ខេត្តព្រះវិហារ ៖ តាមសេចក្តី រាយការណ៍ មកពី ខេត្ត ព្រះវិហារ បានឲ្យដឹងថា បច្ចុប្បន្ន នេះ សកម្មភាព មេឈ្មួញឈើ ឈ្មោះ ស្រី ម៉ៅ ជាមេឈ្មួញដ៏ដុះស្លែរ ប្រចាំខេត្តព្រះវិហារ បានចាប់ផ្តើម ដឹកជញ្ជូនបទល្មើសព្រៃឈើជាថ្មីបានកើតឡើង ជាង ១ខែ មកហើយ ។បទល្មើសព្រៃឈើរបស់ស្ត្រីមេឈ្មួញម្នាក់នេះ បានដឹកយកឈើទៅស្តុបទុក នៅក្នុងដេប៉ូ មួយកន្លែង ឋិតក្នុងភូមិ ភារកិច្ច សង្កាត់ ប៉ាលហាល ក្រុង ព្រះវិហារ ខេត្ត ព្រះ វិហារ ដោយគ្មានសមត្តកិច្ចជំនាញអើពើរក្រៅពីយកតុងនោះឡើយ។
ព្រោះបើយោង តាមប្រភពរាយាករណ៍ បានឲ្យដឹងថា មុនចាប់ផ្តើម ធ្វើសកម្មភាពដឹកជញ្ជួនបទល្មើសព្រៃឈើសារជាថ្មីនេះ គឺ មេឈ្មួញ ឈ្មោះ ស្រី ម៉ៅ បានរត់ការបង់លុយទៅ មន្ត្រី ជំនាញ និង ស្ថាប័ន ពាក់ព័ន្ធ ក្នុង ខេត្តព្រះវិហារ អស់ហើយ ទើបដឹកជញ្ជូន បានដោយ រលូនបែបនេះ?។ ការពិតការដឹកជញ្ជូនឈើប្រណិតដោយសំអាងថាជាដេប៉ូដែលទិញឈើស្របច្បាប់ពីក្រុមហ៊ុនស្របច្បាប់ដីសម្បទានរបស់រាជរដ្ឋាភិបាល ដែលតាមពិតគឺជាឈើអារណាយន្តដឹកចេញពីព្រៃ គូលែនភ្នំទេព នឹងព្រៃព្រះរកាក៏ដោយបើអាជ្ញាធរ និង ស្ថាប័ន ពាក់ព័ន្ធ ក្នុងខេត្ត ព្រះវិហារ មិន ត្រូវដង ត្រូវផ្លែ គ្នា ទទួលផលប្រយោជន៍ ជាថ្នូរទេឈ្មួញឈ្មោះ ស្រី ម៉ៅ ធ្វើមុខជំនួញ បទល្មើសព្រៃឈើ មិនកើត ទេ? ។
តើឯកឧត្តម ប្រាក់ សុវណ្ណ អភិបាលនៃគណៈ អភិបាលខេត្ត ព្រះ វិហារ និង មានចំណាត់ការ យ៉ាង ណា ចំពោះ បញ្ហា មួយនេះ ? ក្នុងពេលដែលសម្តេចតេជោបានប្តេជ្ញាបញ្ឈប់ការកាប់ឈើជាមួយបណ្តាប្រទេសនានាដើម្បីចូលរួមការពារបរិស្ថាននិងបញ្ហាប្រែប្រួលធាតុអាកាសទៅហើយនោះ។ដោយមិនអាចទាក់ទងសុំការបកស្រាយបាន អង្គភាពសារព័ត៌មានយើង រីករាយទទួល ការបកស្រាយ រៀងរាល់ម៉ោង ធ្វើការ ពីសាមីខ្លួន និង ស្ថាប័ន ពាក់ព័ន្ធ ៕