ខេត្តបន្ទាយមានជ័យ ៖ នៅវេលាម៉ោង៨យប់ ថ្ងៃទី១ ខែកញ្ញា ឆ្នាំ២០១៦ កម្លាំងអាវុធហត្ថក្រុងប៉ោយប៉ែត ចំនួន៥នាក់ដឹកនាំដោយលោកវរៈសេនីយ៍ត្រី ជា ដា មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានចុះល្បាតក្នុងភូមិសាស្ត្រក្រុងប៉ោយប៉ែត ដើម្បីការពារសុវត្តិភាពជូនប្រជាពលរដ្ឋ បានធ្វើការឃាត់ខ្លួនជនសង្ស័យចំនួន១ម្នាក់និងដកហូតវត្ថុតាងរួមមានគឿងញៀនប្រភេទ ម៉ាទឹកកកក្នុងហោប៉ៅពីជនសង្ស័យចំនួន២ថង់តូច ហីេយក៏បានកម្លាំងអាវុធហត្ថធ្វីេការសាកសួរពីជនសង្ស័យភ្លាមៗ ដោយមានការចង្អុលបង្ហាញពីជនសង្ស័យ កម្លាំងអាវុធហត្ថឈានទៅដល់ឃាត់ខ្លួនជនសង្ស័យបាន១ម្នាក់ទៀត ជាអ្នកលក់គឿងញៀន។
ជនសង្ស័យទាំង២នាក់នេះក្រោយពីរអាវុធហត្ថធ្វើឃាត់ខ្លួនរួចហើយ ក៏បានបញ្ជូនមកបញ្ជាការដ្ឋានកងរាជអាវុធហត្ថខេត្ត ដើម្បីធ្វើការសាកសួរបន្ត។
លោកវរៈសេនីយ៍ឯក ស ប៊ុនសឿង មេបញ្ជាការរង កងរាជអាវុធហត្ថខេត្តបន្ទាយមានជ័យ ទទួលលើការងាបទល្មើសគឿងញៀន បានឲ្យដឹងថា ជនសង្ស័យទាំង២នាក់នោះទី១/ឈ្មោះ ងិះ ហ៊ីង ភេទប្រុស អាយុ២៣ឆ្នាំ ទី២/ឈ្មោះ រិទ្ធ រុស្សី ភេទប្រុស អាយុ៣០ឆ្នាំ ជនសង្ស័យទាំង២នាក់ រស់នៅបណ្តោះអាសន្ន ម្តុំមាត់អូរព្រំដែន ក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
លោកវរៈសេនីយ៍ឯក ស ប៊ុនសឿង បានបញ្ជាក់ទៀតថា បើតាមចម្លើយសារភាពរបស់ឈ្មោះ ងិះ ហ៊ីង បានឆ្លើយសារភាពថា គឿងញៀននេះពិតជាបានទិញ ពីឈ្មោះ រិទ្ធ រុស្សី ចំនួន១ថង់មែន ក្នុងតម្លៃ១៤០.០០០រៀល ដើម្បីយកមករំលែកជា២ថង់ ១ថង់សំរាប់ទុកប្រើប្រាស់និង១ថង់ទៀត សំរាប់ទុកចែកចាយ។
លោកវរៈសេនីយ៍ឯក ស ប៊ុនសឿង បានបញ្ជាក់ទៀតថា ផ្អែកតាមចម្លីេយសារភាពរបស់ជនសង្ស័យទាំង២នាក់រួចមក កម្លាំងអាវុធហត្ថខេត្ត បានកសាងសំណុំរឿងបញ្ជូនទៅតុលាការ ដើម្បីដាក់ទោសទៅតាមផ្លូវច្បាប់៕