ភ្នំពេញ ៖ សម្តេចតេជោ ហ៊ុន សែន បានអំពាវនាវដល់បប្រជាពលរដ្ឋជាម្ចាស់រថយន្ត(ដែលជ្រកក្រោមផ្លាកខម,នបនិងរដ្ឋក៏ដូចជាចង្គុតស្តាំ)ដែលមិនទាន់បានបង់ពន្ធ មកបង់ពន្ធដើម្បីទទួលបានការអនុគ្រោះ១០%នៅមុនដំណាចឆ្នាំនេះ។
នៅព្រឹកថ្ងៃទី១៥ ខែធ្នូ ឆ្នាំ២០២១ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការសណ្ឋាគារ ហាយ៉ាត់ រីជិនស៊ី ភ្នំពេញ «HYATT REGENCY PHNOM PENH» ស្ថិតនៅសង្កាត់ជ័យជំនះ ខ័ណ្ឌដូនពេញ រាជធានីភ្នំពេញ របស់ក្រុមហ៊ុន ជីប ម៉ុង ដែលបានទិញម៉ាកយីហោមកពីអាមេរិកសម្តេចតេជោ ហ៊ុន សែន បានគូសបញ្ជាក់ថា នៅក្រោយថ្ងៃទី៣១ ខែធ្នូ ឆ្នាំ២០២១ខាងមុខនេះ ម្ចាស់រថយន្តទាំងអស់ដែលត្រូវបង់ពន្ធ ពុំអាចទទួលបានការអនុគ្រោះ១០%បាននោះទេ ហើយការបង់ពន្ធនេះក៏ដើម្បីនាំចំណូលថវិកាជាតិ ហើយក៏ជាការទប់ស្កាត់ដើម្បីកុំឱ្យមានការយកឡានមកជិះដោយអត់បង់ពន្ធតទៅទៀត។
សូមបញ្ជាក់ដែរថាសម្រាប់ការប្រមូលពន្ធនេះដែរលោកគង់វិបុលប្រតិភូរាជរដ្ឋាភិបាលទទួលបន្ទុកអគ្គនាយកពន្ធដាឲ្យកាសែតដឹងថាក្នុងរយះពេល១១ខែឆ្នាំ២០២១ពន្ធដាប្រមូលចំណូលបានជាង២៥៦០លានដុល្លារអាមេរិកគឺលើសផែនការជាង១៤ភាគរយ។បញ្ហាលុយនេះដែរលោកផាន់ផល្លារដ្ឋលេខាធិការក្រសសួងសេដ្ឋកិច្ចនិងហិរញវត្ថុអះអាងប្រាប់កាសែតថាថវិកាជាតិសម្រាប់ឆ្នាំ២០២២មិនខ្វះទេបើទោះបីប្រទេសជួបបញ្ហាកូវីតក៌ដោយ។
