ខេត្តស្វាយរៀង ៖ នៅថ្ងៃទី០១/០៩/២០១៦ វេលាម៉ោង ០៦:៣០ នាទី ព្រឹក មានករណីគ្រោះថ្នាក់ចរាចរណ៍រវាង រថយន្ដ និង ម៉ូតូ ស្ថិតនៅលើផ្លូវជាតិលេខ ០១ ចន្លោះគីឡូម៉ែត្រលេខ ១២៣-១២៤ ភូមិ រូបគោ សង្កាត់ ព្រៃឆ្លាក់ ក្រុងស្វាយរៀង អ្នកបើករថយន្ដឈ្មោះ ណាល់ ភេទប្រុស អាយុ៣៦ ឆ្នាំ មុខរបរបើករថយន្ដដឹកកម្មករ រស់នៅភូមិបឹងវែង ឃុំស្វាយជ្រំ ស្រុកស្វាយជ្រំ ខេត្តស្វាយរៀង បើកបរពីលិចទៅកើត រថយន្ដម៉ាក ទេសចរណ៍ ២៥កៅអី ពណ៌ស ពាក់ផ្លាកលេខ កំពង់ចាម ៣A ០៦២៧ គ្មានរបួស (រត់គេចខ្លួនបាត់)។
ហេតុការណ៍នេះបណ្ដាលឱ្យអ្នកបើកបរម៉ូតូឈ្មោះ ផិន សុផុន ភេទប្រុស អាយុ៧៥ ឆ្នាំ មុខរបរនៅផ្ទះ រស់នៅភូមិ កៀនសាំង សង្កាត់ ស្វាយរៀង ក្រុងស្វាយរៀង ខេត្តស្វាយរៀង(ពាក់មួកសុវត្តិភាព) បើកបរពី លិច ទៅកើត ម៉ូតូម៉ាក C១២៥ ពណ៌ខ្មៅ ពាក់ផ្លាកលេខ ស្វាយរៀង ១F ១៩២៦ រងរបួសធ្ងន់។ រីឯអ្នករួមដំណើរឈ្មោះ អេង សម្បត្តិដាវិន ភេទ ស្រី អាយុ ០៦ ឆ្នាំ មុខរបរ សិស្ស រស់នៅបុរីសំបូរមាស ខ័ណ្ឌមានជ័យ រាជធានី ភ្នំពេញ (ស្លាប់)។
សូមបញ្ជាក់ថា មូលហេតុដែលនាំឱុ្យគ្រោះថ្នាក់នេះគឺមកពី ម៉ូតូបត់ឆ្វេងខ្វះការប្រុងប្រយ័ត្ន បច្ចុប្បន្នអ្នករបួស កំពុងសម្រាកព្យាបាលនៅមន្ទីរពេទ្យបង្អែកខេត្តស្វាយរៀ។ ចំណែករថយន្ត និងម៉ូតូត្រូវបានរក្សាទុកនៅការិយាល័យចរាចរណ៍ខេត្តស្វាយរៀងរងចាំធ្វើការដោះស្រាយតាមនីតិវិធីច្បាប់ ៕
