ខេត្តបាត់ដំបង ៖ កាលពីថ្ងៃទី៣០ ខែសីហា ឆ្នាំ២០១៦ ម៉ោងប្រហែល១៦និង00នាទី នៅចំណុចក្រុម៥ ភូមិអន្លង់តាម៉ី ឃុំឈើទាល ស្រុកបាណន់ ខេត្តបាត់ដំបង មានករណីឃាតកម្ម មួយបានបង្កឡើងដោយ ជនសង្ស័យមានឈ្មោះ ស៊ីតេស៊ីន ភេទប្រុស អាយុ៣៥ឆ្នាំ រស់នៅក្រុម៥ ភូមិអន្លង់តាម៉ី ឃុំឈើទាល ស្រុកបាណន់ ខេត្តបាត់ដំបង បានប្រើប្រាស់ ញញួរវាយទៅលើឪពុកបង្កើតរបស់ខ្លួន ឈ្មោះ ដែងស៊ីតេ អាយុ៧៥ឆ្នាំ រស់នៅកនែងកើតហេតុ បណ្តាលឲ្យស្លាប់ ។
មូលហេតុដោយជននេះ ជាមនុស្សស្រវឹងខួបស្ទើរ គ្មានស្មារតីជាមនុស្ស ហើយតែងតែរករឿង ឪពុករាល់ថ្ងែ ដើម្បីបានលុយយកទៅទិញស្រាផឹក នៅក្នុងគ្រួសាររបស់គាត់ គឺមានតែពីរនាក់ឪពុកនិងកូនប្រុសប៉ុណ្ណោះ ។
កំលាំងជំនាញ នៃអធិការដ្ឋាននគរបាលស្រុកបាណន់ បានចុះទៅដល់ កន្លែងកើតហេតុ និងបានធ្វើការឃាត់ខ្លួនជនសង្ស័យនៅនឹងកន្លែង ហើយរៀបចំ សំណុំរឿង ដើម្បីបញ្ជូនទៅតុលាការចាត់ការតាមផ្លូវច្បាប់ ៕
