កំពង់ឆ្នាំង ៖ លោក ឧត្ដមសេនីយ៍ត្រី ស៊ុំ សុជាតិ ស្នងការងនគរបាលខេត្ត កំពង់ឆ្នាំង និង លោកវរសេនីយ៍ឯក កែវ ណា រុន ប្រធានការិយាល័យ អន្តរាគមន៍ នៃស្នងការដ្ឋាន ខេត្តកំពង់ឆ្នាំង ត្រូវបានចាប់ឃាត់ខ្លួនហើយ នៅវេលាម៉ោង ប្រមាណ១០ព្រឹក ថ្ងៃទី១៦ ខែធ្នូ ឆ្នាំ២០២១ ពាក់ ករណីរំលោភយកដី ព្រៃលិចទឹក បឹងទន្លេសាប ក្នុងខេត្តកំពង់ឆ្នាំង ។
ក្រៅពីនេះ លំនៅដ្ឋានអតីតអភិបាលខេត្ត កំពង់ឆ្នាំង លោក ឈួរ ច័ន្ទឌឿន ចំនួន២ទីតាំងនៅឯ ខេត្តកំពង់ឆ្នាំង ក៏ត្រូវសមត្ថកិច្ចឡោមព័ទ្ធដែរតែមិនទាន់ឮថាចាប់ខ្លួនលោកឈួចាន់ឌឿនបាននៅឡើយទេតាំងពីមានបទបញ្ជារនាយករដ្ឋមន្ត្រីតាំអពិថ្ងៃទី២៨វិច្ឆិកា។ការឃាត់ខ្លួននេះបានធ្វើឡើងចំថ្ងៃដែលសម្តេចតេជោហ៊ុនសែនដឹកនាំកិច្ចប្រជុំគណរដ្ឋមន្ត្រីដែលបានប្រកាសពីការប្តេជ្ញាចិត្តអនុវត្តបទបញ្ជាការពារបឹងទន្លេសាបរបស់សម្តេច!។
សូមជម្រាបថា លោកផ្កាយ១ ស៊ុំ សុជាតិ លោកស័ក្តិ៥ កែវ ណារុន និងលោក ឈួរ ច័ន្ទឌឿន ត្រូវបានរក ឃើញថា បានបំផ្លិចបំផ្លាញព្រៃលិចទឹករបស់រដ្ឋ ឈូស ឆាយដុតបំផ្លាញ ដើម្បីយកធ្វើជាកម្មសិទ្ធិ ក្នុងចំណោមមនុស្ស១៣នាក់។ សេចក្តីរាយការណ៍ឋម លោក ឈួរ ច័ន្ទឌឿន ចាប់យកដី ជាង២.០០០ហិកតា លោក ស៊ុំ សុជាតិ យកដី ជិត៧០០ហិកតា លោក កែវ ណារុន យកប្រហែល៤០០ហិកតា ។
សូមរម្លឹកថា , សារជាសំឡេង របស់សម្តេចនាយករដ្ឋមន្ត្រី នៅថ្ងៃទី២៨ ខែវិច្ឆិកា ឆ្នាំ២០២១ បានដាក់ បទបញ្ជាដ៏ម៉ឺងម៉ាត់ បង្ក្រាបនិងដកហូតដី ព្រៃលិចទឹក តំបន់បឹងទន្លេសាប ដែលរដ្ឋបានកំណត់ ជា តំបន់១ តំបន់២ និងតំបន់៣ ដែលរដ្ឋកំណត់រក្សា និងការពារ ត្រូវយកមកវិញទាំងអស់ ។ សម្តេចបាន សង្កត់ធ្ងន់ ទៅលើខេត្តកំពង់ឆ្នាំង ដែលកំពុងរងការ កាប់បំផ្លាញយ៉ាងធ្ងន់ធ្ងរ ទន្ទ្រានយកធ្វើជាកម្មសទ្ធិ។ អ្នកពាក់ព័ន្ធ ជាពិសេសមន្ត្រីដែលបានប្រព្រឹត្ត អំពើខុសទៅនឹងច្បាប់ទាំងនោះ ត្រូតែចាប់ខ្លួនកសាងបញ្ជូនទៅតុលាការ។ សម្រាប់ពលរដ្ឋ ត្រូវដកខ្លួនជៀសឱ្យឆ្ងាយ បើនៅតែ តតាំង ក៏ត្រូវចាប់ខ្លួនដែរ ។
សម្តេចប្រកាសដល់មន្ត្រី ខិលខូចពាក់ព័ន្ធករណីខាងលើ បើចង់ឱ្យមានការបន្ធូរ បន្ថយទោស ត្រូវចេញមុខសារភាពដោយខ្លួនឯង ជាបន្ទាន់ ប៉ុន្តែមិនមានន័យថា រួចផុតទាំងស្រុងនោះទេ អស់លោកនៅតែជាប់ពិរុទ្ធភាពដដែល ។ សម្រាប់ មន្ត្រីដែល មិនចូលសារភាព ត្រូវចាប់ខ្លួនកាត់ទោស តាមច្បាប់និងអង្គភាពប្រឆាំងអំពើពុករលួយ ត្រូវ ត្រួតពិនិត្យស្រាវជ្រាវទ្រព្យសម្បត្តិពួកគេទៀត ទើប សាកសម ។
សូមបញ្ជាក់ផងដែរថាបើតាមលោកស៊ុនសុវណ្ណរិទ្ធអភិបាលខេត្តកំពង់ឆ្នាំង ជនសង្ស័យទាំងពីរខាងលើនេះ(ក្នុងចំណោម១៣នាក់)បានសារភាព និងបានប្រគល់ដីព្រៃលិចទឹកដែលខ្លួនរំលោភនោះ ប្រគល់ជូនរដ្ឋវិញ ។ ប៉ុន្តែចំពោះបទល្មើសដែលខ្លួនបានប្រព្រឹត្ត នៅតែមានពិរុទ្ធភាព ក្នុងស្ថានទំងន់ទោស ខណៈជាថ្នាក់ដឹកនាំ ជាអ្នកអនុវត្តច្បាប់ បែរជាយកតួនាទីភារកិច្ចទៅប្រព្រឹត្តបំពានច្បាប់ដែលការងារនេះជាភារកិច្ចអង្គភាពប្រឆាំងអំពើពុករលួយនិងអាវុធហត្ថ។
