ក្នុងហេតុការណ៏ប្រទូស្តរាយ គ្នាមួយរវាងជំនាញរដ្ឋបាលព្រៃឈើនឹងកងរាជអាវុធហត្ថប្រចាំនៅតំបន់អភិរក្សជីវចម្រុះសីមា(WCS)ប៉ះជាមួយអ្នករកស៊ីបទល្មើសព្រៃឈើ ។ហេតុការណ៏ បង្កឲ្យមានមនុស្សស្លាប់ និងរបួស ធ្វើឲ្យមានមនុស្សភ្ញាក់ផ្អើលសស្ទើរពេញខេត្តមណ្ឌលគិរីនេះ បានកើតឡើងកាលពីវេលាម៉ោង១៩នឹង៣០ ថ្ងៃទី៩ កក្កដា ២០១៤ ស្ថិតនៅតាមបណ្តោយផ្លូវជាតិលេខ៧៦ចំនុចគីឡូម៉ែត្រ១៧៤-១៧៥ កណ្តាលព្រៃស្ងាត់ផ្លូវពីស្រុកកែវសីមាឆ្ពោះទៅស្រុកអូររាំង ក្នុងភូមិអណ្តូងក្រឡឹង ឃុំសែនមនោរម្យ ស្រុកអូររាំង។
ប្រភពបាននិយាយថា មុនពេលកើតហេតុគេបានឃើញក្រុមជនរងគ្រោះ បានជិះរថយន្តមួយគ្រឿងម៉ាកកាមរីគូថស្វិត ពណ័ខ្មៅ ពាក់ស្លាកលេខ៣១ ៨៥ ភព២ មានគ្នាបីនាក់ឆ្ពោះទៅស្រុកអូររាំង។ប្រភពបន្តថា នៅពេលរថយន្តជនរងគ្រោះធ្វើដំណើរមកចំនុចខាងលើ ក៏ឈប់អែបចិញ្ចើមផ្លូវ ។ ពេលនោះ ស្រាប់តែរថយន្ត របស់ក្រុមអភិរក្សប្រមាណជា២ ទៅបីគ្រឿងមានដូចជា ម៉ាកកាមរីស្វិត ម៉ាកមីតស៊ុយប៊ីស៊ីត្រាយតុន ជិះដោយមន្ត្រីមេព្រៃនឹងប៉េអឹម ចុះមកសួរនាំនឹងចាប់ រឹបអូសយករថយន្តរបស់ជនរងគ្រោះ។តែដោយខ្លួន(ជនរងគ្រោះ)ពុំបានដឹកបទល្មើសព្រៃឈើ ក៏ប្រកែកមិនព្រមឲ្យមេព្រៃ នឹងប៉េអឹម អូសយករថយន្តរបស់ខ្លួនទៅស្នាក់ការទេ។ប្រភពបញ្ជាក់ថា នៅគ្រាកំពុងឈ្លោះប្រកែកគ្នានោះជនរងគ្រោះមិន បានចុះពីរថយន្តឡើយ នឹងមានបំណងបើករថយន្តរត់គេច ក៏ត្រូវមន្ត្រីប៉េអឹមទាញកាំភ្លើងអាការបាញ់ជាច្រើនគ្រាប់ បណ្តាលឲ្យតៃកុងស្លាប់ភ្លាមៗ នឹងអ្នករួមដំណើររងរបួសធ្ងន់ម្នាក់ ស្រាលម្នាក់។
ក្រោយកើតហេតុការណ៏ជនរងគ្រោះដែលរងរបួសធ្ងន់ត្រូវបានគេដឹកបញ្ជូនទៅសង្គ្រោះបន្ទាន់នៅប្រទេសវៀតណាម ហើយអ្នកស្លាប់ត្រូវគេដឹកបញ្ជូនទៅឲ្យក្រុមគ្រួសារចាត់ចែងធ្វើបុណ្យតាមប្រពៃណី រីឯអ្នករងរបួសស្រាលដែលរត់គេចខ្លួនពួនក្នុងព្រៃ ត្រូវបានកម្លាំងអាវុធហត្ថខេត្តយកទៅសាកសួរនៅទីបញ្ជាការកងរាជអាវុធហត្ថស្រុកអូររាំង ។
ករណីនេះ មន្ត្រីទាំងនោះអះអាងថា ជាការទប់ស្កាត់និងបង្ក្រាបបទល្មើសព្រៃឈើ ។ ប៉ុន្តែត្រូវបានអង្គការអ្នកឃ្លាំមើលនិយាយថា អ្នកដែលស្លាប់និងរងរបួសទាំងនោះ សុទ្ធតែជាអ្នករកស៊ីបទល្មើសព្រៃឈើ ដែលមិនបង់លុយកាក់អោយទើបពួកគេធ្វើទង្វើបែបនេះ។
មជ្ឈដ្ឋាននានាបានចោទជាសំនួរសួរថា និតិវិធីនិងកាបង្ក្រាបទប់ស្កាត់បទល្មើសព្រៃឈើដោយយកអាវុធមកបាញ់មនុស្សនិងយករថយន្តមកដាក់ទទិងផ្លូវថាត្រិមត្រូវតាមច្បាប់ដែររឺទេ? ហើយទង្វើបែបនេះ លោក ម៉ែន សុរិយុន ប្រធានគំរោងតំបន់អភិរក្សជីវៈចំរុះសីមា ជាអ្នកចេញច្បាប់ឬយ៉ាងណាបានជាមនុស្សស្លាប់និងរបួសកើតឡើងជាច្រើនករណីបែបនេះ។ទាក់ទងករណីនេះអ្នកឆ្លើយឆ្លងពត័មានយើងមិនអាចទាក់ទងទៅលោកសុំការបំភ្លឺពបានទេដោយពុំស្គាលលេខទូរសព្វ័។
លោក ស្វាយ សំអ៊ាង អភិបាលរងខេត្តមណ្ឌលគិរី ធ្លាប់បានប្រាប់ថា ការទប់ស្កាត់និងបង្ក្រាបបែបនេះពុំត្រឹមត្រូវតាមវិធីនៃច្បាប់នោះទេ ។
លោក សុខ រដ្ឋា អ្នកសម្របសម្រួលសមាគមន៍អាតហុកប្រចាំខេត្តមណ្ឌលគិរីថ្លែងប្រាប់ថា ការទប់ស្កាត់និងបង្ក្រាបពីសំណាក់មន្ត្រីជំនាញក្នុងស្នាក់ការអភិរក្សជីវៈចំរុះសីមាគឺមិនត្រឹមត្រូវតាមបានកំណត់នោះឡើយ ពោលគឺដូចជាមន្ត្រីយករថយន្តមកដាក់ទទឹងថ្នល់បិតផ្លូវសាធារណៈនិងការប្រើប្រាស់អាវុធបាញ់មនុស្សសុទ្ធតែជារឿងខុសនិងច្បាប់ទាំងស្រុង លោកបានបន្តទៀតថា អាជ្ញាធ័រខេត្តគួរតែចាប់អារម្មណ៍រឿងនេះអោយបានស៊ីជំរៅជាទីបំផុត ។
មន្ត្រីសាលាខេត្តមណ្ឌលគិរីបានបញ្ជាក់ប្រាប់អ្នកយកព័ត៌មានយើងនៅព្រឹកថ្ងៃទី១០ ខែកក្កដា ឆ្នាំ២០១៤នេះថា ខេត្តនិងធ្វើការប្រជុំនិងអញ្ចើញលោក ម៉ែន សុរិយុន និងមន្ត្រីជាច្រើននាក់ ដើម្បីពិភាគ្សាឡើងនៅប៉ញ្ហាពាក់ពន្ធ័ករណីមួយចំនួនដែលកើតមាននៅក្នុងស្នាក់ការអភិរក្សជីវៈចំរុះសីមា ប៉ុន្តែការប្រជុំសំង៉ាត់នេះ ត្រូវបានមន្ត្រីសាលាខេត្តរូបនោះនិយាយថា គេមិនអនុញ្ញតអោយអ្នកកាសែតចូលរួមនោះឡើយ ។
គួរបញ្ជាក់ផងដែរថាបច្ចុប្បន្នជនសង្ស័យត្រូវបានបញ្ជូនមកកាន់ទីបញ្ជាការកងរាជអាវុធហត្ថខេត្តមណ្ឌលគិរីដើម្បីធ្វើការសួរនាំ ៕
