ភ្នំពេញ៖ តារាសម្ដែងស្រីឆ្នើម ឌុចលីដាចេញមុខបកស្រាយច្បាស់ៗក្រោយប្រិយមិត្តជាច្រើនបានចោទសួរនាងថា ហេតុអ្វីបានជាមិនដែលឃើញថតរូបបង្ហោះជាមួយស្វាមី។នាងបានចេញវីដេអូខ្លីនៅលើ បណ្ដាញសង្គម Tik Tok ផ្ទាល់ខ្លួនជម្រះមន្ទិលមហាជន ដោយនាងបានបកស្រាយយ៉ាងច្បាស់ៗថា ជារឿងធម្មតាមនុស្សប្រុសជាពិសេសស្វាមីរបស់នាងមិនចូលចិត្តរឿងថតរញ៉េរញ៉ៃដូចមនុស្សស្រីនោះទេ។
លីដាថាទំនាក់ទំនងជាស្វាមីភរិយានឹងគ្នាគឺនាងគ្មានអ្វីត្រូវលាក់បាំងនោះទេគ្រាន់តែស្វាមីមិនចូលចិត្តថត ហើយគ្រួសារនាងតែងតែធ្វើដំណើរកម្សាន្ដ ឬទៅញុំាអាហារជុំគ្នាធម្មតា។ឌុចលីដាបកស្រាយយ៉ាងដូច្នេះថា៖”ស្វាមីខ្ញុំមិនសូវជាចូលចិត្តថតរូបអីដូចខ្ញុំជាមនុស្សស្រីនោះទេ ក្នុងទូរស័ព្ទគាត់មានតែរូបការងារហើយមែនមានន័យថាខ្ញុំចង់លាក់បាំងអីទេ គឺពួកខ្ញុំដើរហើរទៅណា មកណាជាមួយគ្នាធម្មតា តែធ្វើម៉េចបើនិស្ស័យមនុស្សមិនចូលចិត្តថត”។
សូមបញ្ជាក់ថាកន្លងមកតារាសម្ដែងដោយមានប្រជាប្រិយភាពអ្នកនាង ឌុច លីដា បានធ្វើឲ្យមហាជនចាច្រើនភ្ញាក់ផ្អើលគ្រប់គ្នា ខណៈនាងបង្កើតបានកូនប្រុសម្នាក់មានសុភាពល្អ និងមានមុខមាត់ឃ្យូតគួរឲ្យក្នាញ់ផងនោះ។ ក្រោយពីកូនប្រុសកើតបានជិតមួយឆ្នាំ តារារូបនេះ បានរៀបចំកម្មវិធីក្រុងពាលី និងសូត្រមន្តចូលរោងរៀបការតាមប្រពៃណីជាមួយស្វាមីរបស់នាងជាផ្លូវការផងដែរ។ បើក្រឡេកទៅមើលការរស់នៅប្រចាំថ្ងៃរបស់នាងវិញ គេសង្កេតឃើញតារារូបនេះ និយមបង្ហោះរូបកូនប្រុសជាជាងរូបខ្លួនឯង។
តារាស្រីរូបនេះ ក៏បានរៀបការ យ៉ាងស្ងៀមស្ងាត់ទៀត ដោយមិនបង្ហោះ ឬផ្សព្វផ្សាយច្រើនទៀត ក្រោយរូបនាង បានសម្រាលកូនរួច ដែលធ្វើឲ្យមហាជន បានឆ្ងល់ថា ហេតុអី រូបនាង ខុសពីតារាផ្សេងៗ ដែលមានក្រុមគ្រួសារត្រឹមត្រូវសោះ តែនាង មិនសូវបង្ហាញទៅវិញ។ តែក៏មានមតិផ្សេងៗទៀត បានយល់ថា ប្រហែលរូបនាង ចង់ប្រើជីវិតឯកជន យ៉ាងស្ងប់ស្ងាត់បំផុត តាមអ្វីដែលនាង អាចធ្វើទៅបាន សំខាន់ថាតើ នាងរស់នៅជាមួយនឹង ក្រុមគ្រួសារមានក្តីសុខ ដែរឬអត់។
