ភ្នំពេញ ៖ ទីតាំងអីនធើណេតមួយកន្លែងយីហោ 63Kមានបើកដំណើរការល្បែងស៊ីសងយ៉ាងរលូនដោយមិនរំខានដល់លោកថោង ម៉ារឌី មេប៉ុស្តិ៍អូរឬស្សីទី១ និងមិនខ្វល់ពីបទបញ្ជាអភិបាលរាជធានីនិងរដ្ឋមន្ត្រីក្រសួងមហាផ្ទៃឲ្យបង្ក្រាបឡើយ។ ទីតាំងល្បែងស៊ីសងនេះស្ថិតនៅ ផ្លូវលេខ១០៧ ក្នុងសង្កាត់អូរឬស្សីទី១ ខណ្ឌ៧មករា។
ប្រជាពលរដ្ឋមានការងឿងឆ្ងល់និងដាក់ការសង្ស័យថា ការមិនបង្ក្រាបទីតាំងល្បែងស៊ីសងនេះតើ”លោកថោង ម៉ារ នាយប៉ុស្តិ៍នគរបាលអូរឬស្សីទី១” មកពីមិនដឹង រឺមកពីម្ចាស់ទីតាំងល្បែងមានខ្សែធំ ទើបមិនហ៊ានប៉ះ រឺក៏ម្ចាស់ទីតាំងល្បែងបង់លុយប្រចាំខែរួចហើយ ទើបធ្វើមិនដឹងឬចេតនាអនុវត្តផ្ទុយពីយន្តការអនុវត្តគោលនយោបាយភូមិ-សង្កាត់មានសុវត្ថិភាព?។
ប្រជាពលរដ្ឋ ដែលរស់នៅក្បែរទីតាំងល្បែងស៉ីសង សំនូមពរដល់លោកនេត ស៊ីថុន អធិការនគរបាលខណ្ឌមករា និងគណះបញ្ជាការឯកភាពខណ្ឌ៧មករាគួរមានវិធានការចំពោះទីតាំងនេះផងបើមិនទទួលលាភសក្ការៈពិល្បែងនេះទេ។
