តារ ដោយកម្លាំងដៃផងដែរ ។ដោយឡែកព្រឹកថ្ងៃទី០៦ ខែកក្កដា ឆ្នាំ២០២៣ ក្រុមការងារខណ្ឌសែនសុខ បានសហការណ៍ជាមួយ ក្រុមហ៊ុន ៨០០ super gaea បានដាក់កំលាំងបោសសំអាតរើសសំរាមលើចិញ្ចើមផ្លូវ និងឡានលាងបាញ់ទឹកបោសសំអាតដី នៅផ្លូវ១០១៩ចាប់ពីចណុចស្ពានអាកាសផ្សារដីហុយរហូតដល់ស្តុបឱកាសខ្ញុំ និងតាមវិថី ឌី ប៉ុកផងដែរ ។ប៉ុន្តែប្រជាពលរដ្ឋនិយាយថាធើប៉ុណ្ណឹងល្អហើយតែមិនគ្រប់គ្រាន់ទេគួរចុះមើលតាមបណ្តាញគម្របលូបង្ហូទឹកចូលតាមផ្លូវដែលកន្លែងខ្លះស្ទើចិនរន្ធទៅហើយ។បើអាចគួរពង្រីកវាឲ្យបានធំដើម្បីទឹកហូរបានច្រើននិងលឿនព្រោះប្រពន្ធ័លូបានកែសម្រួលសច្រើនដែរហើយ៕
