មណ្ឌលគិរី ៖ មន្ត្រីអង្គការក្រៅរដ្ឋាភិបាលដែលឃ្លាំមើលបទល្មើសព្រៃឈើ ក្នុងខេត្តមណ្ឌលគីរី បានបញ្ជាក់ឲ្យដឹងថា ឈ្មួញឈើចាស់វស្សាឈ្មោះ រ័ត្ន គ្រៀងគរប្រជាពលរដ្ឋ ឲ្យចូលកាប់ឈើប្រណិតដឹកជញ្ជូន ចេញពីព្រៃបរិស្ថានចំណុច ភូមិអូរច្រា ឃុំស្រែព្រះ ខេត្តមណ្ឌលគិរី យ៉ាងពេញបន្ទុក ទាំងយប់ទាំងថ្ងៃ សមត្ថកិច្ចពាក់ព័ន្ធរក្សាភាពស្ងៀមស្ងាត់។
កាលពីថ្ងៃទី២៩ ខែមិថុនា ឆ្នាំ២០២៣ប្រជាពលរដ្ឋបាន ប្រទះឃើញគំនរឈើរបស់ឈ្មោះ រ័ត្ននិង កំពុងសម្រុកដឹកតាមរយៈគោយន្តកែឆ្នៃប្រមាណ០៣គ្រឿង ទៅ០៤គ្រឿង យកឈើមកស្តុកទុកមួយកន្លែង ។ ប្រជាពលរដ្ឋនិយាយថាឈ្មោះ រ័ត្ន ដឹកជញ្ជូនបន្តចេញពីចំណុច ភូមអូរច្រា ឃុំស្រែព្រះ ឆ្ពោះទៅលក់នៅស្រុកយួន តាមច្រករបៀង ងាំ 006 ដោយរលូន។
ប្រជាសហគមន៍ បានលេីកឡើងថា ឈើទាំងនេះជាប្រភេទឈើស្រឡៅ មុខកាត់ចាប់ពី៤០ឃ្លុំ រហូតដល់៧០ឃ្លុំ ប្រវែង ៣ម៉ែត្រ២តឹក ដឹកជញ្ជូនតាមរយៈរថយន្តធុនត្រា យកទៅលក់នៅស្រុកយួន គ្មានមន្ត្រីជំនាញសមត្ថកិច្ចពាក់ព័ន្ធ តាមដងផ្លូវចាត់វិធានការបង្ក្រាប ។
មេប៉េអឹមស្រុកកែវសីមា និងលោក អធិការដ្ឋាននគរបាលស្រុកកែវសីមាមិនត្រូវបានឈ្មួញឈើឈ្មោះរត្ន័ខ្លាចរអាឡើយ ៕
