ពោធិសាត់ ៖ សមត្ថកិច្ចចម្រុះថ្នាក់ជាតិរបួចបានភស្តុតាងបទល្មើសនេសាទជាក់ស្ដែងសង្ស័យថាលោកលឹមសុក្រិតនាយសង្កាត់រដ្ឋបាលជលផលបាកាននិងលោកជិនចាន់ថននាយផ្នែកបាកានមានការជាប់ពាក់ព័ន្ធបើកភ្លើងខៀវ។ព្រោះថាប្រព្រឹត្តបទល្មើសអូសអួននៅក្នុងឡូត៍អភិរក្ស ត្រូវបានកម្លាំងចម្រុះថ្នាក់ជាតិក្របួចបានកាលពីវេលាម៉ោង៥និង៣០នាទីល្ងាចនាទីថ្ងៃទី០៣ ខែកក្កដាឆ្នាំ២០២៣។
កម្លាំងចម្រុះ ដឹកនាំដោយលោកច្រឹងតាំងលីនាយរងអធិការដ្ឋានរដ្ឋបាលជលផលខាងត្បូងបឹងទន្លេសាបសហការនិងកម្លាំងកងរាជអាវុធហត្ថប៉ូលីសនិងកម្លាំងមន្ត្រីជំនាញខេត្តពោធិ៍សាត់ បានឆ្មក់ចូលចាប់រឹបអូសយកឧបករណ៍បទល្មើសនេសាទ ( អួនពីរវង់របស់ជនជាតិយួនក្នុងរដូវបិទនេសាទប្រើប្រាស់កម្លាំងម៉ាស៊ីនខ្នាតយក្យ ) ដែលបានធ្វើសកម្មភាពល្មើសនៅចំណុចឡូតិ៍លេខ១ស្ថិតក្នុង ភូមិព្រែកក្រ ឃុំមេទឹក ស្រុកបាកានក្នុងទឹកដីខេត្តពោធិ៍សាត់។ប្រតិបត្តិការណ៌នេះធ្វើឡើង នៅចំណុចឡូតិ៍លេខ១ស្ថិតក្នុងភូមិព្រែកក្រ ឃុំមេទឹក ស្រុកបាកាន ខេត្តពោធិ៍សាត់ ។
លោក ច្រឹងតាំងលីនាយរងអធិការដ្ឋានរដ្ឋបាលជលផលខាងត្បូងបឹងទន្លេសាប ឲ្យដឹងថា ក្នុងប្រតិបត្តិការនេះកម្លាំងកងរាជអាវុធហត្ថផ្ទៃប្រទេសនិងកម្លាំងប៉ូលីសអគ្គស្នងការនគរបាលជាតិ និងក្រុមមន្ត្រីជំនាញបានចាប់ជនប្រព្រឹត្តបទល្មើសដែលជាជនសង្ស័យជនជាតិយួន១២នាក់និងវត្ថុតាងប្រគល់អោយជំនាញសង្កាត់រដ្ឋបាលជលផលបាកានខេត្តពោធិ៍សាត់ដើម្បីបន្តនិតិវិធី។ចំពោះវិធានការបន្ត គឺលោកនឹងដឹកនាំកម្លាំងរបស់លោកចុះធ្វើការបង្ក្រាបគ្រប់ទីកន្លែងដែលមានបទល្មើសកើតមានបទល្មើសនេសាទកើតឡើង។
ប្រភពពីសមត្ថកិច្ចមួយចំនួនបានអោយដឹងថា ប្រតិបត្តិការណ៍នេះ បានធ្វើឡើងក្នុងពេលដែលជនល្មើសជនជាតិយួន កំពុងធ្វើសកម្មភាពនៅចំណុចឡូតិ៍លេខ១ស្ថិតក្នុងភូមិព្រែកក្រ ឃុំមេទឹក ស្រុកបាកានតែម្តង។
ម្ចាស់អួនទាំងនោះបាននិយាយថា ពួកគេចំណាយលុយអស់យ៉ាងច្រើនក្នុងមួយវង់ៗដើម្បីរត់ការអោយទៅនាយសង្កាត់និងផ្នែកបាកាន ។ប្រជាពលរដ្ឋនៅក្នុងខេត្តពោធិ៍សាត់ បានដាក់ការសង្ស័យទៅលើនាយសង្កាត់ ហេតុអ្វីបានជាបណ្ដោយអោយជនសង្ស័យទាំង១២នាក់រត់គេចខ្លួនបានដោយសុវត្ថភាព ទាំងដែលជនសង្ស័យត្រូវបាន កម្លាំងចម្រុះចាប់យកមកប្រគល់ឱ្យស្នាក់ការសង្កាត់ដើម្បីកសាងសំណុំរឿង។
ប្រជាពលរដ្ឋសំដែងនូវការសាទរ ចំពោះប្រតិបត្តិការបង្ក្រាបបទល្មើសនេសាទនិងសុំអោយសមត្ថកិច្ចនិងមន្ត្រីជំនាញព្រមទាំងមន្ត្រីអាជ្ញាធរ មេត្តាធ្វើជាប្រចាំ ជាប់រហូតកុំអោយធ្វើរបៀបគោះទឹកបង្អើលត្រី ។
ពាក់ពន្ធ័និងបញ្ហានេះសារព័ត៌មានយើងមិនអាចសុំការបំភ្លឺពីលោកភុំវិមលនាយខ័ណ្ឌរដ្ឋបាលជលផលខេត្តពោធិ៍សាត់បាននៅឡើយទេនៅវេលាម៉ោង២.០៥នាទីថ្ងៃទី០៥ខែ០៦ឆ្នាំ២០២៣នេះ។
អង្គភាពសារព័ត៌មានរង់ចាំការបំភ្លឺនិងការបកស្រាយរៀងរាល់ម៉ោងធ្វើការក្នុងពេលសមត្ថកិច្ចជលផលទំនាក់ទំនងមកអង្គភាពយើងខ្ញុំ។