កំពង់ឆ្នាំង៖ កាលពីព្រឹកថ្ងៃចន្ទ ១១កើត ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១៥ ខែវិច្ឆិកា ឆ្នាំ២០២១ លោក វន ស៊ីផា អភិបាល នៃគណៈអភិបាលស្រុកសាមគ្គីមានជ័យ និងជាប្រធានក្រុមទី៣ របស់ក្រុមដោះស្រាយវិវាទមូលដ្ឋានស្រុក បានដឹកនាំពិភាក្សាដោះស្រាយករណីវិវាទពីរករណី នៅសាលាឃុំក្រាំងល្វា ។
– វិវាទទី១: គឺវិវាទទំនាស់ព្រំដីរបស់ឈ្មោះ អ៊ឹម សាវ៉េន ជាមួយឈ្មោះ គុំ កាយ បន្ទាប់ពីការពិភាក្សាគ្នាមកគូភាគីទាំងពីរយល់ព្រមកាន់កាប់ និងប្រើប្រាស់ដីតាមវិញ្ញាបនបត្រ(ប្លង់រឹង)រៀងៗខ្លួន បន្ទាប់មកក្រុមការងារបានចុះទៅកំណត់ព្រំប្រទល់បញ្ចប់ទំនាស់តែម្តង។
– វិវាទទី២: គឺទំនាស់ករណីកាយយកអាចម៍ដីលក់រវាងឈ្មោះ អ៊ឹម សាវ៉េន ជាមួយឈ្មោះ ភិន អាវ ភាគីទាំងពីរបានឯភាពឲ្យក្រុមការងារចុះពិនិត្យផ្ទៀងផ្ទាត់វិញ្ញាបនបត្រ(ប្លង់រឹង)។ តាមការចុះពិនិត្យជាក់ស្តែងឃើញថា ភាគី អ៊ឹម សាវ៉េន ពិតជាបានកកាយយកអាចម៍ដីលើដីឈ្មោះ ភិន អាវ ប្រាកដមែន។ ក្រុមការងារបានសម្របសម្រួលបញ្ចប់បញ្ហាដោយមិនមានការទូទាត់ជាប្រាក់អ្វីនោះទេ ព្រោះមានផលប៉ះពាល់តិចតួច ៕
