ឧត្តរមានជ័យ ៖ លោក វ៉ាន់ ក្តេ ប្រធានការិយាល័យគយច្រកអូរស្មាច់ នៅតែវ៉ាន់ក្តេដដែលធើប្រដាប់អីបើទោះជាសមត្តកិច្ចចាប់បានឡានដឹកទំនិញខុសច្បាប់ចូលតាមច្រកអូរស្មាច់ដោយមិនបង់ពន្ធក៏ដោយ!។
ប្រភពស្និទ្ធនឹងលោក វ៉ាន់ ក្តេ ប្រធានការិយាល័យគយច្រកអូរស្មាច់ បានឲ្យដឹងថា ដោយសារអាងមានលោក ឈុន សុភមង្គល ប្រធានសាខាគយខេត្តឧត្តរមានជ័យ ជាបង្អែករឹងមាំទើបលោក វ៉ាន់ ក្តេ មិនញញើតក្នុងការប្រព្រឹត្តអំពើពុករលួយ។ប្រភពពីមន្ត្រីពាក់ព័ន្ធនៅច្រកទ្វារអន្តរជាតិអូរស្មាច់ ឥ្យដឹងថាបច្ចុប្បន្នលោក វ៉ាន់ ក្តេ ប្រធានការិយាល័យគយច្រកអូរស្មាច់ នៅតែបើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់តាមច្រកអូរស្មាច់ យ៉ាងពេញបន្ទុក។
សូម្បីតែទំនិញប្រភេទចំណីអាហារខូចគុណភាពមានលាយសារធាតុគីមី ដូចជាប្រហិតចម្រុះ ស្លាបមាន់ភ្លៅមាន់ គ្រឿងក្នុងមាន់ ក៏លោក វ៉ាន់ ក្តេ ប្រធានការិយាល័យគយច្រកអូរស្មាច់ បើកដៃឲ្យឈ្មួញនាំចូលយ៉ាងស្រួលៗដែរ។
សូមបញ្ជាក់ថាកាលពីយប់ថ្ងៃទី១៩ ខែកញ្ញា ឆ្នាំ២០២១ សមត្ថកិច្ចបានឃាត់រថយន្ត១គ្រឿង ដឹកជញ្ជូនផលិតផលកែច្នៃពីសត្វ ខុសច្បាប់មិនបង់ពន្ធ(ឲ្យលុយក្រោមតុ)រួមមានប្រហិតចម្រុះ ស្លាបមាន់ភ្លៅមាន់និងកោះមាន់សរុប៣២,០៤៤តោន នៅចំណុចភូមិគោកត្រាច ឃុំបាគង ស្រុកប្រាសាទបាគង ខេត្តសៀមរាប។ ទំនិញទាំងនោះត្រូវបានឈ្មួញនាំចូលពីប្រទេសសៀម តាមច្រកទ្វារអន្តរជាតិអូរស្មាច់ ក្រុងសំរោង ខេត្តឧត្តរមានជ័យ ដើម្បីយកទៅលក់ចែកចាយក្នុងទីផ្សារនៅរាជធានីភ្នំពេញ។
