ខេត្តមណ្ឌលគិរី : តាមប្រភព បានប្រាប់ថា កាលពីវេលាម៉ោង១រំលងអាធ្រាត្រ ថ្ងៃទី២៤មេសាឆ្នាំ ២០២៣ មានករណីបាញ់សម្លាប់ បង្ករឡើងដោយជនសង្ស័យជាខ្មាន់កាំភ្លើងឈ្មោះ រស់ពុទ្ឋា ហៅអាក្របី បាញ់ទៅលើស្ត្រីម្នាក់ជាអ្នក ធ្វើសាឡនឈ្មោះ ចន សុវណ្ណេត ហៅសាអាយុ ២៥ឆ្នាំ បណ្តាលអោយរងរបួសធ្ងន់ នៅចំណុចអូស្ពានសង្កាត់ស្ពាន មានជ័យក្រុងសែន មនោរម្យ ខេត្តមណ្ឌលគិរី។
ក្រោយកើតហេតុជនរង គ្រោះត្រូវបានបញ្ជូនទៅសង្គ្រោះនៅមន្ទីរពេទ្យ ដោយឡែកជនបង្កររត់ គេចខ្លួនបាត់ស្រមោល.។
សមត្ថកិច្ចបានអោយដឹងថាជនរងគ្រោះត្រូវខ្មាន់កាំភ្លើងបាញ់១គ្រាប់ដោយអាវុធខ្លី ចំដើមទ្រូងខាងស្ដាំ ក្បាលគ្រាប់ចូលបៀមនៅក្រោមស្លាបប្រចៀវ និងរបួសបញ្ឆឹតដើមដៃ ហើយត្រូវក្រុមគ្រួសារដឹកទៅសង្គ្រោះបន្ទាន់នៅមន្ទីរពេទ្យបង្កែកខេត្តមណ្ឌលគិរី ។លោកឧត្តមសេនីយ៍ត្រី សូ សុវណ្ណ ស្នងការរងទទួលផែនព្រហ្មទណ្ឌនៅរសៀលថ្ងៃទី២៤ ខែមេសា ឆ្នាំ២០២៣ បានប្រាឆប់កាសែតថា ករណីនេះពិតជាកើតមានមែនហើយរហូតមកដល់ពេលនេះជនរងគ្រោះកំពុងបញ្ជូនមកសង្គ្រោះនៅមន្ទីរពេទ្យក្នុងរាជធានីភ្នំពេញមិនគ្រោះថ្នាក់ដល់អាយុជីវិតនោះទេ។
លោកស្នងការរងបានញ្ជក់ថា ជនដៃដល់ឈ្មោះ រស់ ពុទ្ធា (ហៅក្របី) ភេទប្រុស អាយុ៤០ឆ្នាំ ជាអ្នករកស៊ី មានទីលំនៅភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
លោកថាក្រោយកើតហេតុជនដៃដល់បានរត់គេចខ្លួនហើយកម្លាំងរបស់លោកកំពុងដុតដៃដុតជើងស្រាវជ្រាវដើម្បីតាមចាប់ខ្លួនជនសជនសង្ស័យយកមកផ្តន្ទាទោសតាមផ្លូវច្បាប់ ។
ក្រុមគ្រួសារនារីរងគ្រោះកំពុងតែទទួចអោយសមត្ថកិច្ចខេត្តមណ្ឌលគិរី ធ្វើយ៉ាងណាតាមចាប់ជនដៃដល់មកផ្តន្ទាទោសតាមច្បាប់ដែលគេបានប្រព្រឹតិផងខណ:ជននេះសមត្ថកិច្ចស្គាល់អត្តសញ្ញាណហើយ។
សូមបញ្ជាក់ថានេះមិនមែនជាលើកទី១ទេដែលឈ្មោះរស់វុទ្ធាហៅអាក្របីបាញ់បោះសេរីបង្ករបួសស្នាម។ជាកស្តែងកាលពិឆ្នាំ២០២២១ជននេះបានបាញ់បណ្តាលឲ្យនគរបាលម្នាក់រងរបួសតែសមត្តកិច្ចមិនដែលហ៊ានចាត់ការច្បាប់នលើជនរូបនេះឡើយ។
