ភ្នំពេញ៖ អ្នកនាំពាក្យអគ្គនាយកដ្ឋានពន្ធនាគារ នៃក្រសួងមហាផ្ទៃ លោក នុត សវនា នៅថ្ងៃទី១៦ ខែវិច្ឆិកា ឆ្នាំ២០២១នេះ បានចេញសេចក្តីថ្លែងការណ៍មួយ ឆ្លើយតបចំពោះការនិយាយរឿងអាស្រូវក្នុងគុកដោយចាត់ទុកថាជាការបំភ្លៃការពិតរបស់អតីតជនជាប់ឃុំ ជាសកម្មជននយោបាយ សកម្មជនការពារសិទ្ធិមនុស្សសង្គម និងបរិស្ថានដែលតុលាការទើបបានដោះលែងពីពន្ធនាគារ។
តាមសេចក្តីថ្លែងការណ៍ អ្នកនាំពាក្យនៃអគ្គនាយកដ្ឋានពន្ធនាគារសូមធ្វើការបដិសេធ និងច្រានចោលទាំងស្រុងចំពោះការលើកឡើងប្រកបដោយចេតនាមិនស្មោះត្រង់ ឆ្លៀតឱកាសកេងចំណេញនយោបាយ! ។