ភ្នំពេញ ៖ ឯកឧត្តមឧត្តមសេនីយ៍ឯក ហ៊ុន ម៉ាណែត សមាជិកអចិន្ត្រៃយ៍គណបក្សប្រជាជនកម្ពុជា បុត្រាច្បងសម្តេចតេជោ ហ៊ុន សែន ក្លាយជាបេក្ខជននាយករដ្ឋមន្ត្រីរបស់គណបក្សប្រជាជនកម្ពុជាពេញសិទ្ធហើយ!។ នេះបើយោងតាមសេចក្តីប្រកាសចុះថ្ងៃទី៣ធ្នូរបស់គណអចិន្ត្រៃយ៍ដែលជាស្ថាបន័កំពូលរបស់គណបក្សប្រជាជនកម្ពុជាចុះហត្ថលេខាដោយសម្តេចសាយឈុំអនុប្រធានគណបក្សប្រជាជនកម្ពុជា។
សូមបញ្ជាក់ថាកាលពីថ្ងៃទី២ធ្នូសម្តេចតេជោហ៊ុនសែនប្រធានគណបក្សប្រជាជនកម្ពុជាបានប្រកាសពីអង្គពិធីសម្ពោធសមិទ្ធិផលក្នុងខេត្តព្រះសីហនុគាំទ្រឯកឧត្តមហ៊ុនម៉ាណែតជាបេក្ខជននាយករដ្ឋមន្ត្រីរបស់គណបណបក្សប្រជាជនកម្ពុជាតាមរយៈការបោះឆ្នោត។ទាក់ទងបេក្ខភាពនេះសម្តេចបានឲ្យដឹងថា បេក្ខភាព នាយករដ្ឋមន្ត្រី មាន ច្រើន រូប ទៀត នៅក្នុង បក្ស ក្នុងនោះ មាន លោក អូន ព័ន្ធមុនីរ័ត្ន រដ្ឋមន្ត្រីក្រសួង សេដ្ឋកិច្ច និង ហិរញ្ញវត្ថុ ផងដែរ ។
សម្ដេច ហ៊ុន សែន ប្រកាសច្បាស់ថា សម្ដេច ស ខេង , សម្ដេច ទៀ បាញ់ , លោកឧបនាយករដ្ឋមន្ត្រី យឹម ឆៃលី មិនធ្វើនាយករដ្ឋមន្ត្រីទេ។ «បើគង់តែ ខេង , បាញ់ , ឆៃលី ធ្វើជានាយករដ្ឋមន្ត្រីដដែល ឱ្យខ្ញុំធ្វើដដែលតែម្ដងទៅ វាមិនស្រួលជាង»។តែឡូវរឿងបានបញ្ចប់ដោយសារសម្តេចសាយឈុំប្រកាសថាគណអចិន្ត្រៃយ៍គណបក្សគាំទ្របេក្ខភាពឯកឧត្តមហ៊ុនម៉ាណែតទៅហើយនោះ!?៕
សូមអបអរសាទរ!!
